|
" ياسر " ليه [[ الجفا ]] ؟ والله [[ كفى ]] . . ( فضفضة مشجع مخلص ) * * * بسم الله الرحمن الرحيم للصبر حدود وكل شي له حدود . . ياسر نحبك ونحب فنك ولعبك ونقدر مهاراتك ولعبك بخصمك . . لكن أيضاً نحب الهلال أكثر ياسر نحن لم نطالبك بخلق المعجزه ولا إحداث حادثه كروية في ارض الملعب كل الذي نريده تقديم واجبك كمهاجم .. لانريد تفنن ومهاره ولا نريد هدف دبل ولا مقص كل ما نريده هدف يحقق الفوز للزعيم وانت تعلم ياياسر ان كل نقطه في المبارايات القادمه يحسب بالف هدف ,, انت تعرف ياياسر نحن جمهور عاشق نحن جمهور لانرحم المخطئ فبقدر مانمجدّك في نجاحك فنحن ُ ننتقدك في إخفاقك لمصلحتك ولمصلحه الزعيم قبل كل شيء ,, انت ياياسر اسعدتنا وافرحتنا ونحن مقدرين لكن وقفنا الان تاهئين في المستوى الهزيل منك . . انت لاعب عالمي وتعرف ما لك وما عليك وتتواجد في الملعب اكثر مما تتواجد في منزلك لكن ياياسر نحنا نطالب بالفوز ونطالب بالمهاره. . مانبي نضع حجه ونقول رقابه . . ياسر انت مهاجم والمهاجم قادر على تخليص الرقابه . . شي معروف في عالم الكره ان مدافع الخصم بيركز على ابرز لاعب في الفريق الثاني وهذا ماحصل وسيحصل الايام القادمه . . لكن لعبتك هي كيف تتخلص من المدافعين شاهدنا اليوم كعب بمهاراه ليس له اي داعي ياياسر في وقت كنا ننتظر نصف هدف لانك تعرف أكثر منا ان المباراه هذه تحدد ملامح بطل ..,, لو لم يفز الزعيم لن يرحمك الاعلام ولا الجمهور سنحاججك طوال فترة التوقف بين الموسمين ,, تعرف ياياسر ان اعدائك ومتصيدين اخطائك كثيييير وكلهم يريدون الزله عليك لذلك ياياسر انتبه في اللقاءات القادمه ,, انا طوال مسيرتي ماانتقد اي لاعب هلالي ولم انتقدك انت شخصيا ً الا مره واحده فقط . . لكن الان انت تدرك وتعي حجم كلمة الجمهور العاشق لك وليس الجمهور الهواوي الذي لو سجلت هدف وقفوا معك ولو لم تسجل هدف هاجموك .. لا ياياسر انت صائم عن الاهداف من فتره ولم انتقد بسبب التريّث ولكي لانكون مستعجلين في الحكم ... لكن الان مرحلة لاتتطلب الانتظار ولا التريث فنحن نحصد نتاج موسم كامل من التعب والمعسكرات وانت من يقود الدفه في الهجوم بهدف منك تقلب الموازين لصالح الزعيم اكرر ياياسر نحن لم نطالب بالمعجزه ولا نريد مهاره في الهدف نحن نريد هدف لو بيدك المهم هدف يعزز صدارة الهلال . . وبعد ذلك تفنن على راحتك ,, اتمنى ياياسر ان تعرف ان هناك إعلاميين سخروا أنفسهم وقلمهم لمهاجمتك في نجاحاتك فمابالك بإخفاقك . . نريدك ياسر تبدا صفحه جديده مع عشاق الزعيم واعلم ان كل مشجع هلالي يكن لك المحبه والتقدير ولكن في الاول والاخير مصلحة الزعيم اهم واهم . . واعلم ياياسر ان الهلال مليء بمن يملئ فراغ ياسر لكن ثقتنا بك كبيره وكبيره جداً ,, على العموم نتمنى ياياسر ان تجلب هدف اللقاء القادم ليكون عربون صداقه بينك وبين الجماهير من جديد لاننا كجماهير لك ياياسر لا نتمنى ان ينتهي الموسم بهذا المستوى الهزيل لك .. وتذكر ياياسر اني انتقد نقد هادف وليس جارح . . وهمنا الاول والاخير مصلحة الزعيم ومصلحتك ,, ونحنا لم ننتقد الا لانك معودنا على الفرح . . . . وبأذن الله بتكون لك كلمة في اللقاء القادم وستقلب الطاولة على من يجّرحك كامل الشكر والتقدير لجهودك ,, اخوك المخلص المشجع الوفي بندر |
كلام كبير اخوي واشكرك على حرصك وعلى طريقتك في النقد اللي يجهلها كثير من الناس عند ما يتجاوز النقد للتجريح ... مشكور مره اخرى وبالتوفيق لياسرs13s |
إقتباس:
اللي جاه كم هجمة وحاول يخلصها لكن ماكتب الله والله اني عتبان على ياسر لكن مو لهالدرجة القسوة عليه انا ملاحظ ان ياسر من الموسم اللي فات وهو مايستعرض ويحاول يخلص لكن الفربق اليوم كله سيء الا الدعيع |
عسى ماشر احنا الحين فرحه وكل ما ادخل موضوع الا كل انواع الانتقاد في ياسر ارحموووووووووونا وتراه هو اللي صنع الهدف وخلونا نفرح وياسر كبير ويعرف وش يسوي مو انتو اللي تعلمونه وشكرا لكاتب الموضوع الي كتب الموضوع الذي يدل على غيرته على هلاله ويريد ان يرى الهلال بيوم وليله بدرا وفي ظروف مثل هذه اختكم ميمي |
ياكاتم الانفاس اين انت ياقناص يااغلى الناس عود لنا بروح الهلال والاحساس ياقناص ياقناص سهامك تنتظر شارتك وتريد الكوره شوتتك وينك وينك احنا ننتظرك بس عد لنا معك والله احنا الملعب المرمى الجمهور الفرح مشتاقين لك كلنا كلنا |
ياسر مجتهد بس الحظ خذله الله يوفقه ان شا الله ويرجع المستواه لجل يصير هجوم الزعيم مرعب |
انا اقووووول ياسر ما قصر وحاووووول بس الله ما كتب له يسجل هذي كل الحكايه ونشوووووف ابو سعيد ان شاء الله في المبارتين المقبله |
صراحة ياسر في الفترة الأخيرة (يبغى يسجل قوول خرافي ) مو مهم مباراة مهمة (على كاس ) مع المنتخب يعني ياسر إذا ما جاته الكورة عـالطاير ويثبتها عالصدر ويدقها من فوق المدافع ويسجل كبري في الحارس ____ ما يعتبره هدف____ |
والله مادري وش فيه ياسر اليوم صراحه ماااااش كم كوره ضيعها واللي انا عتبت عليها كثير اللي جته قدام الباب وحاول يجيبها بالكعب انا مادري حنا فايزين بـ 4 ولا بـ 5 والله لو مد رجله اي شي ان تدخل بس يبيها كعب وفي نفس وقتها الاتحاد متقدم بهدفين لكن مانقول الا الله يستر من الجاي وانا من وجهت نظري لو يلعب بمهاجمين افضل على الاقل نلقى واحد ينهي الهجمه مو يتفنن فيها بصراااحه كلامك عين العقل واللي يقول غير كذا اعرف انه مشجع عاطفي لابعد الدرجات ... مشكور اخوي ولا تحرمنا جديدك ... |
إقتباس:
ربما فقط هجمته امام سابا الإيراني فقط وكان بين 3 مدافين فطبيعي ان يحاول بالمهارة ’’ |
تعبير مجازي يا خوي ياسر مو بس اليوم له فترة طويلة ( الأجنحة يعرضوله ) كور خيالية يعني لو يدقها بسن الجزمة جات قول (لكنه يحاول يتفنن فيها) لا تفهمون كلامي غلط على أنه تجريح لياسر لكن صراحة الثلاث المباريات الأخيرة صرت أتمنى يبدله المدرب عشان يحس (شوي) إن مكانه مو مضمون |
وتذكر ياياسر اني انتقد نقد هادف وليس جارح . . وهمنا الاول والاخير مصلحة الزعيم ومصلحتك ,, ونحنا لم ننتقد الا لانك معودنا على الفرح . . . . كم لنا وحن نقرا مواضيع في المنتدى صاحبنها يدعون النقد البنااااااء.... ولكن اهنيك على هذا الموضوع الهااااادف الي اتمنى انه يوووصل لقنــــــــــاصنا((ابوسعيــد)).... سلمت يمنااااااكـ |
كلهم والله نايمين الا الدعيع والمفرج والمحاور قبل نزول غلطة الحسيني الفرج لكن ياسر لو يترك التفنن في التسجيل كان الحين هدااااااااااااااااااف الدوري اللهم وووفق زززززعيمنــــــــــآآآ |
إقتباس:
سهل الواحد يتكلم وهو قاعد يتفرج>>>وهذا موتبرير لياسرطبعا صحيح مستواه نازل بس لو كان في مهاجم ثاني يساند ياسر كمهاجم صرررررريح...اتوقع كان خفف الضغط عن ياسر وخصوصا انه مو بس يسجل ويصنع بعد... واتمنى اتمنى ان العنبر يكون اساسى مع ابوسعيد المباراه الجايه |
إقتباس:
مدري اش سالفتكم انتو هالكعب ........؟؟؟ كل كلمه والثاني تقولون ياسر يتفنن ويبي يجيب هدف بالكعب ياعمى لو تجي لياسر يسجل بيده بس يفوز فريقه.... بس هي سالفه طلعة في الاعلام وللاسف احنا الي استخدمنها ضد ياسر.... هذا الي اقصده((مهاجمو الهلال يبحثون عن الجماليه في الهدف)) انتا تتوقع منه انه يضيع مجهد فريق كاااااااامل لمجرد الجماليه >>>:no::no: |
| الوقت المعتمد في المنتدى بتوقيت جرينتش +3.
الوقت الان » 10:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd