بسم الله الرحمن الرحيم ,,,


كما قال الاخ Shared:

أنت برأيي لست مشجعاً هلالياً كما هو واضح بل مشجعاً ثنيّانياً مثل الكاتب / صالح الهويريني. يعني علاقتك بالهلال سوف تنتهي بمجرد اعتزال يوسف الثنيان.

هذه الدنيا يأتي جيل ويذهب جيل وهكذا سنة الحياة إذا لماذا وضعوا التقاعد في الدوائر الحكومية بسن الستين. مع قدرة البعض على الاستمرار في العمل حتى سن الخامسة والستين وأكثر أيضاً. إلى متى يبقى يوسف كانت الفرصة مواتية له لو اعتزل في الموسم الماضي أو المواسم الماضية بعد حمله لأحد الكؤوس والتي يعتبر أكثر من حملها وهذا شرف له وفخر لنا. نحن نحب الثنيان كلاعب في الهلال ولكننا نحب الهلال أكثر.

أما الشلليّه فهي موجوده من قديم وفي كل الأندية ولكن المشكلة هي وجود رئيس قوي يجعل من هذه الشلليّة عديمة التأثير.

والمصيبيح وما أدراك مالمصيبيح مشلكة كبيرة مسكين هالآدمي.!!!!!!!!!!!!!



والكاتب الكبير يا قاهرهم ياسامي :

يوسف مهم .. والهلال أهم .. فدعو الارجاف الغير مبرر ..

ثم ماتورنا اعلن انه لا ولن يقبل التدخل في التشكيلة !!! هل نكذب الجميع ونصدق اهوانا !!!


ورد للعواام :


ولا تتوقع ان الامور تُدار بالشكل الذي تقوله الان , فالفريق قدّم في مباراة الذهاب مباراه جيده من دون يوسف , وفاز بالبطوله الاسيويه من دون يوسف وكذلك الدوري , وقدمو يوسف لإستلام كأس البطوله فأين مؤامرة او حربهم ضد يوسف !!؟؟


فهذه افضل الردود على هذا الموضوع

هلا بالعوام

إقتباس انت في بداية موضوعك قلت ان فيه مؤامره من المصيبيح ضد يوسف

ايه نعم قلت

إقتباس وفي وسطه قلت ان ماتورانا صرّح بأنه يتحمل المسؤليه وليس للمصيبيح اي دخل

لا ماقلتها بالطريقة اللي انت تقصدها

انا قصدت ابين ان تصريحات ماتورانا الصامت ملقنة

والهدف منها ابعاد المصيبيح عن دائرة الشبهه

إقتباس وفي نهاية موضوعك ( تعترف ) بأن يوسف ( قال ) بأن الطبيب اعطاه راحه لمدة اربعة ايام بسبب الاصابه !!!

طيب اقنعوا المصيبيح

بدل الكلام اللي ماله داعي وان الثنيان رفض يسافر لذلك مايستحق انه يشارك لانه غير مخلص <<-- فيلم هندي

إقتباس ياعاشق الكلام من اسهل الامور ولكن إقناع الاخرين بالكلام صعب جدا جدا ,

انا ماقصدت اقنع احد كل انسان له قناعاته
انا كتبت اللي يمليه علي ضميري والثنيان في هالوقت بالذات
بحاجة للوقفة من اجل الهلال ومن ثم من اجل تاريخه الذي يحاول تشويهه
الاداري الملائكي

إقتباس سيُبعد من يرى انه سيخدم الفريق وسيكون سببا في فوزه بالبطوله !!

كل المدربين يقولون كذا ويسعون كذا ولكن يخسرون
كم خسرنا بطولة
اكيد كل مدرب كان يدخل بالتشكيل الامثل اللي يضمن له الفوز
ولكن ماصار الشي اللي يتوقعه....

لذلك تصاريح ماتورانا وانه يبحث عن اللي يخدمه مجرد ترقيع

إقتباس كلِّم العاقل بما لا يليق فإن صدقك فلا عقل له ,,,,

اولا : كلامك هذا فيه تجني على كل اللي ايدوني بردودهم

ثانيا : العقل انك ماتنتقد المصيبيح وانك تقول له كفو ماقصرت
حتى لو انك تشوفه اخطا

لو كل العالم يعارضني وانا شفت خطا لازم احطه والحمدلله الناس لها عقول وتميز الصح والخطا

إقتباس لا تدع عشقك ليوسف يجعلك تظلم الاخرين او تدّعي عليهم بماهو ليس صحيح

ولاتدع محبتك للمصيبيح تعمي عينك عن الحقيقة
وتستميت من اجل تكذيب كل ماهو ضد المصيبيح

انا لم ادعي شيئا والمصيبيح اعلنها صراحه للثنيان
مايبغالها اسرار ولكن حرصا للمصلحة العامة لم اتطرق لنص الحديث
ولم يصرح الثنيان فيه حرصا على البطولة

كبير يابويعقوب

إقتباس لا نريد ان نظلم احدا بإتهامات غير صحيحه او على الاقل غير مؤكده) ,

واللي يقول لك انها صحيحة ومؤكدة وش تسوي


تحياتي لك ياغالي

هلا بعاشق الثنيان ,,,,

إقتباس لا ماقلتها بالطريقة اللي انت تقصدها انا قصدت ابين ان تصريحات ماتورانا الصامت ملقنة والهدف منها ابعاد المصيبيح عن دائرة الشبهه

ما يصير ياعزيزي , من المتفق عليه ان ماتورانا يتحمل مسؤلية اقواله , هو من قال ويجب علينا ان نصدق ونقتنع ,مسألة التلقين هذه غير ( صحيحه ) ويجب عليك ان تأتي بما يؤكدها وتشتشهد به , اما مجرد القول فهو غير كافي ابدا , من الذي لقن ماتورانا , ولماذا لقنه ؟؟ ولماذا لم ينأ ماتورانا بنفسه عن هذه الامور وكان بإمكانه ( الصمت ) حتى لا يدخل في دائرة ( الاتهام التي وضعتوه فيها الان ) ,

عزيزي عاشق الثنيان , لم يُلقن ماتورانا بشيء وقد قال كلامه وهو في كامل قواه العقليه فعليكم ان تقبلو

إقتباس طيب اقنعوا المصيبيح بدل الكلام اللي ماله داعي وان الثنيان رفض يسافر لذلك مايستحق انه يشارك لانه غير مخلص <<-- فيلم هندي

من اللي قال ان يوسف رفض السفر ؟؟ ووش حكاية الافلام الهنديه ؟؟ انت تبي تقول ان المصيبيح قال ان يوسف رفض السفر ؟؟ !!!!!!!!!!!!!!!

إقتباس انا ماقصدت اقنع احد كل انسان له قناعاته انا كتبت اللي يمليه علي ضميري والثنيان في هالوقت بالذات بحاجة للوقفة من اجل الهلال ومن ثم من اجل تاريخه الذي يحاول تشويهه الاداري الملائكي

لا ياغالي , عندما تكتب ( لابد وان تُقنع الاخرين ) فهم سيشاركونك الرأي ويحتاجون للاقناع , وبعدين من يلعب بتاريخ يوسف ؟؟ وكيف يقدر يلعب بتاريخه اصلا ؟؟ هذا تاريخ ياعاشق , تم تسجيله وانتهى الامر , الان يوسف في مراحل ( التكريم ) بسبب تاريخه الطويل في خدمة الهلال لا المصيبيح ولا غيره يقدر يتلاعب فيه !!!!!

إقتباس كل المدربين يقولون كذا ويسعون كذا ولكن يخسرون كم خسرنا بطولة اكيد كل مدرب كان يدخل بالتشكيل الامثل اللي يضمن له الفوز ولكن ماصار الشي اللي يتوقعه.... لذلك تصاريح ماتورانا وانه يبحث عن اللي يخدمه مجرد ترقيع

لا بد من تأكيد ان المدربين يبحثون عن فوز انديتهم , وهذا الامر لايمكن الحصول عليه إلا بوضع التشكيل المناسب , لو كانو يبحثون عن الخساره فلن يحتاجو لمجهود كبير والامر سهل جدا , مسألة خسارة بطوله او الفوز بها امر وارد في عالم كرة القدم , فلا يوجد ترقيع والامر لايعدو كونه ان الرجل يتحمل المسؤليه واعلن هذا الامر بنفسه وامام الجميع ( فيجب ان تقبلو )

إقتباس العقل انك ماتنتقد المصيبيح وانك تقول له كفو ماقصرت

ليه هو منزل من السماء بسلسله ما يخطيء !!!؟؟؟؟ وبعدين وش هي اخطاؤه ؟؟ وكيف شفتها ؟؟ ووش يثبت اللي انت شفته ؟؟

إقتباس ولاتدع محبتك للمصيبيح تعمي عينك عن الحقيقة وتستميت من اجل تكذيب كل ماهو ضد المصيبيح

ههههههههههه ومن قال لك ان اسمي ( عاشق المصيبيح ) المصيبيح مثله مثل غيره من الهلاليين , يخطيء ويصيب , ما افعله هو انني لا اقبل ان ارى الخطأ واسكت عنه , فمن الظلم التجني على البشر ومن الظلم السكوت , لو نشرت ما يُثبت هذه الامور فستجدني اول المنتقدين للمصيبيح او على الاقل اول الساكتين وفلا تتوقع ان الامر دفاع لمجرد الدفاع ...

إقتباس انا لم ادعي شيئا والمصيبيح اعلنها صراحه للثنيان مايبغالها اسرار ولكن حرصا للمصلحة العامة لم اتطرق لنص الحديث ولم يصرح الثنيان فيه حرصا على البطولة

وش هالكلام ياعاشق الله يهديك !!!! كيف تقول انك ما ادعيت شيء ؟؟ هذا انت تقول ان المصيبيح يحيك مؤامره ضد يوسف , والامر الاكيد ان لا مؤامره ولاهم يحزنون والامر كله مجرد ( توقعات ) يُفترض ان تصريح ماتورانا انهاها وبين الصوره !!

إقتباس واللي يقول لك انها صحيحة ومؤكدة وش تسوي

اللي يقول لي انها صحيحه بقول له لا ماهي صحيحه ههههههههه

تحياتي لك ,,,,,

هلا بالعوام

إقتباس هو من قال ويجب علينا ان نصدق

طيب وش رايك نصدق تصريحات الشريدة

ونصدق تصريحات ابوثنين

ونصدق تصريحات الغشيان

ونصدق تصريحات العويران

إقتباس , لم يُلقن ماتورانا بشيء وقد قال كلامه وهو في كامل قواه العقليه

وش دليلك

إقتباس من اللي قال ان يوسف رفض السفر ؟؟ ووش حكاية الافلام الهنديه ؟؟

اللي قاله الملائكي جدا

إقتباس ان المصيبيح قال ان يوسف رفض السفر ؟؟ !!!!!!!!!!!!!!!

للاسف هذا الواقع

إقتباس وبعدين من يلعب بتاريخ يوسف

حبيبي التاريخ سجل على الورق وعند الناس وبقي له النهاية السعيدة
وايضا مابعد النهاية

عندما يتم تطفيش لاعب كبير مثل الثنيان الا تعتقد انها طامة ؟؟؟

إقتباس ( فيجب ان تقبلو )

اذا انت تقبل بكيفك اما حنا معصي كل واحد حر بقناعاته وارائه

إقتباس ليه هو منزل من السماء بسلسله ما يخطيء

اهم شي انكم فهمتوا هالنقطة

إقتباس ما افعله هو انني لا اقبل ان ارى الخطأ واسكت عنه

وانا كذلك

إقتباس فمن الظلم التجني على البشر ومن الظلم السكوت

ومن الظلم تشويه مسيرة نجم كروي بحجم الثنيان

إقتباس كيف تقول انك ما ادعيت شيء

ايه مادعيت شي كل اللي قلته عن خلفيه بالمشكلة

إقتباس اللي يقول لي انها صحيحه بقول له لا ماهي صحيحه

منكر منكر يعني مافي امل تقنتع

الله يهديك

تحياتي للجميع

هلا بعاشق الثنيان ,,,

إقتباس طيب وش رايك نصدق تصريحات الشريدة

ليه ما نصدقها !! لكن وش قال الشريده ؟؟؟؟؟؟؟؟

إقتباس ونصدق تصريحات ابوثنين

ومن كذّب ابو ثنين ؟؟ احنا نقول كلامه مو منطقي ومطالباته مش منطقيه بس , يعني فيصل ينتقد تشدد المصيبيح ولا يبغى يُعامل كمحترف , وهذا الامر نتفق على ان المصيبيح يطبقه , لكن هل هذا عيب في المصيبيح !!!!!!!!؟؟؟

إقتباس ونصدق تصريحات الغشيان ونصدق تصريحات العويران

هههههههههه نصدقهم بما يُعقل لكن ايش قالو , وبعدين وين وجه المقارنه بين اقولهم وبين تأكيد ماتورانا انه هو من يتحمل المسؤليه , شيئا من المنطقيه يا غالي !!

إقتباس وش دليلك

ههههه دليلي ان تصريحه في الجريده , ولم ينفه وهذا يؤكد ان ماقاله صحيح ومؤكد

إقتباس اللي قاله الملائكي جدا

وين قاله ؟؟ ومتى ؟؟ ووش دليلك

إقتباس للاسف هذا الواقع

واقع او خيال , وين تصريح المصيبيح ( تصريح صوتي الله يخليك ) لأن فيه واحد من الاخوان عندي هنا يقول ان المصيبيح قال ( ان يوسف ماهو موهوب !!!!!!!!!!!!!)

إقتباس حبيبي التاريخ سجل على الورق وعند الناس وبقي له النهاية السعيدة وايضا مابعد النهاية عندما يتم تطفيش لاعب كبير مثل الثنيان الا تعتقد انها طامة ؟؟؟

اي تطفيش الله يرحم والديك , انت تقول التاريخ سجل , وماباقي ليوسف إلا النهايه السعيده , طيب كيف يتم تطفيشه , واخر كأس استلمه يوسف ( كتكريم له ) ..

إقتباس اذا انت تقبل بكيفك اما حنا معصي كل واحد حر بقناعاته وارائه

شوف ياغالي , انت كتبت الموضوع هذا وتتهم المصيبيح , اذا جبت لنا امور صحيحه ومؤكده , راح اقتنع وراح اكون بصفك , لكن اذا ماجبت شيء , من المنطق انك انت تقنع هذا المنطق ,,,

إقتباس اهم شي انكم فهمتوا هالنقطة

ههههههههه ياغالي جب لي واحد قال ان المصيبيح ( معصوم عن الخطأ ) ولك كل
اللي تبيه ,,,,

إقتباس ومن الظلم تشويه مسيرة نجم كروي بحجم الثنيان

نعم اذا ثبت ان هناك تجني من المصيبيح , فسيكون ظالم , لكن ان لم يثبت فسيبقى الامر ظُلم للمصيبيح لا انا ولا انت ولا اي عاقل يرضى بالظلم ,,,

إقتباس ايه مادعيت شي كل اللي قلته عن خلفيه بالمشكلة

اهاااااا , طيب عطنا شيء مما عندك , وإلا الامر خاص جدا؟؟ , او انه مجرد كلام؟؟

إقتباس منكر منكر يعني مافي امل تقنتع

كيف منكر ؟؟؟؟؟ لا يكون انا متهم بعد

والله يهدي الجميع ان شاء الله , لنرى الحق حق ونتبعه ونرى الباطل باطل ونتجنبه ,,


تحياتي ,,,,

الاخ العزيز , الرجاء ان يبقى النقاش في مضمون الموضوع المطروح ,

نقاش حلو و جميل و اشكرك عليه يا الغالي عاشق الثنيان من زمان ما شفنا نقاشات بشكل ذا بس حبيت اني اطرح رأيي المتواضع و لا ابي اكثر الكلام لاني مش من الناس الي يقدر يعبر عن نفسه عن طريق الكلام مثلك انت او العوام او مثل كاتبنا الكبير ابو هيا

انا ابي افهم شي واحد من الي أيدو المصيبيح الحين هل الكل غلط و المصيبيح لحاله هو الصح؟؟؟؟

يعني التيماوي اعتزل و سكت ما بغاها تكبر و فيصل ابو اثنين حطيتوه انه غير منطقي و يبي يشتهر من جديد بعد ما ترك الهلال كلاعب و الشريدة طلعتوه كذاب بعد سالفته الي قبل روحة قطر و و خميس حطيتوه قليل خاتمه بعد روحته للاتحاد و نواف قلتو عليه متخاذل يوم انه رفض السفر مع الفريق قبل ما يسافر الفريق الى قطر عشان البطولة الاسيوية ( مع اني وضحت لكم ذاك الوقت انه ما راح لسببين واحد شخصي و الثاني عشان تجديد عقده) و الغشيان ما راح اعلق عليه لانه ما ينشره عليه و عارف سوالفة من اولها الى اخره و الجاي غير دام المصيبيح موجود.

يعني هذولا كلهم غلط و المصيبيح لحاله هو الصح؟؟؟؟؟؟

يعني لو قلنا واحد و الا اثنين قلنا معاكم حق لكن الي ابي اعرفة وش الاصرار او وش الدافع الي عندكم الي يخليكم تتمسكون برايكم ترى الدعوه ميب عناد هذا الهلال و لا يهمني تاريخ احد او حتى معرفت احد دامه بيدمر الهلال صحيح اني احب المصيبيح صحيح اني احب النعيمة صحيح اني احب الثنيان صحيح اني احب سامي و نواف و غيرهم و كل لاعب في الهلال سوا زين او شين بس انها توصل ان الهلال يتأثر لا و الله هذا الي ما اقبلة ابد و مع احترامي للي ايدو المصيبيح و يقولون انهم قريبين من النادي و عارفين الي يصير فيه ترى موب لحالكم القريبين منه و ما صنعتو قزم بأنكم عارفين بلي يصير فيه ترى كلنا عارفين وش يصير فيه بعد و اذا تكلمنا ما نتكلم من فراغ او عاطفة نتكلم من معرفة و دراية و عارفين الخيط و المخيط.


و اظاهر اني طولة و على العموم محد يقدر يغير قناعة الثاني الا اذا طلع العكس.

الثنيان لاعب كبير كلنا نحبه و نقدره و لكن الهلال و سمعته اهم و هذا هو الواجب لأننا نشجع نادي و لا نشجع لاعبين

لا ترحل يامصيبيح فنحن نريدك



الله يعينك يابو محمد ...


على فكرة اخوي لم يقبل في الجامعة .. عسى المصيبيح هو السبب ...

كل شي جائز اذا كان تفكير بعض الجماهير الهلالية بالطريقة الغريبة هذي



قطعتوا في الادمي ....حرام عليكم يا ناس

الهــــــــــــــــــــــــــــــــــــــــــلال الهــــــــــــــــــــــــــــــــــــلال الهـــــــــــــــــــــــــــــــلال ;) ;)
ثم من يخدم الهلال سواء المصيبيح او الثنيان اوغيره

يوسف لاعب كبير ومؤثر
ومهما عمل الاعبون ينقصهم الخبرة التي يمتلكها يوسف

وش تقولون في واحد لزقة ماعنده كرامه ولادم ولااحساس لو كنت مكانه كان استقلت على طول لكن الواضح انه يحب نفسة والشهرة ولايحب الهلال وما شي على قول المثل الشعبي( حزمة ابوك ما تفك)
تصدقون صرنا ندعي عليه ان الله يشغله في نفسة علشان يترك الهلال ويتفرغ لنفسة
يا مصيبيح ارحل ارحل ارحل غير مأسوف عليك قبل ما تدمر الهلال

[c]

كما وعدنــك نعود إليك أخوي " أمجــد " ..

وعندي كم سؤال أتمنى أن تجيب عليهم بكل صراحــة ..

** يوسف الثنيان وفي عدة مواسم سابقة وقبل المصيبيح لا يلعب أساسيـاً بالفريق .. وإذا شارك كأحتياطي يلعب في الشوط الثاني ..!!

ألا تعتبر هذة مؤامــرة ..!!
أم لا ..؟؟ لعدم وجود المصيبيح فالأمر عادي وليست مؤامــرة ..!!

** والسؤال الأخر الذي يفرض نفسة ... لمـاذا المصيبيح متسلط ومتأمر على الثنيان وحدة ..؟؟
هل هناك شي بينهمـا .؟؟
ومالكلام الذي قالة الثنيان بالضبط عن المصيبيح ..؟؟ (( على الاقل أن نعرف الحقيقة .. إذا كانت فعلاً حقيقة مايقــال !! ))


** يوسف الثنيان في برنامج (( صدى الملاعب )) ... تحدث عن المصيبيح بكل أدب وأشاد به .. ولم يذكر مما ذكرته انت وماذكره كارهي المصيبيح ... لمــاذا ..؟؟

ذلك الوقت قلتوا ان الثنيان يريد مصلحة الفريق وكلامة في ذلك الوقت قد يضيع الفريق وهو مقبل على نهائيات مختلفة ...

قلنا : يمكن ليش لا ... وصدقناكم

بعد كذا قلتوا ان يوسف اكد لكم وللمقربين منه ان المصيبيح يحاول ابعاده عن الفريق بشتى الطرق ... وانه مايصرح للصحف بهذا الامر خوفـاً على قطع رزقــة ..!!

ليش هي أرزاق اللاعبين بـأيدي المصيبيح ...

رزق اللاعب بيده .. وبجهده في الملعب والتمارين والمواظبة عليهم

ولو كـان المصيبيح فعلاً ... مما تؤثر فية تصـاريح اللاعبين ..

لكـان الثنيان النجم المدلل للمصيبيح ... عقب لقاءة في " صدى الملاعب " الموسم الماضي ومدحة وإشادتة للمصيبيح ..!!


والشي الأخر ... وقبل عدة مواسم وقبل المصيبيح على ما اعتقد

أكد الثنيان بأن في الهلال أنــاس لا يريدونه .. ويحاولون أبعادة ..!!

واللحين جــاييــن وتقولون المصيبيــح ..!!

عــــــجــــــــــــبـــــــى مـــــــنــــــــكـــــم ..!!

وفي الختام ...

الأختــلاف في الــرأي لا يفســد للــود قضيــة ...

[/c]

[moveup]هـــــــذي مـــشــكـــلـــة فـــضـــاوة الـــــــصـــــيــــــف مـــــــــــــــــــــــشــــــــــــــــــــــــــــــــكـــــــــــــــــــــــــــــــــــــورررر ررررررررررر [/moveup]