![]() |
بــخبرة الماستر لييغ , ومباراتنا ضد الوحدة !! السلام عليكم ورحمة الله وبركاته صباح ومساء الخير على كل الأعضاء الرائعين قبل ما ابدأ موضوعي أبغى اتكلم عن نقطة لاحظتها كثيرا عندنا هنا في المنتدى وهي موضوع (المندسين) ما ادري المصطلح هذا ليش ما عجبني مندسين؟؟ وكل محد كتب موضوع قالوا عنه مندس غريب امركم ولو فعلا كل من كتب عنه مندس هو مندس فهذا يعني بأن نص أعضاء المنتدى ونص الأربع مئة الف عضو مندسين وليسوا هلاليين مو مهم أنا جاي اليوم وبأتكلم عن مباراة الوحدة وطبعا الموضوع واضح من عنوانه بخبرة الماستر ليغ يعني بلاي ستيشن:d من أيام سوني 1 إلى 3 واحنا نلعب كورة ونسوي خطط وتغييرات فليش ما اتفلسف شوية بحكم معرفتي في هذي الأمور الكبتن عبداللطيف الحسيني بصراحة ما اعرف عنه شي سوى أنه انسان رائع ومتميز في نادي الهلال ويقدم عمل رائع يشكر عليه وأنا هنا لا أنتقده بل أطرح وجهة نظر زيي زي غيري في هذا المنتدى واللي كلنا في الأول والأخير نموووووووت في حب الهلال نبدأ: في ظل غياب سبعة من لاعبينا وبحكم ان الدفاع كله راح والوسط تقريبا راح لم يبقى لنا سوى المقدمة وعلى رأسهم ياسر فأنا اعتقد بأن خبرة المفرج وبراعة خيرات ستكون بشير خير في دفاعنا والأجنحة أتمنى يكونوا قدها بالنسبة للوسط رادوي مو فيه لكن فيه عمرالغامدي وهو غني عن التعريف وفي ويلي والتايب فلا تخافوا على الهلال من هذي المنطقتين وأيضا لا تنسون نواف العابد>>> ما أدري إذا يلعبونه أو لا وفي غيرهم لعيبة صغار وأبطال فعشان كذا اشوف بأنه احسن طريقة نركز على الهجوم فنلعب بمهاجمين ياسر والصويلح كأساسيين زي ما ذكر بعض الاخوان في مواضيع اخرى بأن ياسر يكون مهاجم حر يعني بلغة البلاي ستيشن (SS) والصويلح راس حربة صريح (CF) ويكون هناك بديل وهو العنبر وبصراحة أنا اشيد وبقوة باللاعب المبارك فهو سريع ويمتلك قوة بدنية رائعة ويجيد التسديد القوي زي ما شفناه في مباراة نجران لما فاز الهلال 0_7 فهو ينفع شوط ثاني ليسبب ضغط قوي على الدفاع اللي حيكونوا أرهقوا من الشوط الاول والمثل يقول( أفضل وسيلة للدفاع هي الهجوم):ga: فعشان كذا نشن عليهم حرب قوية ولو ما نفع نسوي تغييرات هجومية في الشوط الثاني ولو نلعب بثلاث مهاجمين. مين فيكم شاهد مباراة ميلان والانتر؟؟ الديربي الأخير اللي فاز فيه الانتر 2 وأدريانو الله يرجه جاب فيه هدف بيده :laugh: في ذيك المباراة إبراهيمو فيتش كان يلعب SS يعني مهاجم حر يرجع للوسط ويتقدم وكل شي وأدريانو كان صريح إيبراهيموفيتش بدع في ذيك المباراة وكان صانع لعب رااائع جدا وفي نفس الوقت كان له هجمات خطيرة وقوية جدا لولا أن الحظ وقف ضده المغزى من هذا كله بأن ياسر يكون إيبرا والصويلح يكون أدريانو >>>> هههههههه موتني من الضحك بس لا بأس يعني فيه شبه تقريبا نفس الجسم:naughty: وصدقوني بهذي الطريقة الهلال سيكون رائع جدا وزي ما قلت يكون فيه تغييرات هجومية يعني يدخل العنبر مثلا أو فهد المبارك الصاروخ وكذا يكون ياسر والتايب قريبين من بعض وعاد تخيلوا الإبداع اللي حيصير آسف أني طولت عليكم بس اتحمست شوية وأتمنى يكون نقد بناء لأني عارف فيه ناس حتخش تهزأ فيني فعشان كذا أستعديت نفسيا لهذا الشي وما عندي مشكلة خذوا راحتكم تحياتي لكم واحد روقــــــــاااان |
باعتقادي وبحدسي ان هالمباراه ماارااح يحسمها احد الا فهد المباراك فقط... والاياام بيننا..[/SIZE بعدين كلمة الله يرجكـ حاول تبتعد عنها ولاتعوود لساان على نطقها وهذا حكمها .... السياق السؤال: يا شيخ لقد كثرت في المنتديات قول كلمة (الله يرجك) من باب المزاح كثيرا للأسف، مثلاً أن يكتب أحد الأعضاء موضوعاً ساخراً فيرد عليه آخر بكلمة (الله يرجك) مازحاً معه، وقد انتشرت هذه الكلمة بصورة كبيرة جداً في أكثر المنتديات بشبكة الإنترنت، فأرجو التوضيح منك يا شيخ حول حكم قول هذه الكلمة. وجزآكم الله كل خير.الجواب: وعليكم السلام ورحمة الله وبركاته وجزآك الله خيراً هذه كلمة مُنكَرة وكنت سألت شيخنا الشيخ عبد الرحمن البرّاك – حفظه الله – وهي قول بعض الناس (الله يرجك) فقال وفّقه الله: هذا منكر عظيم. ونَهى عن قول تلك الكلمة وهنا يُـقال: هل الله يَرجّ؟ حتى يُـدْعى بهذا الدعاء؟ أين التزام الأدب معه جل في علاه والله تعالى أعلم. الشيخ عبد الرحمن السحيم |
خخخخخ من جد روقان :D اما بالنسبة للموضوع ... اوافقك ببكل كلمة قلتها ... واعجبتني نقطة فهد المبارك ،،، :) واتمنى من المدرب تطبيقهـا :) تح ـــيآتـــــي |
تسلم أما أنا جلست أستنى GAME OVERفي النهاية |
فان بيرسي الهلالي اشكرك من قلبي على توضيحك بخصوص كلمة ( الله يرجك) وبإذن الله ما استعملها وبإذن الله يعملها المبارك يـاYasserسر شكرا على اسلوبك الراقي وعلى اتفاقك معي في وجهة النظر بس مدري ليه كنت حاس انك حتخش تقول لي انك مندس هههههههه قلت مدام اول مشاركة عدت على خير ما اظن الثانية بتعدي بس الحمد لله انها جت من واحد ذوق زيك مظفر ههههههه شكرا لك حبيبي على مشاركتك الحلوة |
والله أنا خايف من الدفاع .. الجزء الدفاعي بالهلال كله غائب عن أجواء المباريات سؤاء من قريب أو بعيد ,,, لكن لازم نلعب بمهاجمين من بداية المباراة .. وآخر عشرين دقيقة لو كنا متعادلين ندخل بثلاث مهاجمين ... المباراة لا تتحمل إلا الفوز لو لا قدر الله تعادلنا راح الدوري لأن الإتحاد فريق موب سهل .. عشان كذا زي ما قلت يخوي لازم نهاجم حتى لو حصلت آخطاء دفاعية ودخل بنا مثل هدف أو هدفين يكون مهاجمينا خسوهم بأربعة وأنت ماشي .. لا تنسون المحياني وأحمد الموسى مع المنتخب :).. الطرق مسهلة إن شاء الله ^__^ .. |
روقان,, لويدري عنك اركسن اعتزل التدريب صدق انك روقان اما من ناحيه المندس فأنت منتب روقان لان سبحان الله المندسين ينكشفون بسرعه الصاروخ و400 الف عضو \ اتوقع الف واحد فقط غير هلالي والباقين زعماء يارب الفوز هلالي |
شكرررررررررررا لك سلنقر أهم شي أني طلعت مو مندس إقتباس:
بس تصدق يبيله يعتزل بعد الهزايم اللي ورا بعض 4 من ليفربوول واليوم 2 من فولهام خرف الشايب تحياتي واحد روقــــــان |
إقتباس:
ايه اجل حاط عينك على المانشستر :naughty: وقاعد تتصيد للشايب :d اركسن ضاع :to: صدق انك واحد روقـــــــــــــــــــــــــــــــــــــان :smilie47: |
موضوع حلو وينفع للي يلعبون بلايستيشن.. بالنسبه للحسيني .. تذكر الشباب يوم يهزمنا قبل 3 سنين 3-0 فالنهائي.؟ كان الحسيني هو الي يدربهم وكان مدرب مؤقت.. وانا اتمنى التشكيلة: =====الدعيع===== الذياب====المفرج====خيرات====البيشي =========الخثران=====الغامدي==== ===ويلهامسون=========التايب ===ياسر= ========العنبر |
إقتباس:
عاشق البرنس الليبي حلوة ذي ينفع للي يلعبون بلاي ستيشن >>>> طيب سؤال انت منهم؟؟ المهم تشكيلتك حلوة وإن شاء الله نشوف الحسيني يلعب بالطريقة اللي قلناها لأنها أحسن طريقة للفوز على الوحدة في مكة والله يعين التايب على جمهورهم صاروا يكرهونه بعد الأحداث اللي صارت اخر مرة هع تحياتي واحد روقــــــان |
الوقت المعتمد في المنتدى بتوقيت جرينتش +3.
الوقت الان » 08:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd