كواااااااااليس مبارة شباب الهلال وشباب الإتفاق!!!!كوااااااليس تمرين اليوم!!!
السلام عليكم ورحمة الله وبركاته..
مساء الخير....كيف الحال....عساكم طيبين....
...................................................................................................
عدنا والعود أحمد<<كيف اللغة بس
المهم ...أنا متأسف جدا لاني ما عاد نقلتكم آخبار التمارين والنادي...وأكرر آسفي بالذات للجماهير خارج مدينة الرياض..وإن كانت إدارة الأخبار ما تقصر...لكني أحب أنقل الكواليس لعيونكم والله
يالبى قلوبكم كلكم من رئيس مجلس الإدارة الى أجدد عضو
وعلى البركة 400,000عضو ما شاء الله تبارك الله,,,
...................................................................................................
المهم والزبدة ياخي تراك طولت عليهم
:
لقد قمت مساء اليوم وكعادتي كل يوم ههههه
أقول رحت النادي الساعة في العصر عشان أحضر مباراة الهلال والأتفاق ...لكني وصلت لأسباب مرورية
متأخر وأخذت لي شهادة صفراء قيمتها 150 ريال
المهم...وصلت بعد الهدف الثاني للهلال...وبصراحة كانت المباراة روووعة وما قصروا شباب الهلال وهذي أهم النقاط:
1- سجل هدف الهلال الثالث اللاعب الأسمر الصغير ايتو
هههه نواف العابد الواعد وسجل الهدف الثاني اللاعب على ما أظن رائد الصويلح .
2-والله لاعب الاتفاق يحيى الشهري والله لاعب اتمنى من الإدارة إنهم يجيبونه وهو صغير عشان اذاكبر ما يصير غالي والله إنه مشروع لاعب كبير<<لا تصدقونه عشانه ولد عمه بس
.
3-معلق المباراة اللي ما أدري اش اسمه كان متحمس مرررة وكان واقف تحتنا تحت المنصة وكان قدامه هندي يبرر على راس الهندي والهندي مبسوط
وتشوفه يحرك يديه ورجليه وراسه وعيونه وبراطمه<<من زود النصب
.
4- جمهور جيد حضر المباراة وكانوا متحمسين مع المباراة....والبيشي لم يقدم الكستوى المطلوب في مباراة اليوم....عوافي يا مبارك....وكان نجم المبارة فيصل باوزير مع نواف العابد.
....................................................................................................
بين الشوطين رحت لم الكفيتيريا عشان ظميآآآآآآآآآآآآآن مرررة المهم الفتيريا جنب المسبح ...وكان في المسبح طلاب مدرسة أهلية وكانوا معبين المسبح وحارس الأمن تبهذلوا معاهم..يبون يطلعونهم بس والله تمرمطوا مرمطة حتى حنيت عليهم مساكين
ويالله طلعوهم بعد ملعنة
.
.................................................................................................... .
بعد صلاة المغرب رجعت للملعب عشان أشوف التمرين وأنقل لكم الكواليس ..أما الباقى فعلى المركز الإعلامي الله يقويهم النشامى
وهذا أهم الأشياء اللي صارت في التمارين:
1-التائب والصويلح وخيرات والفرج حضروا مباراة شباب الهلال وكانوا متحمسين مع المبارة ويوم سجلت الأهداف الثالث والرابع كانوا كلهم يصفقون بشدة<<ياعيني على اللغة
2-سامي الجابر الظاهر إنه صار مساعد مدرب...أتوقع كذا لاني شفته في التمارينولابس بدله وواقف مع الحسيني....بالتوفيق يابو عبدالله.
3-التمرين ايوم كان حماااس ...واللعيبة باين عليهم إنهم حاسين بالمسئولية....والكابتن عبد اللطيف ما ثقل عليهم في تمرين اليوم .
4-أحمد الصويلح سوى دبل مو صاحي في المناورة ...حتى الجمهور صفقه له بحرارة .
4- رادوي كان بينه وبين خيرات والمبارك سواليف وضحك وفله ...أنا يوم شفتهم قلت ياليتني هندي أجيب الكور عشان أعرف وش يقولون
5-كان فيه تتش<<تراها كلمة جديدة عليه عشان كذا لا تسألونه عن معناها
بين ويلي وفهد المبارك...طبعا مزح بس ويلي أعطى المبارك شلوت على الخفيف
وما كان من المبارك الا ورجع وربت على كتف ويلي>>تخبرون ويلي ومغترب وبلحاله وما يعرف أحد عشان كذا حن عليه فهد وما أداله واحد على وشو
<<ترااه حق طقاق
....................................................................................................
هذا يا أكوس ناااس اللي قدرت عليه اليوم....
وبإذن الله ..ترقبوا كواليس جديدة
ودمتم في رعاية الله
....................................................................................................
أتمنى من الإدارة سرعة نقل المضوع اذا ما عليكم أمر عشان يستفيد منه الأعضاء والزوار اللي ما حضروا التمرين والله يوفقكم يا أحلى إدااااارة.
..................................................................................................
الوضع المتطور
