نادي الهلال السعودي - شبكة الزعيم - الموقع الرسمي

خمسة ايام على المباراه والكل نايم.

ماتورانا يصرح ويتصدر الاخبار والنتيجه بعد خمسة ايام.
تدريبات بدون برنامج ولا مباريات وباقي خمسة ايام.
سامي مصيف ماخذ اجازه والدعيع فيه اصابه والثنيان ينتظر اشاره وباقي خمسة ايام.
الرئيس مو موجود والاخبار مره مأكده ومره منفيه وباقي خمسة ايام.
يافايز مرفوع الراس يا مهزوم مالك وجه في عيون الناس والخبر بعد خمسة ايام.

النسخه الاخيره من كاس السوبر بتكون في الرياض في درة الملاعب استاد الملك بين هلالنا وسامسونج الكوري ونبيها يا هلال الفريق الكوري والله ما يستاهلها ادري ضروفك وموقفك صعب بس ما عهدنا منك الاستسلام نبي نشوفك هلال ثاني هلال الروح مو هلال الفلوس ابي اشوف لاعبيك متحدين ضد الخصم متفقين ما ابي اشوف في لاعبيك الانانيه والاتكاليه.
ابي اشوف نواف يلعب ويمرر بشكل صحيح.ابي اشوف الجمعان وحسين العلي يهزون شباك الكورين زي ما هزوها الالمان.ابي اشوف النزهان ملتزم بالخطه وبندر المطيري بدون زله وحسن العتيبي بدون غلطه عشان تشيل الكاس وتكون عشره/عشره.