بسم الله الرحمن الرحيم
صحيح ان الموضوع قديم المفروض ما اكتبه الحين
لكن مصمم اكتبه ..
طبعا ممكن كثير منكم شاف موضوع منتشر في النت وطلع في جريدة الوطن
الأهلاوي والهلال اللي دعموا مباراة الاتفاق في الآسيوية في الدمام
الهلالي - زياد الغامدي << اللي هو أنا
الأهلاوي - عبدالرحمن وليد
الاتفاقي - مهند الملحم << طبعا ما ذكروا عنه شئ بس للأمانة هو جاب اللوحة معنا فلازم نعطيه حقه
--------------
الجمعة 23 ربيع الأول 1430هـ الموافق 20 مارس 2009م العدد (3094) السنة التاسعة
أهلاوي وهلالي يساندان الاتفاق في الآسيوية

جدة: عبدالرحمن زيد

ضربت جماهير المنطقة الشرقية أروع الأمثلة في دعمها لمعظم الفرق السعودية في مشاركاتها الخارجية، حيث ساندت الاتفاق في اللقاء الذي كسبه على أرضه أول من أمس على حساب سباهان الإيراني 2/1، حيث قام مشجعان أهلاوي وهلالي بحمل لوحة عليها اسم نادييهما وشعار نادي الاتفاق للتدليل على أن الجماهير السعودية تدعم فرقها خارجياً وتتمنى لها تقديم أفضل المستويات.
---------------

طبعا التصوير كان من كاميرتنا الخاصة .. واستخدمتها جريدة والوطن بعد ان نقلتها اما من منتدى كورة او منتدى الراقي الأهلاوي واللي حط فيه الأهلاوي الموضوع على هالرابط
http://www.alrage.net/vb/t152382.html
واعذروني يالمشرفين اني حطيت الرابط بس بحكم ترابط الموضوعين وعلاقته بموضوعي .. !! والأهلي والهلال عينان في رأس
..
طبعا كان اتفاقنا انه يحط الموضوع في شبكة الراقي وانا في شبكة الزعيم على اننا شفنا اللوحة ولسنا اصاحبها .. !! وهذا اللي سواه هو .. لكن اللي عنده عضوية في شبكة الراقي يسأله ان كان صاحبها والا لأأ ويسأله عن كل ما صار راح تتأكدون من كلامي .. !!
لكن بعد ما تعرضت له في الملعب اضطرييت اكتب الموضوع انا وابين كل ما صار لي من معاناة علشان ادخل اللوحة .. !!
...
صورة الخبر والصورة المقتبسة من كاميرتنا
http://www.7ammil.com/data/visitors/..._7513547_n.jpg
هذه الصورة
http://photos-a.ak.fbcdn.net/photos-...92_2426314.jpg
ممكن أحد يقول اني جبتها من شبكة الراقي او كورة او اي محل
فبأحط صور ماهيب موجودة في شبكة الراقي وكوورة علشان اثبت اني انا اللي لابس الهلال في الصورة
وأقولكم وش صار معي
http://photos-b.ll.facebook.com/phot...769_279354.jpg
هذول اللي كانوا معنا الاتفاقية نعرفهم .. هم اللي مسكو لنا المحل .. ولو تشوفون موجودين في الصورة اللي في الجريدة
http://photos-e.ak.fbcdn.net/photos-...96_1343526.jpg

هذه صورة الأهلاوي اللي كان معي في اللوحة
http://photos-h.ll.facebook.com/phot...03_4300666.jpg
ملحوووظة : مهند الملحم اللي يلبس كوت ابيض على اليسار اخر شئ كان معنا في اللوحة
انا مانيب موجود في هالصورة
http://photos-c.ll.facebook.com/phot...06_4276689.jpg
هذا وأنا احتفل بعد الفوز .. تصدقون توني انتبه للي جنبي الظاهر انه خايف علي لا أطيح كفو والله هالشنب وهالصورة كلنا موجودين فيها
http://photos-d.ll.facebook.com/phot...07_7852807.jpg
وهذه الصورة وحنا نهدي اللوحة للرابطة .. وقآلوا انهم بيعلقونها كل مباراة آسيوية ان شاء الله اذا قدروا وكلنا فيها
----------------
اتوقع هالصور كلها تكفي .. تثبت اني راعي اللوحة
كل هالاثبتات وكل شئ لاجل اقول الموقف اللي صار لي قبل المباراة
...
طبعا معروف في البطولة الآسيوية ان دخول اللوحات مسمووح
واستغليت هالشئ
وبغيت أبين أخلاق الهلالين والأهلاوية اللي معروفة اخلاقهم من بد كل الأندية
وسوينا لوحة حنا الثلاثة
زياد الغامدي ( هلالي ) عبدالرحمن وليد ( أهلاوي ) مهند الملحم ( اتفاقي )
وحطينا فيها الثلاث شعارات وكتبنا اسمآءنا
وحضرنا من الساعة 5
دخلت باللوحة بشكل قانوني .. من قدام العسكر وشآفوها
لمن وصلت للبوابة اللي تدخلني للمدرجات ويمسكني العسكري ويقول افتح اللوحة
فتحتها شآفها قال ممنوع تدخل .. قلت دخلونا العسكر اللي على بوابات الملعب الخارجية .. تمنعونا انتم !!!! قآلوا النظام نظآم
قلت ابغا المسؤول
جآنا واحد ملازم أول .. ينقاله موسى .... مايحضرني اسمه الثاني
يكلمني من طرف خشمه .. يقولي هذه ممنوعة وتسبب تفرقة ومشاكل
لأن فيها شعارات أندية ثانية
ونحاول فيه نحاول فيه
وجلسنا عنده للساعة 7 وهو يقول أوامر
والله العظيم الجمهور الاتفاقي يعزز لنا والعسكر الثاني يقولون طلبناك موسى مشه مافيها شئ .. رد عليهم الله يرحم والدينكم اللي ما يعرف الأوامر لا يتدخل
هذه ممنوعة
يوم وصلت معه كلم العقيد .. شوي الا طب علينا عقيد .. تاج ونجمتين
يقول يابن الناس ممنوع الدخول .. قلت هذه معناها ان حنا مع بعض .. !! الاندية.. هذه تولد الاخوة .. !!
قالي بالصريح .. اعطيك اياها على بلاااطة .. ممنوع دخول شعار الهلال !!!؟
قلت له طيب حنا نقصد الاهلي والهلال مع الاتفاق
قاال وش دخل الأهلي .. انا اقول الهلااال ممنووع .. قص شعار الهلال ادخل اللوحة كاااااملة .. !!!!
قلت ولييييييه الهلال لحاله ممنوع .. !!!؟ قآآلي أمر من الاتحاد السعودي لكرة القدم
هنا ارتفع ضغطي كان ودي اصور اللوحة وهي داخل في الغرفة .. اصور العسكري وهو يقولوها .. لكن جوالي ما يساعد وما عرفت كيف .. وفي نفس الوقت
كلمنا واحدن اسمه حسن المسحل من ربعنا عمه رئيس رابطة الجمهور الاتفاقي
ويقول لنا دخلوها عن طريق الرابطة ,, وعن طريق الرابطة رغما عن خشم كل عسكري منهم وحتى هالعقيد
وارسل لنا واحد من الرابطة اسمه (( رائد )) اذا مانيب غلطان
وجآنا واحد ثآني الظاهر انه مسؤول في الملعب معه بطاقة في صدره عليها شعار البطولة الآسيوية
وقآلوا حنا من الرابطة وخذاها ودخلها عبر الرابطة .. قال العقيد ممنوع ممنوع .. خش في عينه حق الرابطة لمن وافق العقيد .. بس قال لازم تشيلون الأسماء من تحت
كان مكتوب
(( زياد الغامدي - مهند الملحم - دحوم الأهلاوي ))
حنا قلبناها عناد وتحدي ..وصممنا اننا بندخل العلم بالشعار قلناله شل الأسماء .. !!
وبيض الله وجههم رابطة الاتفاق دخلوها لنا ما قصروا
وشالها وشوفوا الصور تلقون الأسماء تحت مقصوصة من عندهم .. بس اهم شئ كسرنا كلمتهم وكلمة الاتحاد السعودي دخلنا شعار الهلال
بس اللي رفع ضغطي
ليه مانعين الهلاال بالذات
طبعا الشال حقي منعوه من الدخول بس أنا حطيته تحت الفيلة وربطته على بطني ودخلت فيه
..
لأن العقيد قالي
كل شئ يخص الهلال ممنوع دخوله الا الفنيلة اللي عليك لأنك لبسها .. !!
بس علم شال ممنوع
ولكم تسألون اللي راحوا الملعب
..
بس اللي ابغا اوصله .. أمر من الاتحاد السعودي بعدم ادخال اي علم فيه الهلال في مباريات غير الهلال
هل وصل الحقد فيهم لهالدرجة .,. انهم يعزلون الهلاالين عن اخوانهم في المؤازرة والتشجيع .. !!

وبصفتي في هالموضوع ابشكر اللي سوا اللوحة معي
عبدالرحمن وليد - مهند الملحم
وكل الجماهير الاتفاقية اللي ساندتنا عند العسكر
ولكم تسألون الاهلاوي عن اللي صار معي .. !!
وبأحاول اخليه يدخل يرد على موضوعي يثبت لكم .. !!
وتقبلوا فائق تحياتي
وان شاء الله تشوفون اللوحة في كل مباراة عبرالرابطة .. !!