|
كأس اسيا بين الحلم و العقده السلام عليكم ورحمة الله وبركاته .. الهلال النادي الذي صال وجال وابدع في كل مكان في القارة الصفراء ومع الرغم من قصر مدة مشاركة زعيم القاره الاسيويه في هذه البطوله الا ان الهلال استطاع ان يسلب البساط من ارجل اندية الشرق في اسيا التي لها باع طويل في البطوله ,,, قد لايخفى على معظم الهلالين ان نادي الهلال هو الاكثر تحقيقا لبطولات اسيا بكل مسمياتها الا هذه البطوله بنظامها الجديده الكل يتحفز قبل البطوله ويحمس الاعبين ولكن بعد اول مبارات في بطوله يبداء النقد الاذع على الفريق ويبدأ الفريق يتقهقر محليا وتبدأ التخبطات الاداريه وكأن الفريق لم يفعل اي شي طوال الموسم بطولة اسيا جعلها جمهور الهلال و الاعلام الهلالي عقده كبيره وحلم كأنه صعب المنال مما اثر على اداء الاعبين داخل الملعب من ناحية الضغط الكبير على الاعبين اثناء المبارات بطولة اسيا كانت في السابق بطولة هلاليه قبل ان يلعبها الهلال ولك معي ان تنظر للخلف قليل وترى تشكيلة الفريق الهلالي في ذاك الزمان الثنيان وسامي كانا كفيلين ان يشكلان فريق لوحدهما بما يملكانه من روح هلاليه داخل الملعب تظهر اذا غاب التكتيك وغاب المدرب في مره ذكر المدافع الهلالي عبد الله الشريده وقال "لا يمكن ان انسى نهائي 1418 ضد الشباب فا بعد ما كنا مهزومين بفارق هدفين في النهائي وكان وقتها يوسف الثنيان كابتن الهلال كان يقول لنا انتم بأستطاعتكم ان تقلبو الموازين مازال هناك شوط كامل " هذه الروح التي بداء الهلال يفتقدها بعد اعتزال الثنيان و سامي وفقد الهلال القائد المحنك للفريق محمد الدعيع مهما كان يملك من خبره وباع طويل في الملاعب الا ان مركزه كا حارس مرمى لا يخدمه لان يكون قائد للفريق بمعنى الكلمه (( وجهة نظر)) هلال نادي يمكل كل مقومات النجاح الاداره وبقيادة الامير الشاعر عبد الرحمن بن مساعد تعد من افضل الاداراة التي مرت على نادي الهلال واداري الفريق افضل كابتن مر على المنتخب السعودي واسطوره بفكره قبل لا يكون اسطوره بفنه عناصر الهلال تعتبر الافضل في كل شي من ناحية المهاره وروح الشباب و الخبره فهذا الفريق يملك مزيج غير عادي ونادر تواجده في فريق واحد وهو بل فعل فريق الاحلام في اخر عشر سنين الهلال لا يحتاج الا كوزمن ولا يحتاج الا مدرب الهلال يحتاج فقط وقوف رجالات الهلال وجماهير الهلال مع الفريق الاعبون يحتاجون الا من يثق بقدرات الفريق ومن يهتف 90 دقيقه كامله الهلال نادي شامخ كوزمن اتى الا الهلال ولم يكن احد يعرف من كوزمن وبعد الهلال اصبح كوزمن من افضل المدربين على المستوى العربي و الاسيوي اذا من الذي صنع من ؟؟!! اتمنى من الجماهير الهلاليه ان تدعم الفريق وان تشكر الاعبين وتبتعد عن النقد الجارح الذي يضر اكثر من ما يفيد الهلال قادم الى اسيا وبكل قوة فقط لا تجعلوها عقده ولا تعطوها اكبر من حجمها الهلال قادر على ان يتأهل لدور ال16 بالرديف وانا واثق من كلامي فقط ادعموا الفريق وتوكلو على الله |
مساء الخير وصباحوه ع الجميع....شوفوا لو تشيلون الافكار من راسكم انتم واللاعبين...وتحطون بدالها >>>قدر الله وماشاء فعل....(وربي ماهي صعبه)....رح نكون افضل فريق حتى لو مااخذنا الاسيويه...بعدين صح غياب كوزمين رح يأثر بس مو لذي الدرجه ...ياخي راااااااااااااااااح سامي (من غير شر) وجبنا بعده اكثر من بطوله وربي ماتفرق لو كل واحد فينا يثق في ربه ثم في لعيبته .....مع اني احب كوزمين بس خلااااااااااااااص انتهى خلونا نفكر قدام قبل ماتروح علينا,,,,,,, واشكرك اخوي ع الطرح |
يا ناس والله مدري ليش هالتشاؤم فريقنا محقق أول بطولة و بعدها طيروا المدرب و لكن ما زلنا ننافس على الدوري و الأسيوية و كأس الملك يعني لسى ما خسرنا شي و بعدين خلاص جا مدرب جديد خلونا نفتح صفحة جديدة و نوقف مع اللاعبين و ان شاء الله يبيضوا الوجه |
اخوي السالفه ومافيها استقصاد الهدف منه عدم وصول الهلال لمتغاهـ وهذا الشي صاير من زمان كل ما اكتملت صفوف الفريق سو فيه مصيبه وكل في باكيتا اقرب مثال والأمثله كثيرهـ للمعلوميه الهلال انتصر على شيميزو وحقق السوبر الأسيوي بعدم وجود سامي والثنيان اهـ الله يسقي ذيك الأيام بالخير |
يااخي الهلال ذبحوه من الوريد للوريد ,, كل ما قربت بطولة اسيا يسون شي للهلال .. لكن حسبي الله عليهم .. لا حول ولا قوة الا بالله .. |
مشكور اخوي موضوع في قمة الروعه .. |
اشكر كل الي ردو على موضوع !! بلفعل الهلال نادي كبير وماراح يضره اي شي والي يقول ان الهلال ذبحوه من الوريد هذا غلطان الهلال نادي كل ما حاولوا الحاقدين ان يقتلوه يرجع اقوا من اول بس المشكله لما الاتحاد السعودي او اي جهه اخرى تحاول ان تدمر الهلال جمهور الهلال يكبر المشكله اكثر بدل ما يحتويها وهذا الي يذبح الهلال اذا جمهور الهلال ما وثق في الهلال مين راح يوثق في الهلال؟؟!! خلاص هذي صفحه وراحت و الحين بنفتح كتاب البطولات و الانجازات |
اتحدى الجميع ان ما تبقى في الموسم من بطولات فهي هلاليه بشرط ان يحضر الجمهوربكثافة ويشجع مو ياكل فصفص اما بخصوص بطولة اسيا فاتوقعها منجد عقدة وما يحلها الا ياسروبس يعني السر عند ياااااااااااااااااااااااسر الكاااااااااااااااااااااسر |
رغــم أبتعــادك يـا زعـيم عن البطوله الآسيــويه منذ عام 2001.. كـلمـا شاهدت متصدر البطولات الآسـيـويــه.. أراك كــ النجــم.. دائمــا وأبدا الأول.. بالـفعـل أخوانــي.. البطولة اللي أعتبرها الأقــرب إلى قلب الزعـيـم هي بطولة آسيـا .. كيف لا .. وهـو زعـيـمـهــا ومتسيــدهــا "رغم إبتعاده عنها" .. بإذن الله .. ليست مستحيله.. مع رجال الزعيم.. وجماهير الزعيم.. اللي تعدت حدود المملكه.. أتشرف بأن أقف مـعـاك..يــا زعيــــم نصف الأرض.. الله ينصرك يا هلال.. والبطوله ليست صعبه.. وماعلينا سوى الوقوف مع الفريق.. أخوكم عـاشق الزعيمين . . العيناوي والهلالي |
إقتباس:
تكفون يالزعماء الهلال بحاجتكم وانتم اهلاً للاوقات الصعبه |
مافي شي اسمه مستحيل وبالعزيمه والاصرار يتحقق كل الامنيات ولازم نكون متفائلين الزعيم وراه رجال ينشد فيهم الظهر وسالفة كوزمين انسووووووووها تماما هذا هو الان راح يوقع مع السد القطري ويبداء صفحه جديده واحنا لازم وضروري نفكر بزعيمنا وبس وننسى الماضي وكل شي بيد رب العالمين ولانقطع الامل ابدا |
والله الردود كلها تبشر بلخير ليت كل جماهير الزعيم زيكم وان شاء الله لاعبين الزعيم اذا شافوا الجماهير متحمسه وكلهم وراهم راح يبدعون وان شاء الله اسيا جايه جايه وكل بطولات هذا الموسم هلاليه بأذن الله ونقهر بعض الناس !!! |
| الوقت المعتمد في المنتدى بتوقيت جرينتش +3.
الوقت الان » 04:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd