|
هكذا يكون لدينا فريق ينافس على الاسيوية!! حتى تنافس على البطولة الاسيوية يجب ان يكون لديك فريق قوي بدفاع صلب وهجوم شرس لا يرحم يسجل الاهداف ولا يكتفي بهدف او هدفين !! هذا ما اريد قوله فمن يشاهد الفرق اليابانية(على سبيل المثال) ويتابع نتائجها يعلم لماذا هي اصبحت طرفا ثابتا في نهائي البطولة الاسيوية!! فهي تمتلك دفاع محكم وهجوم قوي لا يرضى الا بتسجيل الاهداف ولا يهم طريقة التسجيل هل تكون بطريقة استعراضية او لا فالمهم هو تسجيل الاهداف وحصد النقاط!! ومن تابع مباراة الاتحاد وام صلال القطري وقبلها الاتحاد ومتصدر الدوري الايراني (وليس من يقبع في المركز السادس) يرى ان الاتحاد سيستمر في البطولة وقد يصل الى الادوار النهائية وكل هذا بفضل الله ثم بفضل دفاعه الجيد وهجومه القوي فهناك اكثر من مهاجم وهناك اكثر من لاعب وسط هجومي والفريق يملك لاعبين اجانب على مستوى عالي بل انه احضر ثلاثة اجانب مهاجمين ولم يحضر لاعبي وسط او مدافعين!! اعتقد ان علينا ان نستفيد مما فعله الاتحاد لانه يهتم بالهجوم بشكل كبير وفي كل موسم يتعاقد مع اكثر من مهاجم صريح خصوصا انه يملك مدافعين متميزيين لذا فالفريق بحاجة الى مهاجمين ولا مانع من التعاقد مع اكثر من مهاجم ففي هذا الموسم تعاقد مع بوشروان ومتعب وفي المواسم الماضية تعاقد مع ماجنو الفيس والحسن كيتا وقبلهما بورجيتي قائد المنتخب المكسيكي وغيرهم كثير!! واظن ان من اكبر مشاكل الهلال هي في الجانب الهجومي فمعظم لاعبي الفريق هم لاعبي وسط ولا يوجد مهاجم هداف لان ياسر تحول الى وسط ايسر واصبح يمثل اكثر مما يسجل!! اما سول فهو مدافع للخصوم وعندما نشاهد دكة الاحتياط نرى العنبر الذي يلعب وهو واقف وعندما يدخل في ارض الملعب اشعر انه لاعب معتزل يشارك في مباراة خيرية!! اما الصويلح فكان الله في عونه فهو يلعب مباراتين ويصاب في الثالثة ثم يبتعد لستة اشهر ثم يعود ويشارك ويلعب في مباراتين ويصاب في الثالثة واصبحت مسيرة الصويلح قليل من المبارايات وكثير من الاصابات!! اعتقد ان التعاقد مع المحياني لا يكفي لان المحياني قريب من ياسر في التكوين الجسماني ويربطهما اشياء كثيرة مثل البطء والبنية الجسمانية الضعيفة وقصر القامة وهي امور تؤكد ان الهلال بحاجة الى مهاجم يمتاز بالبنية الجسمانية والسرعة وقوة التسديد والتهديف!! واعتقد ان على الهلال الاستفادة من تجربة الاندية اليابانية في التعاقد مع مهاجمين برازيلين على اعلى مستوى والبحث عن مهاجمين حقيقين بدلال من الصبر على العنبر والصويلح وغيرهم من اللاعبين الذين قد يصبحون نجوم في اندية الدرجة الاولى!! اعلم ان المطبلين والعاطفيين سوف ينتفضون ويقولون ان العنبر نجم و الصويلح نجم فما داموا نجوم فلماذا لا يضمون الى المنتخب؟ ولماذا لم يصبحوا اساسيين في الهلال؟ ومن يحاول ان يكذب على نفسه ويقول ان سول قدم مستوى متميز اقول عليك ان تقارن بين ما يفعله سول وبين مايفعله ابوشروان مثلا!! وسترى الفرق بين المهاجم وشبه المهاجم. |
اول شي يسعدني اكون اول من يرد على موضوعك انا متفق معاك تماما على طرحك الرائع |
انا معك ان الهلال بحاجه الى مهاجم سريع ومايكون ثقيل مثل ياسر والمحياني لاكن الاداره هي المسؤله عن هذا الشي وهي التي تتحمل النتائج لان الجماهير طالبت بلاعب مهاجم سريع و ظهير ايمن في بدايه التعاقدات لاكن الاداره خبطت وتعاقدت مع لاعب وسط اؤربي و المهاجم اسيوي الذي كان المفروض يكون العكس بوجود التايب و الفريدي والشلهوب وغيرهم وفي ظل العقم الهجومي الواضح جدا قبل بدايه الموسم ===> لاكن الاداره هي المسؤله عن النتائج والامير عبدالرحمن بن مساعد لديه فكر احترافي متطور جدا ونحن مع الفريق بالسراء والضراء فالعمل الذي قام به ابو فيصل كبير ويستحق الاشاده وانا لست معك في اطرائك بلاعبين الاتحاد الاجانب الذين هم اقل امكانات من لاعبين الهلال لاكن الذي يفرق بين لاعبين الهلال والاتحاد هو القتاليه والاصرار التي هي قد تكون معدومه عند لاعبين الهلال |
والله ياذيب الهلال يقدر ينافس غرب اسيا ويتاهل بس خله يقابل فرق شرق اسيا بنصير مصخره خصوصا اذا قابلانا اليابانيين الي يمردغون بالثلاثه والاربعه |
كلامك منطقي ولكن لي تعقيب بسيط على نقطة الأ وهي ليس كل من أنضم للمنتخب نجم ( وجهة نظر شخصية ) تقبل ودي وأحترامي |
اولآ يعطيك العافيه وبعض نقاطك جميله والبعض لا اتفق معك فيها وخصوصآ من ناحية ياسر ياسر يتعامل بكل ايجابيه مع اي فرصه تجيه ومااعتقد ان اي مهاجم اجنبي راح يجي ويتصرف مع الفرص الي تصنع (القليله) افضل من ياسر ياسر مهاجم صريح وليس صانع لعب مثل ما نشوف من قلة الفرص الي تجيه صار يرجع ويجيب الكوره او يفلت من الرقابه لكن في النهايه انا صراحه انتظر بفارغ الصبر المدرب الجديد وش راح تكون منهجيته للفريق وتكتيكه هل راح يغير من تكتيك الفريق الي يعتمد على مهاجم واحد او لا ومشكور اخوي |
إقتباس:
|
مشكور وانا معك كلام منطقي |
اخوي انا اتفق معك في بعض النقاط لاكن دفاع الاتحاد ما هو قوي مثل دفاع الهلال اللي هو دفاع المنتخب ووين مهجامين الاتحاد ولاعبين الاتحاد قدام الهلال في جده في ارضهم ولاعبين الهلال ما كانو في يومهم ان كنت متابع جيد للااتحاد فنحن متابعين للزعيم |
منطقي مع جنبها والله ياهوووووووووه آجل تقولي ياسر عيوبه البطء والتكوين الجسماني وقوة التسديد (: الظاهر ماتابعت الهلال ولاعرفت ياسر الا المباراتين اللي راحو الهلال منتخب ياحبيبي وآتحادك اللي تتغنى في دفاعه وهجومه آنقذه الله من الهلال في مباراة الدور الأول رغم غياب ياسر وهم لاعبين بنجومهم كلهم وآولهم عماد متعب وبو شروان ... سول ممكن آتفق معاك مع إني مازلت مؤمن إنه بو فيصل ماقال إصبرو عليه من عبث ... العنبر تلعبه آخر ربع ساعة والفريق متراجع وتبيه يبدع !!!!! لاحظ إني ماقلت العنبر نجم (: الصويلح آآآآآآآآهـ من الإصابات يابو حميد ثم ألف آآآآآآهــ ولمعلومآتك البسيطة شرق آسيا قويين على بعضهم بس والا لى وصلو للأندية الكبيرة في غرب آسيا تروح قوتهم ولنآ في عمايل الزعيم فيهم عبرة من تاريخنا الناصع ... آنا مدري آنت الظاهر ماتبي ياسر في الهلال شكله كذا الموضوع ... من الصباح وآنا كل ماجيت موضوع آلقاك ماغير سب في ياسر لاتقولي إنتقاد ... لأنه حتى الإنتقاد مايقرب للي تقوله عنه أسأل نفسك ليش ياسر صار وسط آيسر مثل ماتقول ؟؟؟ وبعد ليش ياسر يمثل دآيم << نسيت تضيفهآ لموضوعك هالمرة (: |
كلام منطقي جدا اذكر انني كتبت قبل بداية الموسم الرياضي أن الهلال بحاجة الي مهاجم وظهير ايمن ان اراد الوصول الي العالمية |
ابو مايكل انا استمتع بما تكتب لكن الظاهر انك من تالي بديت تخورها يمكن كثرة مواضيعك هاليومين تكون السبب المهم انا اختلف معك بأمور كثيرة .. اولاً من الظلم انك تشيد بنادي الأتحاد وبدفاعه اللى اعتبرهـ اقل مستوى وبكثير من دفاعنا اللى اعتبره مميز من بداية الموسم الأتحاد يعتبر دفاعه اضعف خطوطه هالموسم الأتحاد بدون بو شروان وعماد متعب " ولا شي " والدليل مبارياتهم الأخيره . اختلف معك بخصوص المحياني وياسر .. لان بينهم اختلاف كبير وخصوصا البنيه الجسمانية . المحياني اطول بكثير من يـاسر الظاهر انك ماشفته زين.. ما ادري شلون صار ياسر وسط ايسر . من وين هالمعلومه ما ادري العنبر والصويلح " اي كلام " ومن المفروض عدم ذكرهم نهائياً لآنهم انتهوا اللى يبي خـانه بفريق الهلال يحافظ على وزنه ومستواه ويبذل جهـد الأثنين مكثرين من المفاطيح ومكبرين الوساده . اسف ع الإطاله تقبلني أخوي |
كلامك عين العقل والصواب لابد ان يكون فيك اول روح الحماس |
الاخ العزيز أبو مايكل النجدي أنت بالنسبه لي أفضل من يكتب المواضيع بالمنتدى وأفضل عقليه شفتها من كل ناحيه كلامك صريح بدون تحيز وأنا من أشد المعجبين بمواضيعك ودوم أبحث عنها تحت طي أسمك وللاتهتم ببعض الردود من بعض الاعضاء لابد تحط بالك فئات سنيه ومراهقين ومعجبين تفكيرهم تحيز بعيد عن الرياضه كل كلمه وحرف كتبته فيه الف حكمه وفائده فعلآ الهلال يحتاج بالاضافه للي ذكرت مدرب شرس على الاعبين غير كوزمين اللي بكل صراحه دمر الهلال من كل ناحيه لعبه دفاع ولايتيح فرص للاعبين الواعدين بالظهور دمرهم بدكه الاحتياط وتشكيلته معروفه والبدلاء معروفين والخطه معروفه وشخصيته مع الاعبين معدومه ميانه بالحيل وتخاذل منهم في ضل غياب الشده عليهم نتمنى من الاداره النظر في موضوع الفريق باقرب وقت لانه بكل صراحه بداء يتدهور من كل ناحيه وهاذا وقت التعديل ولانتقادات وكل شي لانه موسم بطولات وبعدها مافيه فائده من كل التعديلات اللي تصير على الفريق من جلب الروح للاعبين والنظر لتشكيله الواضحه أمام كل الملا بانها تشكيله فاشله من كل النواحي لاطريقه ولاتكتيك ولا لاعبين الهلال يملك دفاع صلب وحارس عملاق ومحاور لايعلى عليهم ووسط لايختلف عليهم وهجوم في ضل ياسر لوحده والظغط عليه في ضل التشكيله الفاشله لكوزمين ومحاصرته بين أربع مدافعين ماعليه لوم وبالنسه لرائي الشخصي الغاء عقد سيول وجلب مهاجم صريح والغاء عقد رادوي في عدم رغبته بالاستمرار بالهلال وهاذي الحقيقه اللي باينه من طرد كوزمين والاعب تغير بالحيل وهاذا الشي لازم الكل يعترف فيه كروت بالهبل بدون أسباب مقنعه ولعبه تغير بالحيل ولانحتاج محور في ضل تالق عزيز وجلب أسيوي ظهير أيمين وأتمنى يكون الاعب حيدر لاعب الاستقلال لانه وأضح لاعبه للكل وماتوقع أحد يختلف عليه للي شاف لعبه وتحركاته وخطورته وخصوصآ أنه متعود على الجو وجو أيران قريب من جو السعوديه ولايطلع لي أحد من صغيرين العقول زي ماشفت باحد الردود يقول شيعي ومسيحي وغيره كم محترف بالهلال ديانته تختلف عن الثاني وتيسير الجاسم شيعي والراهب والنتيف وصاحب وغيرهم الكثير والقانون مايمنع الاحتراف لاحد يقول لاعب النصر اللي رفضو السفاره كلام نصراوي زي صفقتهم مع بو شروان ماستمر شهرين وطردوه بسبه المبالغ الماليه ويطلعون أعذار لهم لاحد يعتمد على النصر وناخذ بقرارتهم وتصريحاتهم تحياتي للجميع |
نتمنى أن يؤخذ بها أو ببعضها على الأقل الهلال يحتاج لمهاجم آخر ذا مستوى عالي جداً هذا المهاجم يجب أن يكون سريع ثم سريع ثم سريع لأن الهلال أصبح أبطئ فريق سعودي في نقل الهجمة |
| الوقت المعتمد في المنتدى بتوقيت جرينتش +3.
الوقت الان » 03:58 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd