الســلام عليــكم ...

مبرووكـ عليكم المدرب الجديد وفاله البطولات ان شــاء الله ..

موضوعــي هــذا بيكــون عن لاعبيين الهلال بعد روحــة كوزميــن ..

كلنــاا شفنـا المستــوى الهزيـل من لاعبين الهلال في مباريات دوري اسيــا اللي كنــا نطمح احنــا كجماهيــر اننا نشــوف الهلال فوووق .. لكــن طلع العكس لاعبين مستهترين الا من رحــم ربـي وبين قوسيــن (الا من ترعرع في الهلال من الناشئين الى الفريق الاول) مباراة سابا باتري في ارضنــا ونتعــادل بالله هــذا هــو عشمنــا في الهلال سيـــول صدق ان عيــونــه مغضــمــه وقاعد يصيد حمــام .. والفريدي اغتر وصــار يسحب واخر خبرنــا بكورته مسطحها في الاستاد .. وياســر يبي هدف خرافــي ومحد جاب مثــله والا غصب دبل كيك .. يااخي المرمى قدام وجهك وتشوت الكورة ضربـة مرمــى .. والله حــاله مستعصيــه والا عــاد طارق حدث ولا حرج اجــل الهلال (مايقدر يستغني عن لمساتكـ)الهلال جابك وابرزكـ يجيب غيرك ويطيرك .. عـــااد جااانا الطامــه الكبرى مساعد كوزمين يبدل في الدقيقه تسعيــن وينزل العنبر وسيول يتسدح ويتبطح في الملعب من بدايــه المباراة وماعلى ياسر زود يعني بالله ماتشــوف ان مهاجمينــا صفــر يعنــي وش تنتظر ماغيرت من بداية الشــوط الثاني والله حاله يرثى لهــا ..

وبعدين الحيــن ليــه ياسر والفريدي ماينطقون في دكة الأحتيـاط شوفوا مدرب البرازيــل ماعنده فأحد قال ماأبي رونالدو لأن مستواه منخفض وماراح قال هـذا افضل لاعب ولا خربط .. هــذا اللعب السنع مب المجــاملــه .. ليــه ادارة النــادي ماتعلم الاعبين اللي مب كفــو الشغــل زيــن ماقدم مستــوى يجلس في دكة الاحتياط ليــن يعرف يلعب زي الناس .. ترى النــادي لــه جمهــور غفيــــــر بمعنــى الكلمــه ويهمــه كيــان النــادي مب لاعبين .. وبصراحه امــس المبــاراة تجيب الضغط والسكــر اجل سيول المرمى قدام عيونــه اما يطيرهــا لأخر الدنيا او يناولها للحارس والله حــاله ..

لكــن مااقــول غير الا الله يوفقنــا في المباريات الجايــه ..
والحيــن مب يجيني واحد يقــول انتي مب هلاليه والا من هالخرابيط ..
انــا هلاليه ويهمني مصلحه النادي مب اللاعب



سبحانك اللهم وبحمدك اشهد ان لاإلاه إلا انت أستغفركـ واتوب إليك

طارق التائب كان بارز قبل الهلال ....

ياريت نراعي الالفاظ يامواطن ..

اختي في ضروف غيرت مجرى المباراهـ ومابين ضعف اللياقه وجو المباراهـ بشكل عام اقدر اقول ان الهلال قدم مباراهـ ايجابيه واعتقد ان الهلال سيتصدر هذه المجموعه فقط انتظري اخر مباراهـ واحكمي شاكر لك على هالمووضوع

مافي احد يشكك في احد اختي هلاليه

بس ما نبحث عنه حاليا هو الهدوء منا كــ جماهير حتى يستطيع اللاعبون العوده الى مستوياتهم ما كان قبل كوزمن من تكيتك وانظباط حاله نادره بالهلال ومع رحيل كوزمن اصبح الجميع يريدون مساعده الهلال ولكن كانت على حساب الجماعيه بالفريق

لن نقلل من مستويات لاعبينا فالكل يعرف من هم نجومنا وماذا قدموا سابقا لنا ولكن نقول انها سحابه وستعدي ان شاء الله

ما نحتاجه اختي هو وقفه الجميع فقط والاشاده بلاعبينا
ومن ثم سيعود هلالنا من جديد وقريبا ان شاء الله

تحياتي

ينطقون هاه ؟؟

انت تسمع بالكورة اصلا

انقد زي الناس والا لا تكلم احسن , ,

هلالية بقولك شي ... اذا حطينا القحطاني على دكة الاحتياط وقلنا مستواه منخفض ! من يبي يجي مكانه؟!؟ ..... مافيه مهاجم مستواه مانقول ممتاز ولكن نقول طيب .. مافيه احد

العنبر ... مستواه غير مقنع
الصويلح ..... توه راجع من اصابه ويعاني من زيادة كبيرة في الوزن
المبارك ... جري وسرعة على غير بركة .قدام المرمى يضيع

إقتباس الرسالة الأصلية كتبت بواسطة @هلالـــ جهني ـــي@ هلالية بقولك شي ... اذا حطينا القحطاني على دكة الاحتياط وقلنا مستواه منخفض ! من يبي يجي مكانه؟!؟ ..... مافيه مهاجم مستواه مانقول ممتاز ولكن نقول طيب .. مافيه احد العنبر ... مستواه غير مقنع الصويلح ..... توه راجع من اصابه ويعاني من زيادة كبيرة في الوزن المبارك ... جري وسرعة على غير بركة .قدام المرمى يضيع

بصراحــه من وجهة نظري العنبر في هالايــام افضــل من ياسر

إقتباس طارق التائب كان بارز قبل الهلال .... ياريت نراعي الالفاظ يامواطن ..

ماخبرنــا ان نجوميتــه سطعت في غير الهلال

إقتباس اختي في ضروف غيرت مجرى المباراهـ ومابين ضعف اللياقه وجو المباراهـ بشكل عام اقدر اقول ان الهلال قدم مباراهـ ايجابيه واعتقد ان الهلال سيتصدر هذه المجموعه فقط انتظري اخر مباراهـ واحكمي شاكر لك على هالمووضوع

الحيــن الأنديــه الأوروبيــه تلعب في صقيع وثلج و وماقد تعذرت بهالأشيــاء .. كونــه لاعب واجب عليــه يقدم ويحلل القرووش الي خذهــاا .. واحنــا الحمدلله ضامنين التأهــل لكــن نبغــى مستوى يليق بنادي الهلال .

إقتباس مافي احد يشكك في احد اختي هلاليه بس ما نبحث عنه حاليا هو الهدوء منا كــ جماهير حتى يستطيع اللاعبون العوده الى مستوياتهم ما كان قبل كوزمن من تكيتك وانظباط حاله نادره بالهلال ومع رحيل كوزمن اصبح الجميع يريدون مساعده الهلال ولكن كانت على حساب الجماعيه بالفريق لن نقلل من مستويات لاعبينا فالكل يعرف من هم نجومنا وماذا قدموا سابقا لنا ولكن نقول انها سحابه وستعدي ان شاء الله ما نحتاجه اختي هو وقفه الجميع فقط والاشاده بلاعبينا ومن ثم سيعود هلالنا من جديد وقريبا ان شاء الله

كلامكـ صحيح لكــن غصب عننا نكتب هالكلام لأننا نشووف الهلال يتدهــور قداام عيوننا .وبأذن الله سيعود هلالنــا

إقتباس ينطقون هاه ؟؟ انت تسمع بالكورة اصلا انقد زي الناس والا لا تكلم احسن , ,

الحمدلله نقدي في محلــه واتركوا عاطفتكم على جنب .. الهلال اهـم من اللاعبين

إقتباس أنا اذا جينا للجد وش نتوقع من لاعبين جايين من انديه درجه اولى اول مره يحققون بطولات في حياتهم مع الهلال وغير كذا عمرهم مالعبو ببطولات اسيا ... والله ياسر تفكيره كيف يسوي دعايه جديده وقصه جديده وكل قناه يرز وجه فيها تقابلو معي .... والهلال من صار يعتمد على لاعبي الأنديه الأخرى وهو حده البطولات المحليه والاعبين اللي نجيبه اغلبهم من درجه اولى مثل ياسر الفريدي المرشدي نامي ...

كلامــك صحيح ..

الله يذكر ايــام النعيمه والثنيان والجابر و و و بالخيــر كــان بس همهم حرث الملعب حرث ماشاء الله .. ويمتعــون بأهدافهــم .

شوفو ألي حاصل ألحين بالهلال يتحمله سلطان الظالم لاأحد يقولي الهلال كبير ومايتأثر الدبلوماسيه ملينا منها وترى الأيام هذي ماينفع إلا الكاش ولا زمن المجاملات ولا الهلال تأثر بعد كوزمين نفسيا وفنيا ولاكن التأثير النفسي مؤقتا والفني ربما يزول متى ماتعاقدنا مع مدرب تكتيكي ممتاز وصاحب شخصيه قويه والسلام ختام

إقتباس الرسالة الأصلية كتبت بواسطة $الشفق الأزرق$ شوفو ألي حاصل ألحين بالهلال يتحمله سلطان الظالم لاأحد يقولي الهلال كبير ومايتأثر الدبلوماسيه ملينا منها وترى الأيام هذي ماينفع إلا الكاش ولا زمن المجاملات ولا الهلال تأثر بعد كوزمين نفسيا وفنيا ولاكن التأثير النفسي مؤقتا والفني ربما يزول متى ماتعاقدنا مع مدرب تكتيكي ممتاز وصاحب شخصيه قويه والسلام ختام

احنـــا نبــي تأثيــر فنــي لأن بــايــن التخبطات واللعب بلاعبين كفــو مب اهم شــي اسمــه وجمهــورهـ !

