إقتباس الرسالة الأصلية كتبت بواسطة Webmaster زين أنك ذكرت سالفة اليونان في يورو 2004، لأن ذي من الحالات الاستثنائية اللي صعب تتكرر! طبعاً ما أقارن الهلال باليونان، لأن الهلال مقارنة ببقية فرق الدوري مو زي اليونان بالنسبة لبقية الفرق اللي شاركت في يورو ذيك السنة ... الهلال مو مضطر أنه يبحث عن هدف مبكر وبعدها يتراجع إن حصله، أو يقعد يعاني عشان يسجل. هو صح قدرنا نحصل بطولات بهالطريقة، لكن بنفس الوقت قعدنا نعاني، عانينا في الآسيوية وعانينا في الدوري، لكن فيه من للآن يكابر ويقول "المشكلة سببها تأثر اللعيبة برحيل كوزمن"، طيب يومك تلعب مع الشباب في كاس فيصل وكاس ولي العهد وكوزمن معك، شمعنى ما قدرت تسجل؟ اللعب بأسلوب دفاعي مو عيب، لكن أنه يكون وسيلتك الوحيدة وأنت عندك الخيار في أنك تكتسح خصمك بالثلاثة والأربعة وفي وقت حرج (زي لما تلعب على أرضك في الآسيوية، أو أمام فريق من فرق الوسط وأنت متسلح بأقوى هجوم ووسط في الدوري وبينك وبين متصدر الدوري نقطتين)، فهذا معناه أنك ما عرفت توظف لعيبتك، أو أنك مو مهتم بالفوز!

كلام جميل

بس بوضح نقطة وحدة اللعب بمهاجم واحد ليست دفاعية اترك عنك اليونان في مثال ثاني ليفربول فريق لااحد يختلف عليه يعتمد على فرناندو توريس مهاجم وحيد فقط

نحن نرى مهاجم واحد على بالنا انها دفاعية لااا

الكورة الحديثة ماتعتمد على لاعب واحد يعني ياراس الحربة يجيب القول والا مايجي بل تعتمد على الكورة الجماعية يعني فيه خطورة القادمين من الخلف فيه خطورة الاظهرة . مع كوزمين كنا نشاهد رادوي كان بيهدف بل احرز هدف في النصر على انه محور

اللي ابي اقوله وانت اخبر مني بهالشيء ان الهلال يلعب الكورة المتطورة الحديثة نعم بمهاجم واحد لكن بتحرك الجميع مرة طارق راس حربة ومرة ولي ومرة الفريدي

في مثال بسيط في مباراة سابا الايراني عندما اخرج المدرب الفريدي وادخل مهاجم ثاني ضاع الفريق

لك الف تحية على تقبل النقد