ساندوتش في الرياض!! - نادي الهلال السعودي - شبكة الزعيم

22فهدالشمري22 · #1 17/03/2009, 07:25 PM

ساندوتش في الرياض!

هاقد جاء زمان ياولدي أصبح فيه العثور على ساندوتش جبنة بعد منتصف الليل أصعب من العثور على الزئبق الأحمر وشراء علبة عصير برتقال أخطر من شراء اليورانيوم المخصب، لم يعد في الرياض مكان بعد الثانية عشرة ليلا يسد رمق الجائع ويسكت عصافير البطن التي تحولت إلى نسور حائمة تفترس الأمعاء الخاوية.

ليس أمام الموظفين العائدين من وردياتهم الليلية أو العاطلين الذين يتساوى عندهم الليل بالنهار أو الطلبة الذين يسهرون في فترة الامتحانات سوى شد الرحال إلى طريق القصيم شمالا أو طريق الدمام شرقا أو طريق الحجاز غربا بحثا عن فطيرة بائسة أو كبسة باردة وهم يعلمون أن ثمن الوقود الذي أستهلكوه في رحلة الذهاب والإياب أغلى من ثمن الوجبة التي تناولوها على عجالة قبل أن يدخلوا في حلبة السباق المجنونة التي تشارك فيها جميع السيارات العائدة إلى العاصمة.

قد يكون أعضاء مجلس الشورى الذين أوصوا بإغلاق المطاعم والبقالات ينامون باكرا ولكن ليس جميع الناس أعضاء في مجلس الشورى فالبحث في منتصف الليل عن بقالة أو مطعم في مدينة عملاقة يتجاوز عدد سكانها الخمسة ملايين هو أمر مضحك،

كما أن مجلس الشورى سوف يكون مضطرا لمناقشة تزايد حالات الطلاق بعد الواحدة صباحا بسبب رفض الزوجات الطبخ في الثانية صباحا، ولن يجد أصحاب هذا القرار فائدة حقيقية له سوى عودة العلاقات الأخوية بين الجيران لأن الجار سوف يكون مضطرا لمداهنة جاره والتودد إليه تحسبا ليوم يطرق فيه بابه بعد الثانية عشرة ليلا وهو يقول له: (بالله ياجار ماعندكم علبة جبن مثلث ونرجعها لكم بكرة الصباح؟!).

كان من المفترض أن يساهم هذا القرار في تخفيف الحمل على دوريات الأمن العاملة ليلا كي تتفرغ لمتابعة أحوال المدينة ولكن الذي حدث هو العكس حيث انشغلت الدوريات بالبحث عن بقالة لم تغلق أبوابها في الوقت المحدد آو محل فطائر لايزال مفتوحا أو مطعم كبسة يمرر الوجبات لزبائنه من الباب الخلفي!.

لقد ذهب أحد الأشخاص إلى محل فطائر لحظة إغلاقه وتوسل إلى العامل التركي كي يعطيه طلبه لأن لديه ضيوفا جائعين في البيت فطلب منه أن يطفئ أنوار سيارته ثم (يكبس) بالنور بعد خمس دقائق وحين قام بهذه الخطوات العجيبة حضر له العامل التركي وقدم له الفطائر واختفى بسرعة البرق، وحين عاد إلى البيت قال له ضيوفه: (جبت البضاعة)!.

K.s.A_6_6_6 · #2 17/03/2009, 07:53 PM

ايه والله انك صااادق نظام ابيخ من بايخ ويا ليت يعدلونه

عريب عبدالله · #3 17/03/2009, 08:09 PM

من جد هالقرار من أغبى القرارات اللي صارت

الناس ماتبداء حياتها الا في المساء لكن للأسف هالقرار قطع أرزاق خلق الله

من أول فترة بعد صلاة العشاء تكفي سوقين الحين سوق واحد وصك ماخلصت شغلك

أقلها تبقى المحلات الى الساعة وحدة ونص عشان نقدر نتعشى براحتنا

مو لين رحت منتزة طردوك مابعد أستوى الشوي تخيل تطلع لمنتزة ويطفي أنوارة الساعة 11

على الأقل تبقى المنتزهات الى الساعة 2,5

من جد أحس أن الرياض فوق أنها بايخة صارت أبيخ مع هالقرار الجائر

من أول لين جعنا في الليل لقينا من يسد جوعنا لكن الحين حتى العشا إذا ماجيت بدري يروح عليك وتنوم خفيف

بالحب والإشراق

أحد المشجعين · #4 17/03/2009, 08:20 PM

مو بس المطاعم الي تورطت فيها حتى مغسلة الملابس تبهذلت معها!!

العادة اطلع من الدوام العشاء .. و ارقد شوي بعدين اصحى أخذ ملابسي من المغسلة و ادوري مطعم اتعشى .. الحين ما فيه!!

فااشوف ان مجلس الشورى يقترح لحل مشكلة سندوتش الجبن بعد 12 الليل ...

أنه يوفر بقرة في كل بيت نحلبها

ياسر وهنري بس · #5 17/03/2009, 08:40 PM

ايه والله انك صادق قرار خاطئ والمشكله انهم اذا اخطائو مايعدلون خطاهم

عشان مايطلعون قدام الناس انهم غلطووو وهاذي المشكله بالمجتمع ككل

اما الحين الرياض بقاله مالك الا خط الشرقيه اقراء دعاء السفر ورح اشتر وارجع

والمطاعم فاتحه بالدس تلقاهم مسكرين اللمبات ويبيعون من الفتحه حقت الباب <<<مشهد يضحك هههههه شايفه كثيررررررر

والي يقهرك ان (الرياض)عاصمه والتعداد السكاني تجاوز ال6ملايين وعليها وتوهم مطلعين حسبت السكان قبل سبوع

مفرووض العاصمه تكون شغاله 24ساعه مثل رمضان الشوارع والمحلات وكل شي شغال 24ساعه

ومشكوور على الموضوع الاكثر من رائع

feroo · #6 17/03/2009, 08:42 PM

والله انك صآآآآدق...
ياخي بعض المطاعم الشهيره ماك.. وطقتها...
بس تخيل يعني بالويك اند يعني تتعشى 12 جدي ما يتعشى ذا الوقت....
تسلم اخوي على الموضوع...
بانتظار اهل الشورى بحلتهم الجديده..

hilali-arsenali · #7 17/03/2009, 09:06 PM

ماهو لهذي الدرجه يا اخوان
انا اطلع الساعه 1واحصل بقالات و مطاعم
لكن مو داخل الحواري
تلاقيها في شارع تجاري
مثلا شارع المطاعم ( طريق الخرج )
انواع المطاعم والبقالات مفتوحه هناك
قريبه جدا وتخدم سكان جنوب وغرب ووسط الرياض
اما حقين الشرق والشمال عندهم بدل الشارع شوارع تجاريه

كَلْ اَلْـ حَ ـيَاةْ · #8 17/03/2009, 10:14 PM

يآآآليل ْ,,
لآزم آلتنغيز يعني ,,

السوبر ماركتات فاتحه 24 ساعه

رح اقرب سوبر ماركت
واشتر لك جبن مثلث وان بغيت آغراض مفطح

,,
بالعكس احس شئ افضل ان يتسكر اغلب الاشياء ,,

اهدى واروق

مو زحمه وازعاجات ,,

والمطاعم السريعه مثل ماك وماماك

يفتحن الى ثلاث وهاذي عادتهم دايم

,, هرفي وهو هرفي وعندنا يفتح الى ثلاث

,,

لو تشوفون القرار زين

انتم بس والمين للشر ,,

والا رح اليوم الساعه 2 ونص باليل للتميمي تلقاه فاتح

لاتقولي بعيد ,, مو زحمه بتوصله بسرعه اذا الجوع متملكك,,

يالله يالله ,, يضبطونكم تروحون دومات بدري

اجل خام الجريده ونايم

كان هنا · #9 17/03/2009, 11:12 PM

في كل حي في الرياض لابد من وجود مطعم وبقالة وصيدلية تعمل بعد 12 ..
حينا فيه هرفي وماك ومطعم كباب وسوبر ماركت وصيدلية وكلهم يفتحون بعد 12 ..
تقول لي كيف ؟
اقول لك ..
هذولي الله يطول عمرك ياخذون ترخيص من الشرطة ،
وطبعاً معروف هالقرار ما صدر الا من بعد زيادة نسبة السرقات تالي الليل ..
يعني اللي يبي يسترزق يسعى ورى رزقه وياخذ له ترخيص ..

الســفيرة · #10 18/03/2009, 12:09 AM

إقتباس


	لقد ذهب أحد الأشخاص إلى محل فطائر لحظة إغلاقه وتوسل إلى العامل التركي كي يعطيه طلبه لأن لديه ضيوفا جائعين في البيت فطلب منه أن يطفئ أنوار سيارته ثم (يكبس) بالنور بعد خمس دقائق وحين قام بهذه الخطوات العجيبة حضر له العامل التركي وقدم له الفطائر واختفى بسرعة البرق، وحين عاد إلى البيت قال له ضيوفه: (جبت البضاعة)!.

الله يوسع صدرك ياشيخ

بس وش لكم بالاكل تالي الليل

كلو خفيف احسن لكم

بعدين المفروض الواحد عشاه قبل ماينام ب4 ساعات عالاقل

شلون تتعشون 12 وفوق ،، هذا سحور مو عشا

>>

ماعليك من الحكي الي فوق

صراحة قرار غريب !! كان اكثر شي يعجبني ببلدنا انه 24 ساعه كلشي موجود ،، تطلع بالنهار تطلع بالليل تلقى ناس

الحين بتصير الشوارع فاضية وموحشة بالليل

وحتى الي تعودو عالسهر باليل بيتغير نظامهم شوي شوي زي دول الخليج كلشي يسكر عندهم 10 باليل

ان شاء الله يتراجعون عنه ومايوصلنا

باسكن روبنز · #11 18/03/2009, 12:32 AM

الحين هالقرار بس في الرياض ولا جميع المناطق

لان اشوف انو عندنا عادي يفتحون للفجر

الحمد لله هالقرار مابعد يوصل للشرقية

الله يعينكم يا أهل الرياض

نائبة الملك · #12 18/03/2009, 12:52 AM

عآآد اذكر الشغاله تقول ../
ان اسوآآقهم تسكر السآاعه 7 مدري 6..

//
يعني احنا وش حلاتنا عندهم ..!

//
احمدوا ربكم بس ,,

ولاتكثرون اكل بعد الساعه 5 ..

تربون الكرش وبس

//
//
بعدين وش حادكم على السهر ..

..

}

محمدالغفيلي · #13 18/03/2009, 01:14 AM

اخوي العزيز كاتب هالمقال

ترا سرقة المقالات ونسبها لأناس لم يكتبوها(ما يصلح)

الظاهر فهمت وش اقصد..

تحياتي

الكلاسيكي · #14 18/03/2009, 01:22 AM

هلا بك اخي ..

جميل انك نقلت هذا المقال لانه يستحق الطرح ..

في الحقيقه اني احيانا اشعر اني في احدى ضواحي الصومال .. وبالاخص لم تشعر بالجوع
بالساعه الواحد ليلاً , ولا تجد شي يسد جوعك !!

حتى البقالات اللي مأملين في " لوزين " تقفل !! بحجة ان الدوريات لها مهام اخر الليل !
والحقيقه ان الحرامي يضبط وضعه اخر الليل من 12 ماعاد يشوف احد بالشارع

ماندري وش القرار الجديد بعد اللي بدون دراسه !

الف شكر لك ولنقلك ..
دمت بخير

صقر أحول · #15 18/03/2009, 09:19 AM

مالكم إلا لوزين ... خخخخخ

الله المستعان ...

موضوع جيد ...