اقووووووووول الله ابوووووووها كوره اللي بنات يتكلمووووون


اجل العنبر ازين من ياسر

وانتي اللي طلعتي التايب ولا قبل ماكان احد يعرفه

اقول وش رايك بمسلسل ليلى ابرك لك

اشوف كثير بعد امس قام يتفلسف

الهلال ما ينقصه الا زي ما قال الاعب الاعجوبه يوسف الثنيان

يحتاج الى انضباط اكثر وان شاء الله مع المدرب الجديد وسمعته

ان قوي شخصيه هذا بيحل لنا كثير من العك اللي جالس نشوفه لا من لاعبين

ولا من جماهيرنا الحبيبه اتمنى انكم شوي تستوعبون اللي صار

وهلالنا يقول لكم الوعد نهايه الموسم الوقت اللي كنا في حاجه انتقاد ما اشوف الا مدح

واذكركم ببعض المواضيع وسبحان الله كلكهم نفس الجمله شكل اللي يكتبها واحد بس له 600 نك

اسف العنبر فقد رديت علينا اسف المبارك فانت ابو المهاره اسف المفرج لقد ظلمناك كثيرا


اسف ياللي تلحق الكور ماكنت ادري عن دورك المهم الا لما شفت مباراه قديمه وكيف الجمهور ما يعطيهم الكوره

ونقعد نص ساعه نحتريها (داري محد يكتب هالمواضيع الا من الاطفال اللي مالحقوا ع الهلال اقلها لو انهم

عارفين الهلال وقت عبدالله بن سعد الله يرحمه ماقالوا كذا)

ولما جاء وقت ان الجماهير الهلاليه كلها توقف مع الفريق لقينا كل واحد ينسحب وليته ينسحب وهو

ساكت الا يبدا يخلي كل الجماهير معه يا ناس قبل ما كان فيه نت اصلا وكان اقوى صوت صوت الجماهير

لاحد يزعجني هذا منتدانا ولازم نتكلم فيه ياعالم الهلال ماكان ينقصه الا مدرب

والحمد الله جاء مدرب ويقولون انه هجومي فهذا المطلوب اتمنى ننسى اللي صار ونبدا

نفكر بشكل اكبر ونتفهم الوضع اللي صاير للاعبين

ومعليش اذا كنت وصلت فكرتي بطريقه خطأ

إقتباس اقووووووووول الله ابوووووووها كوره اللي بنات يتكلمووووون

طيــب وش فيــه لو البنــات يتكلمون في كوره لو أنــها غلط كــان ابــوي علمني

إقتباس اجل العنبر ازين من ياسر وانتي اللي طلعتي التايب ولا قبل ماكان احد يعرفه

ايــه في الوقت هذا العنبر ازيــن ..
ويعني تقارن نجومية التايب الحيــن بنجوميته قبل التعاقد مع الهلال!!

إقتباس اقول وش رايك بمسلسل ليلى ابرك لك

الحمدلله انـا مب راعية مسلسات

إقتباس اشوف كثير بعد امس قام يتفلسف

هذا مب تفلسف هــذا شــي احنــا شايفينــه والا عاجبك مستواهم امــس اذا كــان ايــه اشك انك تتابع مباريات الهلال اول

إقتباس ونقعد نص ساعه نحتريها (داري محد يكتب هالمواضيع الا من الاطفال اللي مالحقوا ع الهلال اقلها لو انهم

انتم عــاد ماسكينها اطفــال .. تبــي اسردلك اللاعبين القداماء او هدف المباراة الفلانيه في اي دقيقه جاء عشــان اصير مواكبــه لعصركم .., طيب انــا راح اسأل سؤال عن مباراة قديمــه واتمنى القــى الإجابه عشــان نعرف الاطفــاال ! خلااص

إقتباس نفكر بشكل اكبر ونتفهم الوضع اللي صاير للاعبين

اي وضــع من متــى الهلال ينهز بسبب اقاله مدرب!!
من متى المدرب صار هــو الكل في الكل !!

اللاعبين اعمتهم المكافأة وبعضهم ضامن انه اساسي

اتوقع بعض الردود عاطفية

الهلال ياناس ياعالم مايعتمد على لاعب ولامدرب
اللي مايخدم مانبية

إقتباس الرسالة الأصلية كتبت بواسطة التميمي 2 اللاعبين اعمتهم المكافأة وبعضهم ضامن انه اساسي اتوقع بعض الردود عاطفية الهلال ياناس ياعالم مايعتمد على لاعب ولامدرب اللي مايخدم مانبية

صحيح الهلال مايعتمد على لاعب او مدرب .. يعني معقوله اذا اعتزل لاعب او اصيب لاعب او راح مدرب خلااص ينتهي الهلال وياليت المكافأة ماتكون مبالغ فيهاا عشــان نشيل الدلع من جذوره