|
حتى هم فازو وهلالنا لم يفز المتابع لمستوى فريق الهلال في البطوله الاسيويه والوضع الصعب الذي نعيشه الان من حيث عدم استغلال الفرص التي اتيحت لنا ممثله بتعادل الاهلي الاماراتي مع نظيره سابا باتري الايراني ولم نستغل هذا التعادل وخرجنا بنقطه ربما تكون ايجابيه للظروف التي يعيشها الزعيم في اخر فتراته ولكن ان تضيع نقاط على ارضك فهذه مصيبه ولم تقدم اي مستويات في هذه البطوله فهي مصيبه اخرى. هل شاهدتم الفريق الاتحادي سواء في مباراته الاولى على ارضه وبين جماهيره وهل شاهدتم مباراته الثانيه خارج ارضه والمستويات الجميله التي يقدمها فريق دفاعي وهجومي لاعبين على قدر المسؤليه فريق ممتع للغايه لم تفرق معه سواء على ارضه اوخارج ارضه هل شاهدتم الدعم المادي والمعنوي والتركيز على البطولات الاسيويه ايظا هل شاهدتم الفريق الاتفاقي وهو يمتع المشاهدين ويقلب النتائج ومع فرق ايرانيه كبيره ويقدم اجمل مستوياته حتى فريق الاهلي الاماراتي قدم مباراه كبيره خارج ارضه مع نظيره سابا الايراني الذي تعادلنا معه على ارضنا ووسط جماهيرنا اذا ماهي الفروق التي جعلت من مثل هذه الانديه تتميز على نادينا سؤال في غاية الاهميه ونترك لكم الاجابه. |
الاتفاق لعب مع فريق ناقص والاتحاد لعب اما فريق ضعيف بالإمكانيات بعدين ياانك توقف مع الهلال وتدعم فريق وتؤكد الثقة فيه او انك لااتكتب مواضيع تزيدنا مشاكل ولاتقدم ولاتؤخر |
أخي العزيز صدقني و الله و الله و الله لو كان كوزمين موجود و الهلال كان مستقر و ماجاته ظروف كان فاز في المباراتين خلاص ما نبي نبكي على اللبن المسكوب و أي لبن مسكوب و نحن الحمدلله ما خسرنا لا الدوري ولا الأسيوية عندنا فرصة نأخذها و انت شوف اذا كان الهلال مستقر فنيا يصعب على أي فريق هزيمته مثل ما قال د/مدني رحيمي و تعال شوف بس البطولات منذ قدوم باكيتا و حتى رحيل كوزمين أول سنة مع باكيتا جبنا 1 كأس الأمير فيصل 2 كأس ولي العهد 3 الدوري السنة اللي بعدها جبنا 4 كأس الأمير فيصل 5 كأس ولي العهد ............... و سحبوا مننا المدرب باكيتا و خسرنا الدوري من الشباب السنة اللي بعدها سنة العجاف ولا بطولة لنا .....بطولتين للأهلي و بطولة الدوري للإتحاد من أمامنا جانا كوزمين و أول سنة معاه جبنا 6 كأس ولي العهد 7 الدوري ............. كأس الملك راح للشباب نسيت اذكر النصر أخذ بطولة الأمير فيصل هذه السنة جبنا 8 بطولة ولي العهد و خسرنا كأس الأمير فيصل يعني انت احسبها منذ قدوم باكيتا وحتى رحيل كوزمين 8 بطولات للهلال 3 بطولات للشبااب بطولتين للأهلي بطولة للنصر و بطولة للإتحاد هاا بلغة الارقام مين الأفضل ؟؟؟؟؟؟؟؟ |
ألف ألف ألف مبرووووووووووك لكل من الاتفاق و الاتحاد في فوزهم في مبارياتهم اليوم و اتمنى اخوي تشوف الفرق اللي تتكلم عنها فايزه صحيح انا معاك و مأديه بعد بس ابيك انت تجاوب السؤال هل الفرق هذي مقال مدربها بطريقة غريبة ؟ اتمنى تجاوب السؤال بنفسك |
كله من الدعيع اللي تسبب في اهداف المبارتين كانه حاارس مبتديء ذكرنا بكاس العالم 2002 |
للاسف الهلال نقطتين من مبارتين والشباب 4 من مبارتين والاتفاق 3 من مبارتين والاتحاد 6 من مبارتين .. والفرق الي قابلها الهلال ضعيفه جدا ولا تستحق التعادل مع الهلال , ولكن املنا ان القادم احسن رغم اكمال اللاعبين وعدم وجود اصابات وغيابات ولكن ؟؟؟؟؟ |
عندي احساس كبير ان الهلال بيقدم شي اكبر من توقعاتنا ووالوعد قدام بأذن الله فريق يلعب بدون تكتيك ويحصل على تعادل وسط ضغط الارض والجمهور والتحكيم هذا انجاز يحسب له |
إقتباس:
ان الفارق بيننا و بين المتصدر نقطتين فقط يعني تفوز عليه خلاص تتصدر |
اما فريق الأتفــاق لعب لعب كله روح وولاء للفريق.. |
كلامك سليم ,,,,,,,,,,,,,, |
يقولون الخيل الطيبه ماتلحق الا تالي ,,,, وهذا اللي حنا متأملينه من ابطالنا ,,, وادارة شبيه الريح . الله يوفقهم s13s |
بالتوفيق للزعيم الآسوي يااااااااااااااااااارب |
وانا اخوك والله الهلال مايلام تخيل فريق يلعب بدون مدرب ويقدم المستويات هاذي وعن الاتحاد ترا لعب مع فريق ضعيف جدآ جدآ جدآ ويكفيك انه وهو برضا يلعب دفاع وعلى الاهجمات المرتدا والاتفاق والله قدم افضل مستوى له هذا الموسم لكن انشاء الله المدرب القادم يسعد جماهير الزعيم من جديد |
الوعد الموسم القادم :no: واتمنى التركيز على كاس الملك علما ان الدوري راح علينا بسبب خطط الاتحاد السعودي لأسقاط الهلال وحسبي الله ونعم الوكيل |
اعتقد ان المنتدى لنا كلنا وليس من حق احد فرض وصاية على صاحب الموضوع فيما يكتبه تحياتي |
عندي احساس كبير ان الهلال بيقدم شي اكبر من توقعاتنا ووالوعد قدام بأذن الله فريق يلعب بدون تكتيك ويحصل على تعادل وسط ضغط الارض والجمهور والتحكيم هذا انجاز يحسب له |
بصراحـه انا اؤيدك في الكـلآم واتمنى لهم التوفيق .. وعقبال النهائي الاسيوي يكون سعودي لكن انا اعتبر ان الهلال وبظل هالضغوط ويحقق تعادل خارج ارضـه .. هذا شئ رائع رغم ان يوجد اخطاء تحكيمية فادحـه ونستحق الفوز ، قدر الله وما شاء فعل ومحاولات الادارة وانها جابـة مدرب قدير ويحمل رقم 30 من قائمة افضل المدربين شئ رائع والاروع هو وصول الهلال للكاس الغاليـه .. وتذكر كلآمي .. تفائل .. خل عندك بصيص أمل .. انا مثلك بس تفائلت بوجود هالمدرب وبالذات بعد ما قريت عنـه انجازاتـه |
اخوي الهلال مو مستقر و بدون مدرب و انت يا أنك تشجع الفريق يا انك تقعد ساكت أحسلكـ الحين الوضع محرج و انت تقول كذا لو تسكت أحسلك |
إقتباس:
المهايطي هو اللي يقول هالكلام اللي أنت ذكرته، ولا يذكر شغلات مثل: الاتحاد (ثاني الدوري السعودي) يقلب النتيجة على الاستقلال (متصدر الدوري الإيراني حالياً)، على ملعبه أمام 19 ألف من جمهوره. الهلال (متصدر الدوري السعودي) يعاني قدام سابا (سادس الدوري الإيراني حالياً) على ملعبه أمام 19 ألف من جمهوره. الاتحاد أسقط الأهلي في كاس العالم، وكان نداً قوياً لساو باولو الفائز بتلك البطولة (واللي لولا ضربة الجزاء ما فاز على الاتحاد)، ولولا طرد المنتشري والفاول اللي تسبب به كان حصل على المركز الثالث. الاتحاد لما قابل الشباب في الرياض صكه بـ 4، وأنت قاعد تعاني عشان تحافظ على النتيجة قدامه في كاس فيصل وفي ولي العهد واللي احتجت فيها لشخص أساساً الجمهور ما يرغب فيه. الاتحاد قلب النتيجة على أم صلال بالثلاثة، وأنت لما قابلت نفس الفريق (ولاحظ أن كوزمن كان موجود وقتها) ما أنقذه إلا ياسر في آخر خمس دقايق. الاتحاد ما زال يلعب بعقلية هجومية علماً أنه غير مجهز كتجهيز الهلال، ومع هذا حنا نتحمد الله على الهدف والهدفين اللي بأول خمس دقايق ولا نطمع بغيرها، ولا جاء الصدق شفته وجار خشته وراه عشان يقول لك "لا تزيد علينا المشاكل"، وكأن هذا أكبر همك الحين! الزبدة: لا تقول لشخص يحاول يعرف مشكلة الفريق "لا تزيد علينا المشاكل"، قاعدين بمقلط بيتكم يابو؟ |
هم فازوا في ظل استقرار فني رهيب أما نحن تعادلنا بدون مدرب وبتخبطات كاتالين انتظر الهلال في المباريات القادمه مع تيجانا |
إقتباس:
ماضيعنا الا انت واشكالك :to::to::to::to: |
اعتقد أن من اسباب عدم تحقيق الهلال لفوز في هذه التصفيات يعود لهبوط مستوي اغلب نجوم الهلال وعدم وجود مدرب يعرف من يلعب ومن يغير اضافة الي أن الهلال من 2005 ضعيف جدا خارج ارضة وخاصة في البطولات الخارجية الهلال الذي نعرفه يهاجم ويدافع في ان واحد ويبهر ويمتع المشاهد أختفي مع المدرسة الاوربية وخطة 4_5_1 والتي قتلت الهلال حتي اصبح المشجع الهلالي يحلم بالفوز بالــ 4 و الــ 5وهو من كان في الماضي لا يستغرب ذلك علي نجوم الهلال رغم ان الهلال يملك الان كوكبة من النجوم الذي يحلم اي نادي بتواجدهم فيه |
العبره في النهايه وليس في البدايه البرازيل في التصفيات المؤهله لـ كأس العالم عام 2002 تأهلت بعد شق الانفس وبالمركز الرابع .. لكن في النهايه إستطاعت أخذ كأس العالم . لذلك أبتعد عن النظره التشائميه وتفائل بالخير .. فهي مجرد بدايه متعثرة وكبوة جــواد سيفوق منها الهلال ويعود كسابقه بطل لايشق له غبار |
الهلال !! معاد هو مثل اوول .. فششششششششششششششل |
صح الهلال ضيع فوز امام باختاكور لكن اهم شيء ما خسر خاصتا ان باختاكور متصدر المجموعه ومازالت الامور بيد الهلال |
مبروك لمن فاز وأرجو أن لا نكون مثل الفريق الجار نحقد على كل من ينجح |
إقتباس:
|
كلام سليم 100/100 وبالتوفيق للزعيم |
من الظلم أنك تقارن الأتفاق والأتحاد والشباب " حالياً " بالهلال كلهم عندهم اسقرار إداري وفني ونفسياً مرتاحين أحنا العكس تمام دخلنا أهم المنعطفات " بإقالة مدرب " وبـفعل فاعل .. بدل ما يوقفون من ممثل الوطن راحوا وطردوا مدربهم طرد المدرب ما أثر علينا فقط فنياً الا عدمـنا نفسياً ولكن بإذن الله راح يتغير الوضع بوقفــت جمهور الزعيم العظيم مع ناديه وإدراته. |
إقتباس:
تضييع فرص بالهبل! العيب مو الخطة، ولكن بالأسلوب السقيم اللي قاعدين نتبعه. لفربول قابل مانتشستر يونايتد بنفس هالخطة، وتقريباً ما عندهم أي مهاجم حقيقي باستثناء توريز خصوصاً مع رحيل كين، ومع هذا خرجوا بـ 4 - 1! ليه؟ غير القتالية والرغبة اللي تدفعهم للفوز، الخطة واضحة وما فيها تفلسف، ما نجحت الاختراقات من العمق، حاول ترفع الكورة لقدام بدل لا تضيع الوقت، والنتيجة؟ تحطيم الهالة اللي أحيطت بفان در سار هالفترة باحتفاظه بشباكه نظيفة طول هالفترة، وإهانة متصدر الدوري واللي فاز على الإنتر قبلها بكم يوم على أرضه وبين جماهيره! لا باص عيون لا كعوب لا مناولات من بعيد لليمين وأنت تطالع يسار عشان آخرتها تنقطع هالفلسفة الزايدة هي اللي تخلي فرق مثل "الأرسنال" تعاني على أرضها حتى قدام فرق الوسط واللي توها ترقت للدوري الممتاز، بينما فرق أخرى تسجل بالراحة. |
كله من الدعيع اللي تسبب في اهداف المبارتين كانه حاارس مبتديء ذكرنا بكاس العالم 2002 |
سبحان الله صرنا نشوف الاتحاد والاتفاق والشباب قدوة لنا حبيبي هذا الزعيم بعدين لازال الدوري في يدنا ودوري ابطال اسياء كذلك مباريات في متناول اليد |
الأخ الي يقول فكروا في كأس الأبطال وبس .. أقوله يرحم أمك لا تخبص الدنيا .. وشكله للحين ما يعرف الهلال ... الزعيم يعشق الطرق الأصعب :)... يامدور الهاين ترى الكايد أحلى ... بالنسبة للدوري .. بغض النظر عن مستويات الإتحاد الكبيرة الي قاعد يقدمها لكن الزعيم ماله مثيل .. الدوري هلالي وبنسبة 100% إن شاء الله ... راح ننهي جولتين بفوز عريض ومستحق بإذن الله .. والوعد إستاد الملك فهد ... دق الخشوم مع الإتحاديين ^__^ .. بس كونوا على الموعد .. بالنسبة للأسيوية ... عرف عن الهلال عندما يبدأ بمستويات هزيلة فهذا بإذن الله يبشر بالخير .. لأن صعود المستوى يجي تدريجي .. لعبنا أمام سابا بتري في أرضنا وأقولك اياها بالفم الملئين مستوانا يفشل وجبنا العيد .. لعبنا مع باختكور .. والجميع لاحظ أرتفاع المستوى سوى اللياقي أو الفني .. وبالذات في الشوط الثاني .. سؤء تكتيك كاتلين بإجلاسه البرنس الليبي على دكة البدلاء وتأخره العظيم في إدخاله ضيع الدنيا .. أضف إلى ذلك المفترض البرنس يكون أساسي وعلى رأس القائمة الأساسية .. و سول بقاءه في الملعب سبب لنا فاجعة آليمة .. معك كثر الله خيره تسبب ببلنتي .. وعنده صفات جيدة جسمه قوي إحتضان الكرة التمركز مرعب :)... لكن 3 مرات إنفراد أمام المرمى وقاعد يهش ذباب ليه .؟؟؟ بالنسبة لي لو أخفق المدرب في الأسيوية بمباراة أو أثنتين .. راح يهدي البقية فوز مستحق بنتيجة آليمة وأذكركم إن شاء الله :).. وراح نتصدر المجموعة وإلأى دور الـــ16 .. بالتوفيق للزعيم :).. |
مبرووووك للأتي الشرقيه والغربيه ع الفوز |
| الوقت المعتمد في المنتدى بتوقيت جرينتش +3.
الوقت الان » 04:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd