بالنسبه للي يقول إن مورينهو ماقدم شي لـ الفريق ؟!

بديت أشك إن مورينهو يدرب الإينتر من 7 سنين

السلام عليكم ورحمة الله وبركاته

رغم اني قلت اني ما راح ارد مرة ثانية لكن فيه كلام ودي اقوله واتراجع عن اللي قلته

إقتباس الرسالة الأصلية كتبت بواسطة الكرة الهلالية ,, اشوف الانتقادات من الناس الي تشجع فرق وجعانه طبعا نتيجة لان موري مكمل مسيرة مانشيني وواطي على خشوم فرقهم يعني المشكله ليست في كره موري .. المشكله ترجع وتعود لحبيبنا الانتر

معليش يا ابوحميد بس مقياسك غلط × غلط

انت تقول اننا ننتقد مورينهو ومقهورين منه علشان واطي على خشم اليوفي

لنفرض ان كلامك صحيح

طيب لو اليوفي هو المتصدر وفايز على الانتر في الذهاب , ابجي يعني وابقول ان مورينهو داهية ومدرب زمانه واحسن واحد بالالفية ومدري ايش ؟

ياليت توضح هالنقطة تكفى

إقتباس الرسالة الأصلية كتبت بواسطة الكرة الهلالية ماودي اسرد كل كلمة قيلت واعلق عليها .. لان بعض الردود كانت نتيجة غيض واضح من الموضوع وجماليته ومايحتويه حمود .. دريت انك تجهز هالموضوع من مدة طويله جدا .. واظن اني اعرف الايام الي قضيت نصها خلف شاشة الجهاز .. لذلك لا تهتم لأي نقد جارح جاك يعني حتى تعبك انت لم يقدروه !!

برضة هذي نقطة ثانية ابيك توضحها

يعني اي واحد ينزل موضوع لازم الكل يشكره عليه والا بيكون نكران لراعي الموضوع ؟

اشوف ان افضل شكر لراعي الموضوع هو الرد على موضوعه
لكن ان تتجاهل موضوعه فهذا يعني عدم الشكر !!

مسألة اني لازم اكون معه بنفس الرأي يعتبر تقدير له صراحة ما ادري من وين جبتها !

اجل على كذا لازم نلغي اي موضوع نقاشي , لان المواضيع النقاشية هي عبارة عن اختلاف بوجهات النظر

لما اختلف بوجهة النظر يعني اني ما قدرت تعبه ولا شكرته !!! ارجع لاول سطر لردي الاول

اللي انا اعرفه ان ردود الشكر نلقاها بمواضيع استديو شبكة الزعيم في نقلهم للتغطيات ولا اذكر شفت نقاش باي موضوع عن برنامج او تقرير مسجلينه

اذا تبغونا نعامل المواضيع النقاشية بمثل هالطريقة فقولو لنا



انتظر التوضيح منك يابوحميد

إقتباس الرسالة الأصلية كتبت بواسطة يسلم راسك بالنسبه للي يقول إن مورينهو ماقدم شي لـ الفريق ؟! بديت أشك إن مورينهو يدرب الإينتر من 7 سنين

هلا وغلا فيك

طيب اجل ليه الموضوع الطويل العريض ذا !!!؟
وليه الدفاع المستميت وكانه محقق لكم انجازات خياليه !!!؟

مهو انا من اول الموضوع اقول وش اللي اضافه مورينهو للانتر غير الهالة الاعلامية والحرب النفسية على الخصوم وانتم شابين فيني والحين تناقض نفسك ؟


== = ==

عندي نقطة ثانية
المواضيع النقاشية مثل هذي ودنا نقلل فيها من الظرافة لانها مواضيع نقاشية وفيها توجه جاد وفائده كبير للمتناقشين والقراء
لكن يجي احد اليوزرات ويقعد يستظرف فما ادري وش الفائد من الظرافة بمثل هالمواضيع ؟ يا اخي نقدر كلنا نقعد نسوي فيها جيم كاري وعادل امام ونقلب اي موضوع نقاشي لضحك وتريقه وطقطقه

تذكرو لكل مقام مقال ,,,,,

انا كنت ناوي ارد على احد الاعضاء لكن لقيت رده محذوف

شكرا لكم

,,

إقتباس معليش يا ابوحميد بس مقياسك غلط × غلط انت تقول اننا ننتقد مورينهو ومقهورين منه علشان واطي على خشم اليوفي لنفرض ان كلامك صحيح طيب لو اليوفي هو المتصدر وفايز على الانتر في الذهاب , ابجي يعني وابقول ان مورينهو داهية ومدرب زمانه واحسن واحد بالالفية ومدري ايش ؟ ياليت توضح هالنقطة تكفى

لو بناخذ مثالك ان اليوفي متصدر كان ماشفنا كل هالهجوم على الموضوع !!
وهذي وجهة نظري في ردودكم صراحه ..

إقتباس برضة هذي نقطة ثانية ابيك توضحها يعني اي واحد ينزل موضوع لازم الكل يشكره عليه والا بيكون نكران لراعي الموضوع ؟ اشوف ان افضل شكر لراعي الموضوع هو الرد على موضوعه لكن ان تتجاهل موضوعه فهذا يعني عدم الشكر !! مسألة اني لازم اكون معه بنفس الرأي يعتبر تقدير له صراحة ما ادري من وين جبتها ! اجل على كذا لازم نلغي اي موضوع نقاشي , لان المواضيع النقاشية هي عبارة عن اختلاف بوجهات النظر لما اختلف بوجهة النظر يعني اني ما قدرت تعبه ولا شكرته !!! ارجع لاول سطر لردي الاول اللي انا اعرفه ان ردود الشكر نلقاها بمواضيع استديو شبكة الزعيم في نقلهم للتغطيات ولا اذكر شفت نقاش باي موضوع عن برنامج او تقرير مسجلينه اذا تبغونا نعامل المواضيع النقاشية بمثل هالطريقة فقولو لنا انتظر التوضيح منك يابوحميد

ابدا ما قلت اشكرووه ولا قولو يعطيك العافية .. انا اقول قدروو

والتقدير يكون بـ قل خيرا او اسكت .. أما يجي واحد ويقول كلمات مثل " حشو " .. " تطبيل " .. الخ

مثلا في الرد الي يسبقني شفنا كلا العضو هواوي الزعيم كيف انتقد وقال : " رأيي الشخصي ان الموضوع فيه تمجيد مبالغ فيه جداً
لـ المدرب الكبير مورينهو "

من دون ما يستخدم كلمات جارحه ..


هذا توضيحي على عجاله ياناصر

,,

عبدالله ( ابراهيموفتش ) نزل رد جميل , ماشفنا أحد رادن عليه !!

إقتباس وللجميع آجمل آحترامي وبكل رحابة صدر لن أدخل ردود الاعضاء بعلاقتي معهم مهما كانت .. سواءً كانت معي او ضدي .. فـ بالأخير تبقى شاشه وكيبورد ولاتوصل لدرجة الحساسية بـ ود الاعضاء مع بعضهم

هذا خلاصة الموضوع ,, وهذي هي العقليه المطلوبه في المواضيع النقاشيه

الابتعاد عن ان يكون الموضوع شخصى او ضد نادي معين او ضد شخص معين

بهذا الموضوع كان المؤيد وكان المخالف ,, ولكل منا وجهة نظر
عن طريق هذه الشاشه والكيبور (زي ماقلت ) يريد ايصال رئيه وفكره
قد نختلف بموضوع او موضوعين ,, او نختلف كليا لكن هذا لايعني انك انت غلط او انا غلط

لكن الاهم هو احترام اصحاب هذه الاراء (( والزمن كفيل بتصحيح الاراء ))

يعطيكـ العافيه اخوي عاشق الأمير الأسيوي

تكفينا هذي العقليه

^ ^ ^
السلام عليكم ورحمة الله وبركاته

ما قصرتو يا عاشق الامير الاسيوي & LIVER 4 EVER

هذا هو المطلوب , نتناقش من اليوم لبكرة ولا اقنعك ولا تقنعني كل واحد له وجهة نظر ولابد نختم النقاش بهالكلمتين

رأيك الشخصي ووجهة نظرك واحترمها

وانتهينا

رغم اني اعتب على اخوي عاشق الامير الاسيوي انه تجاهل ردي ورد اليوفي وبس ودموع ولا عقب علينا
طبعا اول رد لي واول رد لليوفي وبس , الردود التابعه لها كانت نقاش داخل الموضوع
وبالتأكيد سقطت اسامينا سهوا

‏I B R A H I M O VIC ابوعابد صديقي ردك حق كابيللو يفتح لنا افاق جديده ونقاش جديد ممتع
افتح لنا موضوع بس فصل شوي وخلنا ندابك فيه عن دري الابطال وليه ما حققه المدرب الفلاني والفريق الفلاني
تراها فكرة حلوه

شكرا لكم

السلام عليكم

شكرا لكاتب الموضوع وجزاك الله خير ماقصرت في موضوعك

الموضوع حمل اكثر مما يحتمل

وصلت الامور الى التشكيك في الذمم والضمائر وكذلك الاساءات

والسبب كله موضوع , تم اغلاق الموضوع واتمنى من كاتب الموضوع العذر في ذلك

فلا نريد خسارة احد بسبب موضوع عن مدرب او عن كرة القدم

فالجميع هنا اخوان ويجمعنا هذا المنتدى على حب الهلال مهما اختلفنا في وجهات النظر والتي للجميع الحق في ان يبدي وجهة نظره وايضا في نفس الوقت للجميع الحق في التعليق عليها لان المنتديات وضعت من اجل ذلك , ولكن ان يزعل البعض من مداخله لاتتفق معه في وجهة النظر وبناء عليها يسئ لشخص من اختلف معه في وجهة نظره , فهذا منحنى خطير قد يجعلنا نخسر بعض الاعضاء بالايقاف ونحن لانريد ذلك , فلم نجتمع هنا من اجل ذلك ولم نضع المنتدى من اجل ان نثير البغضاء والكراهية بيننا , وكذلك من حق الجميع ان يتجاوز بعض الردود ولايرد عليها ولكن ان يسئ لهم في اشخاصهم فهذه غير مقبوله اطلاقا ولايرضاها العضو على نفسه فمابالك بالاخرين .

اتمنى من صاحب الموضوع ان يسأل نفسه او حتى البعض الاخر عندما تغضب من وجهة نظر اختلفت معك في موضوعك دون التطرق لك شخصيا ثم تاتي ونتيجة لغضبك هذا تسئ للعضو في شخصه !!!!! هل يقبل بذلك لنفسه , اعلم بان الجميع احيانا في لحظات الغضب قد يتخذ بعض التصرفات التي لايرضى عنها لاحقا ومحدثكم احيانا يعاني من هذا , ولكن في النهاية الدعوى كوره ماتسوى اننا نخطئ على بعضنا البعض وان تسئ لي او اسئ لك , وسامح الله الجميع .

مع تمنياتي للجميع بالتوفيق