الكاتين القدير الحسيني .. تغييراتك كانت كارثيه وجاملت الكبار كثيرا ولكن ليس ذنبك ماحصل
 

اليوم مانقول الا الله جبر بخواطرنا وريح اعصابنا اللي احترقت لها كم اسبوع من مستوى زعيمنا اللي مدري وش اللي صار عليه ..
مرينا بظروف مماثله كانت كلمة الفصل فيها للاعبين اللي تحملوا لمسئوليه مرات ومرات وكانوا بالموعد دائما ..
لكن هالمره لاعبونا الكبار يخيبون ظننا لاندري هل هو اقصى مايمكن فعله منهم ام لا ..
الدعيع فقط يبقى وحيدا يحفظ ماء وجه الزعيم دائما ..

اليوم كاد الكابتن القدير الحسيني واللي خاض تجربه صعبه ان يقلبها على راس الفريق بتغييراته الكارثيه اللي بداها بمجامله واضحه للقحطاني اللي كان هو الاولى بالتغيير بدلا من سيول بالبدايه وكان البديل المفروض العنبر وليس الفرج الصغير اللي ستر الله وماسجلوا الوحده الكره اللي لعبها بكل قلة خبره عرضيه ارضيه في منطقة المحور الخطره جدا وكانت ستبقي ذاكره سيئه ضده من الجمهور في مباراة مهمه جدا وليست مجال للتجارب ..

بعض المدربين يعتقد ان الهلال يسجل بتكثيف المهاجمين فقط وينسون ان هجوم الهلال في لاعبي وسطه وصناعتهم للكور السهله للهجوم ومتى مافرغ الوسط الهلالي من اللاعبين لايستفاد من المهاجمين لان الهلال لم يتعود اللعب الطويل الراسي للمهاجمين مباشره ..

ابرز مافي المباراة عودة اللاعب اللي احب وجوده دائما وهو الغامدي واللي اشوف انه احق لاعب بالوسط الهلالي بعد عزيز لاعب مقاتل من الدرجه الاولى ...

مشكلة الهلال الان ان صناع اللعب فيه كبار بالسن وهم التايب وسيول ويبقى ويلي النشط الوحيد فيهم وللي ممكن يعطيك 90 دقيقه .. لابد من احضار صانع لعب نشط وشاب او تكييف خطة اللعب كامله لاراحة التايب بوجود عزيز والغامدي ورادوي بخط الوسط لاراحة التايب تماما من الرجوع المتكرر للخلف ليوزع لياقته على الشوطين ..

العنبر اتمنى ان يلعب اساسي المباراة القادمه لاستغلا فترة نشاط التايب وسيول والكور السهله اللي يجهزونها ولم يوفق فيها ياسر من اكثر من مباراة .. ويبقى ياسر بحاجه للراحه قليلا وبخبرته يكون ورقه رابحه بيد المدرب في اي وقت لانه اقدر من العنبر على الدخول في رتم اللمباراة واللعب في غياب التايب .. بينما العنبر لاعب كور جاهزه في المنطقه الخطره ..

فعلااا انا استغربت كثيررر من تغيرااات الحسيني

لكن لا يلام الرجل مدرب لياقه لا اكثر ولا اقل

بس والله العظيم من جاب العنبر هدف الفوز

اتوقع اجزم باذن الله ان الدوري هلالي هلالي هلالي

ويا ويلك يا اتي

الحسيني كبيير والله .. :) !

يا يفوز يا لا !! وفاز الحمدالله !!

نعم هو لايلام ابدا فتدريب الفريق بهالتوقيت صعب حتى على امهر المدربين
لكن تغييراته بحكم انه متابع للفريق ولاعبيه غير منطقيه ابدا

هههههههههه وين اخوي من القويع جيرانا

يحمد ربه ان عنده الدعيع والا كان علوم اليوم

اللاعب فهد سرور مدري وينه هل كان معهم بالاحتياط او لا اليوم ؟
لاعب اعتبره مهم في غياب الدوليين وحماسي جدا ومفيد كورقة رابحه

اخواني اليوم الحسيني لعب مباراة نهائيه

ماعنده حل وسط يفوز او يهزم

والحمدالله على الفوز

والرجل اجتهد ولا يلام المرء بعد اجتهاده

الحسيني اليوم ما قصر انت ما سمعته وش قال
قال : دخل سلمان الفرج لانه الخثران والغامدي تعبوا وكان تغيره صحيح لانه الغامدي تعب وطلب التغير ...

s13ss13ss13ss13ss13ss13ss13ss13ss13ss13s

اقول كيف الحال

الحسيني تعامل مع المباراة كما ينبغي

بالتوفيق للزعيم

ياجماعة الرجال ماقصر ..

وميزة ياسر باي لحظة يقلب النتيجة والدليل مباراة الشباب ..

ولاننسى اول مرة يلعبوا مع بعض هالموسم ..

ودي للجميع

انت شفت وضع الفريق بعد التغييرات
ماتقدر تقول الا الله ستر وبس
ضيع الوحده هجمات عده وسجلنا من كوره ثابته

كلامك سليم ولازم النقد وحتى وحنا فايزين , لو حقت العنبر ماجت كان تلقى المنتدى انواع السب

مادوك تكمل ردك وتقول رح لمنتداك لانك نصراوي كالعاده :d

مشكلتنا كل واحد ينتقد نقول عنه عدو

ممكن نقول الدعيع تعامل معخا كماينبغي وليس الكابتن القدير الحسيني اللي خاض هالتجربه الصعبه