|
هنــا سـاحــة المعـركــة... ( لاتدخل الا والعجرا معك ) حيــــــــاكم ابوي وعمي هلاليين بدرجة تعدّت جميع الحدود والاعراف :bigeek: عمي 65 سنة.... وابوي 63 سنة ( والله يعطيهم طولة العمر على الطاعة ) :smilie47: بعد كل مباراة للهلال يتهاوشون :d تبدأ الهوشة بالتليفون :d شوي وعمي يطق الباب :bigeek: ويدخل ويدرعم للمجلس وهو يزبد ويرعد :furious: ويداهمه ابوي وتبدا المعركة والمعافر وتشتغل العجرات :gunbandan هذا يحط على اللاعب فلان... وهذاك يدافع عنه هذا يقول ماعندك سالفة... وهذاك يقول ماعندك ماعند جدتي :d وبعد ساعة كاملة من العفس والتخبيص والتناحر يركدون ويبلعون العافية s117s ويصوّت ابوي : عطونا العشاء :essen: وبعد العشاء يجتمعون اثنينهم على ابريق شاهي اخضر وتبدأ السواليف الخاثره اللي يحبها قلبك s51s تخيّلوا لو انا دخلت عليهم وهم يتلازخون وكل واحد قاضب شوشة الثاني :boxing: وسوّيت فاهم وقلت لهم : اركدوا... اكبروا... الى متى وانتم اطفال :d قسم بالله ان تجيني الزمزمية تمشي ست الاف ومايردّها الا دميجتي :bangin: علشان كذا تعوّدت اتركهم على راحتهم هم اصلا ما اجتمعوا بهالمجلس الا علشان يفرغون غضبهم وكل واحد فيهم بالاساس هلالي بدرجة لاتصدّق s13s وقبل كل شي.... اخوان اشقّاء وطالعين من بطن واحد :smilie47: تخيّلوا ابوي يخرّبها ويقول لعمي : اخرج من مجلسنا يامندس.. اخرج ياطفل ههههههههه :fun34: . . من بعد مباراة طاشقند والمنتدى مزحوم ( اخصائيين نفسيين ) وخذ يا اوامر اداريه وقرارات عسكرية :aq: ( لاتنتقدون – لاتفتحون افامكم – لاتتنفسون – انثبروا ) ما كأن المنتدى مفتوح للجميع... ومن حق كل عضو انه يقول اللي بخاطره اللي يبي يمدح يمدح... واللي يبي ينتقد ينتقد... هذي هي الديمقراطيه s13s وما احد له الحق انه يمارس الوصايه على غيره علشان يصير ( نجم الأمسية ) وتصنيفات غريبة عجيبة مدري وش الهدف منها ؟؟ ساعة ( جمهور فوز )... وساعة ( اطفال المنتدى ) خلوني اعترف لكم بحقيقة.. واعتبروها شجاعة ادبية انا واحد من الناس اللي مايستحملون تعثّر الهلال في أي حال :yes: وتجيني حالة هيجان عصبي بعد أي إخفاق للهلال سواء بتعادل او هزيمة لا قدّر الله والسبب اني اعشق الهلال اكثر من نفسي :smilie47: باعطيكم مثال بسيط جدا قبل ثلاث ايام في الدوام زميلي هلالي جاء عندي ومعه كوب شاهي لونه اصفر ( هدية مع ليبتون ) تهاوشت انا وايّاهـ :d هو يقول : عادي.. وش فيك معصّب ؟؟ وانا اقول : وشلون تشتهي نفسك تشرب من كوب اصفر :bigeek: فضّيناها سيرة وراح لمكتبه وانا ماني على بعضي ومتوتّر ورحت في المساء واشتريت له كوب الهلال اللي عليه الشعار بـ(20) ريال ومن باكر الصبح وقفت له عند البوابه وعطيته الكوب قبل يدخل المبنى :d قال بالحرف الواحد : انت منت هلالي... الا انت مجنون هلال :bigeek: قلت له : والله يازين الجنون اذا صار لونه ازرق s13s ويازين اللاعب اذا كان بروح وحماس ونجومية اسامه هوساوي :smilie47: برايفت : ترى مو أي واحد يكتب بالخط رقم 5 او 6 يعني معصّب :d |
فعلا مبدع اخوي بارك الله فيك اللهم وفق زعيمنا |
هههههههههه اخاف ارد ونتهاوش بعد بس والله الهلال يستاهل الجنون بس الايام هذا الجميع ضد الهلال وزي مايقولون اخرجنا بينهم سالمين الف شكر لك على الصراحه والجرائه |
الله يطول بأعمارهم على طاعته ويخليهم لعينن ترجيهم صح عليك اخوي يعني فيه ناس لا تنتقد لا ولا طيب كل واحد حر في رايه يعني اذا مو عاجبك لا ترد وشف انا رديت لأن موضوعك عسل يا عسل تقبل مروري |
الصخرة :bx: ليش كاتب بمقاس خمسه :d اركد يا طفولي :razz: بالنسبة للنقد الكل له الحق ينقد و المنتدى للجميع و ليس ملكية شخصية لأحد :naughty: أنا أنت هي هو الكل يحق له النقد و لكن أنا الآن ضد التجريح تخيل هناك من يقول للدعيع كبرت اعتزل بالله لو ابوك و عمك قروا هالكلام بيسوون داحس و الغبرا بالمنتدى :d اخوي يالصخره و الله اني احب مواضيعك و استانس عليها ببساطتها و بعدها عن التكلف و التميلح الزايد لكن يمكن انت شفتني و انا اندد و اشجب التجريح >> قويه :lu: يعني انا نفسي نقدت لكن خلونا الآن ننتقل من مرحلة النقد للتشجيع خلاص وصلنا صوتنا بالنقد الآن صدقني اللاعبين يحتاجون التشجيع انت هلالي صميم و الكل يشهد و ما تنتقد استهبال و عبث لكن و انا اختك خلونا الآن نقف مع الزعيم s13s |
يآعيني عليك :D فآهمنآ عندنآ وعندكم خيييييييررر وقسم هذآ عشق بالورآثه :smilie47::smilie47::smilie47: الحمدلله ع مبآرآه بآختآكور صآرت مآضي ومليت من الحكي فيهآ :( وشبيه الريح طمّنآ بإذن الله في حآل المبآريآت القآدمه الله يكتب اللي فيه الخيييرررر :( .. بس أنآ أتعجب من الجمآهير اللي تسب وتعط لوم التعآدل ع لآعب معين حرآم والله يعني كل اللعيبه أكيد يبون الفوز بس الحمدلله ع قضآء الله وقدره :( .. ولآزم نرآعيهم ونرفع معنويآتهم الهلآل يمرض ولكـنه " لآ تطول فتره مرضه " .. { ويآقلب لآ تحزن .. :smilie47: |
هههههههههههههههههههههههههههههههههههههههه اضحك الله سنك صراح ابوك وعمك شي الله يخليهم لك ويطول اعمارهم ياريت ابوي مثل ابوك وعمك يحب الهلال انا الوحيده اللي تحب الهلال كلهم ضدي>>>>>>>>>>>>>>تهي تهي تهي المهم اخوي معك حق في كل شي قلته لكن البعض الله يهديهم ينتقدون نقد ماهو صاحي نقد جارح من جد |
طلعت الي بخاطري يا شيخ والله نجم الامسية قاعد يحجر للشباب حتى الواحد يفكر قبل ما ينزل موضوع خايف انه يتشوت من المنتدى هههههههه شكرا فهد على موضوعك الرايق |
هههههههههههههههههههههه الله يطول بعمارهم... ويعطيك العافيه على الموضوع الي يوسع الصدر يابطـــل |
اقول انثبر بس <<<<<<خربت الالفاظ مع المنتدى:d هذا حالنا وحال المنتدى..ماتشوف الا صحون طائره..عفوا قصدي زمزميات والالفاظ(انثبر-لايكثر-كم عمرك؟-مندس ..الخ)<عادانت اختارمايناسبك منها <<جاها صحن طائر :to: :d(الخط 6 لكن المعنى مختلف هههه):d |
فعلا مبدع اخوي بارك الله فيك اللهم وفق زعيمنا....... |
الله يخلي لك ابوك وعمك ويطول باعمارهم على الطاعه والصحه للاسف ابوي نصراوي بس اشوى كان متعصب الحين لا <= مل منهم لا بطولات ولا شي :d لك .. :rose: |
الله يخليهم لك انشاء الله كلنا انحب الهلال بجنون بسس الا الدعيع وحط تحتها عشرين خط تقبل مروري |
إقتباس:
|
عاشق الزعيم يعمل اي شي لعشقه تحياتي لك وياليت تجيب لي كوب عليه شعار الزعيم وترسله لجده الله لا يهينك عشان كوبي انكسر من مباراه الشباب ماشربت شاهي |
| الوقت المعتمد في المنتدى بتوقيت جرينتش +3.
الوقت الان » 09:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd