|
حرام يالدعيع + وش هذا ياسول + تغييرات مادري وش تبي السلآلآلآلآلآم عليكم تسيف الحال أول شي أبارك لكم هالنقطه [ الثمينه ] اللي خذيناها من عقر دارهم لأن لو فزنا مباراة سابا باتري راح تكون هذي نقطه ثمينه :yes: أي أن الخلل في المباراة السابقه فقط وبداية أرفع الشعار [ خلونا صف واحد ] واللي اغلب الأعضاء ولله الحمد متمسكين فيه لكن فيه اعضاء إذا أعجبها اللاعب الفلاني في مباراة مدحته , ولو اخفق نفس اللاعب قامت قيامته :d يعني مدري ليه :confusedw: ...................... الكل شاف المباراة اليوم ولله الحمد قدمنا مايشفع لنا في الشوط الثاني لكن هناك امور مرت علينا ممكن هي اللي هدت من عزيمة الرجال وراح نتكلم عنها سوا نحن لانختلق الأعذار ... لكن ربما تلك الأشياء ساهمت في التعادل ....................... http://upload.alhilal.com/img/017/ghufj15.jpg صور : موفد شبكة الزعيم إلى طقشندأبو زاحم الهلالي أعتقد الحكم كان غير موفق بشهادة الأخطاء الواضحه + ضعف الشخصية الواضح + محللي القنوات يعني أنا مستغرب منه بصراحه اشياء من المفروض يحسبها ماتنحسب والعكس تماما صحيح بالتالي وحسب تقديري الشخصي لا يستحق سوى 5 من 10 ولاتنسون خشونة الأوزبكيين خصوصا الأصلع اللي بغى يجيب بنا هدف هاللي مايستحي :d لا وإسمه اليكساندر بعد .. تحس انه يوناني على هالاسم ........................ الأسطورة محمد الدعيع http://img.naseej.com/sports/players...l/alduaea2.jpg والله مااقدر اقول اي شي .. حتى والله مانقدر ننقدك انت كبير ولك تاريخك ولك كل اللي تبي انت الزعيم هنا لكن تبي الصراحه ؟؟ المباراتين اللي راحوا .... قمنا نخاف يابوعبدالعزيز ... طمنـّـا على المرمى ................................ االكوري الغريب الأطوار والأدوار http://www.fulhamfc.com/MatchAndTeam...eolKiHyeon.jpg انا بموضوعي السابق كتبت [ سول ياخرطي ] والحين أقول [ شكله مافيه احد خرطي ] مع انه ماقدم الشيء الكبير لكن احس فيه شي تغير وفيه شي راح ينكشف قريب وان شاء الله الى الأمام :clapping: ........................... كاتالين وش السالفه http://upload.alhilal.com/img/016/Fr...ih-Katalin.jpg والله ياجماعه ماادري وش اقول احس تغييراته مادري وش تبي [ انا تعليقي على التغييرات فقط ] ولا انتم وش رايكم اعتقد انه بدال مايطلع الفريدي كان [ يسحب احد من الخلف او سول ] لأن الفريدي والتايب يعطون اكثر مما يعطي سول والتايب وتغيير محمد العنبر هذا لحاله حكاية .. يعني الدقيقه 89 .. تطلع افضل مهاجم وتحط مهاجم ثاني يخوي خلهم مع بعض هالدقيقتين والشلهوب كنا محتاجينه كثييييييييييير بديلا عن سول [ بعد البلنتي ] :d ولا انتم وش رايكم ....................... إستمرار الـ 1-1 إستمرت النتيجه وكأنها حداد على رحيل كوزمين ... 1-1 في الثلاث مباريات الأخيره نتمنى كسرها في المباراة القادمه ....................... وفي النهاية والختام لايسعني الا ان اقول هوساوي أنت النجم محمد نامي مستواك يتطور تدريجيا المرشدي وش فيك ؟ الزوري مانت على خبري عزيز انت الملك رادوي ركز في الباصات ويلي شد حيلك يابطل الفريدي تركيز وسرعه وتصير اطلق من باتستوتا :d ياسر القحطاني مدري وش اقول تعجبني باصاتك بس ودي تجيب اهداف طارق التايب ماعليش الجايات اكثر سول والدعيع تكلمنا عنهم ولاتنسون نحن الهلال والهلال لنا لانهدم كياننا :smilie47:اخوكم محمد:smilie47: |
اوافقك في بعض الاراء00000000000000000000 |
وربي اني مراهن على سول وانتظروه .. اما ابو دعدع والله مقدر اقوول شي اما المرشدي وربي العب المفرج اصرف منه على هالمستوى |
كلامك في محله انشاء الله المدرب الجديد يعطي الشلهوب فرصه |
هوساوي أنت النجم وبقووووووووووووة محمد نامي مستواك يتطور تدريجيا الى الامام يابطل المرشدي وش فيك ؟ من جد وش فيك الزوري مانت على خبري واضح عليه الارهاق عزيز انت الملك عيني عليه باردة رادوي ركز في الباصات عقب كوزمين ما هو على خبري بس اليوم قدم مستوى رائع نوعا ما ويلي شد حيلك يابطل مباراة ورى مباراة يثبت ابداعه الفريدي تركيز وسرعه وتصير اطلق من باتستوتا برضه واضح عليه الارهاق ياسر القحطاني مدري وش اقول تعجبني باصاتك بس ودي تجيب اهداف ؟؟؟؟؟؟؟؟؟ طارق التايب ماعليش الجايات اكثر تعوض الجايات ابو نادين |
]وربي اني مراهن على سول وانتظروه .. اصبرووور على سيول شوي وبتشوفون النتيجة جيده انشاء الله :alzaeem: آه ياهلال:ga::smilie47: |
الزوري والله العضيم مستواه نازل من الكنااااااااااااااااااادر اللي لابسها صدقوني وسيول ممتاااااااااااااااااز |
صــرآحه ,, انا اخالفـكـ الراي في سول .. قصدي ان سول .. لو الكور اللي تهيـــات له تهيــآت ليـآسر لكــــانت اخطر من سول .. لا اقول مؤكـد انها اهداف لان التوفيق بيد الله سبحــانه .. لاكن سول بطى في التصـــرف مع الكرهـ ,, عمـــومـآ الاعب دآمــه لازق لازق لين تجي فترة الانتقالات القـــآدمـه .. فنتحمله لعـيـــون الازرق .. والاختلاف في الراي لآيفســد للود قضيــه .. تقبل مروري .. |
كلامك في محله انشاء الله المدرب الجديد يعطي الشلهوب فرصه |
المدرب مدري وش سالفة أمه ولا بالله فيه واحد صاحي يشرك سول والفريدي أساسيين ويخلي التايب احتياط :bigeek: والله لو تجيب معلم قلابه ما سوى هالحركه ويوم دريت إن سيول بيلعب أساسي تمنيت من القهر إن بختكور يفوز حتى نطلع من الأدوار الأولى ونرتاح أما العملاق الدعيع ففيه حاله هبوط حاد في المستوى تجيه بين فتره وأخرى والي يتابع محمد يعرف كلامي لكن أتمنى إنها ما تطول خصوصا في هالمرحلة الحساسة بداية دوري أبطال آسيا واقتراب الدوري المحلي من نهايته فالمباريات كلها مباريات حسم يبقى ياسر كبير ورادوي إضافة كبيرة للوسط الهلالي وأتمنى نشوف عبدالعزيز الدوسري إلى متى ياناس البرنس بحاجة إلى لاعب يسانده في صناعة الهجمات صعبه فريق ما فيه إلا مفتاح لعب واحد عزيز- رادوي أدوارهم الهجومية محدوده |
سيـــــــــــــــــــــول ماقتنعت فيه يــاخي يموت الهجمه لكـــن مستواه في تطور لـكــــــــــــــن لو كان الشلهوب مكانه ماكان أفضــــل |
بالتوفيق لهم في باقي مبارياتهم في البطولة |
تحياتي لك اخوي وبصراحة نجومنا اليوم ماقصروا في الشوط الثاني وبالاخص سووووووول مدري الجو جازله وقام يبدع للامام يا بو كور والدعيع كبير لكنه اليوم ماكان مركز انتبه على الباب يا ابو عبدالعزيز ..عزيز ورادوي كوركم مقطوعة ليششششش الحكم ضيع علينا بلنتي وطرد الكسندر لكن اخطاء الحكام واردة كاتالين ماينلام واستغرب اللي ينتقده اعتقد انه يؤدي حسب امكانياته كمساعد مدرب وأنا اشوف انه يضع التشكيلة المناسبة للمباراة لكنه لايقرأ المباراة بشكل جيد وأنصحة انه يستمر كمساعد مدرب افضل له تقبل مروري يازعيم |
:alzaeem:ماقصروا الشباب اليوم ولكن عندي ملاحظه عليهم أنهم يشدون حيلهم في المباريات الجايه والله يوفقهم:alzaeem: |
إقتباس:
شكرا لمرورك |
| الوقت المعتمد في المنتدى بتوقيت جرينتش +3.
الوقت الان » 07:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd