الفنيله(قصيده)
 

هذه القصيده وصلتني واحببت ان تقراوها معي اسم القصيده


من مواطن سعودي غيور


لو طردتوا كوزمين نلقا بديلـــــه * طول عمر الريح ماتهز الجبال
الـذهب يا صاحبي يعرف خليلـــــه * ما ينـام إلا بدولاب الـهــــــــلال
وكوزمين رائع ووقفاته جليلــــــــه * يشهد التاريخ له في كل حــــــــال
حقق إنجازات وأخــــلاقه نبيلــــــه * وحَبنا من قلب ما هو قيل قــــــال
وفي بلاده بالعبارات الجميلـــــــــه * سطر اسم المصطفى وافي الخصال
غير مسلم لكن اطباعـــه أصيلـــــه * للنبي والدين رف قلبه ومـــــــــــال
وإنظلم واللي ظلمه الله وكيلــــــــه * حسبي الله عالذي رأيه عجـــــــال
ضيعتنا دوم خبرته القلـــيلـــــــــه * والمصيبة يحسب أن فعله عـــــدال
ويش يعني لو رمى قطعة فنيلــــه * سعرها ما يوصل العشرة ريـــــــال
ما قصد والآدمي قلبه دليلــــــــــه * لا تسيئو الظن ياعيال الحــــــــلال
وأعتذر والظاهر أنه من قبيلـــــه * عزته مـاابطت على شد الرحـــــــال
وسيدي سلطان الاياحبني لــــــــه * قـدر أبو خالـد كبير وما يـــــــزال
ما تأثر فيه أشياءٍ هزيلــــــــــــه * والتفــاهة ما تنقص بالرجــــــــــال
صيته العالي رقا راس الطويلـــه * والطويلة مـــــا تحب إلا الطــــــوال
وصورته بالقلب ما هي بالفنيلـــه * جاره الله من ثقيل الحمل شـــــال
نرجي الله نطلبه في كل ليلـــــه * وطول عمر الريح ما تهز الجبال

بيض الله وجهك
وصح لسانك


كوزمين سيظل في قلوب محبينه فقط لاغير

صــح لســـانــكًـ



ما قصد والآدمي قلبه دليلــــــــــه * لا تسيئو الظن ياعيال الحــــــــلال :)

صح لسانك ولاهنت يالغالي
وياليت تعدل كلمة موطان

صح لسان الشاعر ’’’ اشهد بالله انها تغني عن 100 موضوع ,,

والله يستر عليك لايجيك خطاب طرد من بيتكم ,, ترى الخبل بالرعايه ماطلع ,,

صح لسانك وبيض الله وجهك اخوي

شكرا اخوي على الملاحظه وتم التعديل