|
قصة خروجي من البيت بالدقيقة 37 و كلامي مع خويي واللي كان متضايق و لكن ! السلام عليكم يا اخوان و ميروك الفوز اللي بصراحة له قصة معاي كنت اتابع المباراة و مسلسل تضييع الاهداف من الفريقين و جاني نوع من الحزن و قفلت التليفزيون و قلت لأم العيال يالله نروح برع نتمشى و نودي الاولاد يلعبون بالمراجيح. بصراحة جاتني ضيقة غريبة و قعدت اتذكر الفريق الاوروبي ايام كوزمين و قلت في نفسي حسبي الله على من كان السبب في غياب المتعة. انا كنت شبه مبتعد عن الكورة و لكن الفريق الازرق بلعبه المجنون و مدربه الداهية اجبرني على متابعة المباريات اولا بأول. المهم واحنا في السيارة ابني يسألني وشفيك يا ابوي زعلان ؟ و طالعت فيه و قلت له لا يا بني ماني بزعلان و رد علي بكلمة غريبة. انت دايم فرحان و الهلال فاز صح؟ قلتله صح صح (ابي اصرفه) المهم وانا بالسيارة اكلم خويي بالعمل و اقوله هارد لك و هذي الدنيا مو دايم فوز. و الرجال مرررره متكدر و قال لي والله انها قفلت معاي و مالي خلق اكلم احد. فقلت له يا اخي تابع الدوري الانجليزي و استمتع و خلك من دوري البلوي هذا. المهم رجعت البيت عل 12 و قلت خلني اونس نفسي بقرأة اخواني في موقع الزعيم و اشوف وش صار و اول ما لفت نضري موضوع مثبت مكتوب (هدف المباراة بجميع المعلقين) قعدت افرك عيوني وش ذا و طوالي فتحت على موقع كورة ابي اشوف النتيجة و اشوفها 1:0 ( محمد العنبر الدقيقة 90) والله ان 95% من صحة الانسان هي السعادة النفسية و الكبت اللي فيني تحول فرحة و سبحان مغير الاحوال. اشكركم يا جماهير الهلال جماهير الزعيم و موقع الزعيم على الخبر وانا ماني قادر اصدق للحين والحمدلله ان الله وفقنا في الفوز الصعب و الصعب جدا من ابناء مكة و اقدر اقولكم و كلي ثقة ان بعد اليوم ان شاء الله لن ياخذ احد من الهلال الدوري بإذن الله لهذه السنة و البطولة 49 يارب للهلال و في الرياض بنحتفل. و اخيرا وش تشيرون علي اسويه مع خويي اللي نام و هو مفكر ان الهلال خرج متعادل ؟ ارسله رساله ولا اكلمه على الصبح قبل طلعة الدوام ولا اروح اكتب على سيارته هاردلك الدوري (اقهره زيادة). خويي ذا مجنون الهلال و كان يكلمني يوم كان في المانيا مرات يسأل عن النتيجه وهو في العمل. مبروووووووووك يا ازرق و ال 49 ان شاء الله جايبينها جايبينها العنيد |
المهم إنكـ استانست الحين .. و الهـــلال متعود دايم على اسعـــــاد جمــاهيرهـ .. عكس الفرق الأخرى .. |
لا تحاف على الزعيم. وان شاء الله الدوري. |
ياخي الله يديمها وناسة وعسى قلبك مايعرف الضيق |
يااااااااارجال وسع الخااااطرررررر انت هلالي . |
حرقوا اعصابنا الله يسامحهم بس الحمد لله عالفوووز والله يديمها نعمه ونتوجها بالدرع ان شالله |
ههههههههههههههههههههههههههههههههههههه الله يوسع صدرك بالعافيه |
انا اقـــول دق عليه قومه من النوم < نذاله هع ,, الف مبروك وبالتوفيق للقادم,, |
المهم إنكـ استانست الحين .. و الهـــلال متعود دايم على اسعـــــاد جمــاهيرهـ . |
الحمدلله والشكر لكــــــ يااااااارب |
الحمد لله رب العالمين .. انا كنت اتابع المباراة وحتى وهي في نهايتها والهلال كان مستواه وروحه في هبوط كنت كل ثقة في الله سبحانه وتعالى في الفوز .. وقلت لمن كان معي بنفوز وببصمة ياسر يا يسجل يا يصنع حتى في اخر خمس دقائق .. والحمد لله رب العالمين الذي بشكره تدوم النعم .. وان شاء الله فوزين قادمين بحول الله وقوته والدوري للزعيم .. فهو لا يليق الا بالهلال .. |
مبروك يا أخوي و الله أنا خلااااااااااااااااااااااااااص قلت الدوري ضاع بسبب الخطط المدروسة المشكلة أبويا جنبي يكره الاتحاد يقول شوف كيف الاتحاد فايز 4 مو فريقك ما يقدر يفوز على الوحدة و يقعد يحطم في الهلال و يمدح الاتحاد قلت يا أبويا الهلال بدون مدرب و مأخذينا بطولة ولي العهد قال خلاص الدوري مضمون للاتحاد المهم الحمدلله على الفوز و ان شاء الله بعد ما نأخذ الدوري أقول لأبويا ها الدوري راح لمين ؟؟؟؟؟؟؟؟؟؟؟؟؟؟ |
متعتنا بالقصه يا الازرق العنيد..:d وبعدين لا تطلع الى اذا سمعت صفاره الحكم ياطويل العمر..:razz: عشان تصير الطلعه احلى وانا اخـوك.. وعن خوويك خله يرقد ياولد..وصبّح عليه بالخبر يابعدي.. البايسـن |
بالتوفيق للزعيم لاكن اللعب مايطمن وانا اخوك بس الله يستر وان شاء الله الدوري ازرق:) |
افرح افرح ياخوك وكيد عذالك ارسل لصديقك خله يتصبح على ثلاث نقاااط وفالكم درع الدوري... |
| الوقت المعتمد في المنتدى بتوقيت جرينتش +3.
الوقت الان » 07:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd