|
اصحى يانايم الطيور تبي تطير بارزاقها والدوري والاسيوية تبي تطير وحنا مازلنا بظلالنا 4 5 1 سمعت اخبار تقول ان عبداللطيف الحسيني (الله يطول عمره ويستمر مدرب لنهاية الموسم) انه بينتهج خطة 4 5 1 قدام الوحدة ؟؟؟؟ طبعاً الي في قلبه ذره استشعاريه باهمية المباراة راح يرتفع عنده الظغط والكليسترول وبينزل السكر ؟؟؟ فوز الاتحاد(بحول الله وقدرته مايصير نجران هو الي يفوز باذن الله) فرضاً وتعادلنا او خسارتنا من الوحده (باذن الله عزوجل وبقدرته مايصير الشي هذا والهلال هو الي يفوز) معناته الدوري يسلم عليكم بمعنى التعادل والخساره سيم سيم مافيه فرق ؟؟؟؟ على هذا الاساس باي منطق وبأي فكر ندخل المباراة بـ 4 5 1 ؟؟؟ والوحدة الي ماتهمه المباراة 4 4 2 باثنين مهاجمين واحد وحداوي واحد هلالي (اما لو يجيب عيسى هدف بخلي ولد اخوي توه طالع له اسنان يعضه) الله يجبه لنا بالسلامه ان شاء الله لااحد يطلعلي يقول تعال درب ولا المدرب والادارة ابخص ؟؟؟؟ انا احترم الادارة لكن في المبارايات الثلاث الي راحت لاوالله الأدارة أخطات خطأ فادح بالسكوت على تخبطات كاتالين والله ثم والله ماضيعنا في البطولات الاسيوية الا خطة الخوافين 4 5 1 ولا قبل هالخطه الغبيه وش حليلنا ناكل الفرق بكل سهوله ونحقق معظم بطولات الموسم الداخلية والخارجية لكن فجأه وبعد انتهاج الفريق للخطة الفاشلة ولا بطولة تخيلوا ولا بطوله خارجيه ؟؟؟وداخليا مانفوز الا بعد السجود والدعاء وبشق الانفس وبصعوبه كبيره جداً حتى على اضعف الفرق ياساتر طيب احد بحث عن السبب ؟؟ اكيد هالخطه العقيمه هي السبب . عموماً انا والله احب عبداللطيف الحسيني وانا متاكد انه ماراح ينتهجه هالخطه قدام الوحده لان التعادل والخساره معناته حظاً اوفر السنوات القادمة. |
والله من الصعب الحكم على عمل عبداللطيف الحسيني الا بعد المباره ,, خلوه يسوي اللي براسه شغله وهو ابخص فيه,, وبعد المباره لكل حادث حديث والله يوفق الهلال يارب |
والله يالغالي انا اختلف معاك في هذه النقطة الحين الفريق متعود على 4_5_1 وهذا شي مميز لكن لو قلبناها لـ 4-4-2 فهذه مشكلة اذا ما عندك مهاجمين على مستوى باستثناء ياسر فالخطة الاولى وبوجود التايب وويلي ارى بأنها الحل الافضل وللمدرب حرية الرأي ولا نلومه على اي شي يقوم به في ظل هذه الظروف تحياتي لك |
انا متفائله فيه الله يوفقه حتى لو ما فاز بكره لا حد يلومه جاء بالوقت الضايع كان المفروض يمسك الفريق من راح كوزمين بس مكتوبه .................... |
الحسيني ابخص ... وهو اقرب شخص للفريق.. يعني لازم نعطيه الفرصه الكامله وهو قدها وقدود.. والله يوفق ابو محمد ونجوم الزعيم بتحقيق الانتصارات ولقب الدوري .... |
والله عندي تفاءل بخصوص الكابتن عبداللطيف الحسيني متوقع اننا سوف نراء الهلال بدراً انشاء الله ليس المهم ان تكون التشكيله 4 5 1 او تكون 4 4 2 فكم تشكيله دفاعيه افضل من الف تشكيله هجوميه المهم السيطره على اللعب وعدم اضاعه الفرص واللعب السريع هذي اهم نقاط يجب تتوفر لدى الفريق غداً |
اتمنى في الجماهير اللي تفكر بخطه هجومية تأجلها لحين اختيار المدرب الجديد اما تغيير الخطه الدفاعية الى هجومية صعب صعب على الفريق في الوقت الحاضر ، و الله احساسي يقول ان الزعيم رح يسويها للمره الثانية الدوري هلالي و الراس عالي |
1-5-4 هذي اخوي اعرق الانديه الانجليزيه يلعب فيها واستطاع ان يغلب المتصدر بنتيجه ثقيله الخطه ليس فيها اشكال بل اسلوب اللعب والتطبيق والسرعه هي التي تحكم بالملعب الهلال يعاني من بناء الهجمه وايضا نكاد لا نرى باصات مرتبه ومثلثات ونعتمد اعتماد كلي على الكرات الطوليه وهذا خطا ارجو من المدرب القادم انه يزرع في اللعبين الجماعيه وايضا السرعه في التمرير و المثلثات هذا ما ينقص الهلال |
الله أكبر ألحين 4-5-1 ... بتضيع البطوله والمشكله السنه اللي راحت ماخذين الدوري وكأس ولي العهد بــ 4-5-1 ... خل اذكرك لو انك ناسي : أمام الاتفاق لعبنا بتشكيله : الدعيع المرشدي ..... تفاريس الخثران .............. العنقري الغامدي .... عزيز الشلهوب ........... الفريدي . . . التايب ... ... ياسر ... وأمام الاتحاد نهائي الدوري لعبنا بــ : الدعيع المرشدي .... تفاريس الزوري ..... العنقري الغامدي .... عزيز... الخثران ... التايب ليلو ... وياسر ملاحظه / هذي تشكيلة الشوط الأول ولو تتذكر ضعنا وكنا برووح غلطه ... لدرجه ان بعض المشجعين توقعوها للأتحاد عطفاً على الاداء الهزيل اللي قدمه الفريق في الشوط الاول .. فتبديل واحد من كوزمين رجع الامور لنصابها يوم دخل الفريدي بديلاً عن ليلو ... فعرضيه من الفريدي البديل لياسر تنهي الدوري للهلال ... وسط هجمات من الاتحاد تصدى لها الدفاع الهلالي وم ورائهم حامي العرين الهلال " محمد الدعيع " .... أنا اتمنى ان الهلال يلعب بهذه التشكيله غداً : محمد الدعيع فهد المفرج ............ حسن خيرات سعد الذياب ............ سلطان البيشي عبدالعزيز الخثران............ عمر الغامدي عبدالعزيز الدوسري ........... ويلهامسون طارق التايب ياسر القحطاني ... للمعلوميه فقط ان ايطاليا حققت كأس العالم بطريقة 4-5-1 وبطريقه دفاعيه بحته ... حتى في النهائي الهدف اتى من بلنتي غير صحيح .... |
الله يعين يارجال خلنا نفوز ويصير خير ...... |
والله يوفق الزعيممممممممممممممممممم |
بتووووووووووووفيق للهلال وانا متفاائل خير |
الله يوفق الزعيم ويكون الدوري هلالي رغم هالصعاب |
اذكر الله وانشالله الفوز حليف الهلال |
| الوقت المعتمد في المنتدى بتوقيت جرينتش +3.
الوقت الان » 10:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd