السلام عليكم

مساء الخير للجميع

نقاط حبيت اطرحها وانا ماقلتلها الا ابي مصلحة الهلال يعني لاحد يجي ويقول انت مندس ولا كذا لا اهم شي مصلحة الهلال واذا ماعجبك كلامي حط رايك
وراح اتقبله بصدر رحب
اول شي الحمدلله الهلال وتعاقد مع مدرب من سيرتة الذاتيه نقول انه يبشر بالخير وصدقوني الهلال متأثر بس بالمدرب يعني مو تخاذل من بعض الاعيبه ولا كذا
يعني واجهو مدرب غير قوي الشخصيه
بعدين تعالو معاي بالله مساعد مدرب له بالهلال سنه ونص مع الكادر التدريبي ومايعرف الاعيبة الهلال والله هذا يدل انه ماعنده شي وكل المستويات المتواضعه سببه هو
ولا الاعيبه موجوده الي كان يدربها كوزمين لكن لكل مدرب تدريبه الخاص
حتى التشكيله الاساسيه مايعرف يحطها بالله كيف تبونه يعرف التكتيك ويقرأ المباره والله صعبه عليه يعني بالعربي هو سبب تواضع مستوى بعض الاعيبه
ثاني شي ابي اقوله وهو الي اتوقع الكل راح يستغرب بس الي يسمع كلامي ممكن مايستغرب وهي الكابتنيه
والله انا اشوف الكبتنيه تتغير من الدعيع انا اقولك ليه ياخي الدعيع حارس يعني الكابتنيه مو خلاص يمسك الكابتنيه وحطها على يده وخلاص لا
الكابتن هو من يكون مدرب داخل الملعب امثال سامي الجابر وحتى لما تكون فيه مشاداه بين الاعيبه والحكم هو يتفاهم مع الحكم لكن لما تكون مع الدعيع بالله كيف
يتفاهم مع الحكم ولا كيف ينظم الملعب ويوجه الوسط ويوجه الهجوم
فأنا من رايي انا تكون الكابتنيه لاعب يتقنها ويوجه الفريق ويكون هو المدرب داخل الملعب
تخيلو مجرد تخيل مااقول عطوه الكابتنيه تخيل الكابتن رادوي كيف راح يوجه الاعيبه وكيف راح يخفف عليهم من التوتر
يعني بالعربي يكون مدرب بالملعب
وفي الاخير
قبل ترد وتكتب الي تكتب تأكد ان هذي تبقى وجهة نظري انا اقتنعت في كلامي زين على زين وانا ماعجبك كلامي فالأختلاف بالراي لايفسد للود قضيه
فاتمنا من كل واحد قرأ كلامي
يفكر يعرف ايش معنى كابتن وبعدها يشوف كلامي صح ولا لا