ارجوا منكم تقبل رأيي واللي موعاجبه تبقى وجهة نظر

الدعيع/
بصراحة حارس القرن ومايحتاج ملامة ويكفي انه حقق لك بطولة الدوري العام الماضي وغير الايجابيات اللي شفناها مع الفريق ولكن بصراحة ماأدري وش سالفته من يوم بدينا بالاسيوية وهو ماعجبني اخطاء في الطلوع ارتباك الكور البعيدة تفلت منه ماأدري وش سالفته عموما هو يتحمل نسبة كبيرة في الهدف والدفاع يتحمل النسبة المتبقية
نامي والزوري/
ماأردى من المربوط الا المنفلت كلهم اليوم سيئين جدا جدا ماشفنا اي فاعلية هجومية منهم وغير كذا تشتيت للكور واحنا محتاجين لها واخطاء كثيره منهم المحاور قاعدين يتحملون اخطائهم
المرشدي والهوساوي/
من مباراة النصر في كأس ولي العهد وهو الله بالخيرماأدري وش سالفته اخطاء كثيرة وبطء فيه عجيب الله يخليك لنا ياهوساوي قاعد تصحح اخطاء المرشدي يالبى قلبك انت وبس فعلا لين قالوا يبرد القلب ومن بعدك نسينا تفاريس رغم انه شايل الدفاع و3 خانات بكبره يغطيها
عزيز ورادوي/
أفضل ناس في المباراة وياليت بس اللعيبة فيهم روح وحماس رادوي من جد هو وعزيز لاعبين مضبوط اتوقع ان المدرب لويخلي رادوي يساند الوسط اتوقع بتفرق كثير في اللعب وبيفيدنا في تسديداته
ويلي/
روح واخلاص ولياقة بس من دون فائدة من جد تغير علينا واللي يقهرك انه من لمسة بسيطة على طول على وجهه وهذي مشكلة الظهير اللي مايساند الاعب ماعندنا الانامي الله يصبرنا
الفريدي/
يعني تحسن عن المباراة اللي راحت ولاشفناه يتأخر اليوم في الكورولكن بدون فاعلية وباصات خطأ يالله انشاء الله يتحسن للافضل
سول/
رغم انه سيء الا انه اليوم شفنا له تحركات يكفي البلنتي اللي سببه ولكن اغلبها بدون فايدة يافي رجل الخصم والا مسفح بأم الكورة في السماء متى بس تنتهي فترة اعارته
ياسر/
الشوط الاول ماينلام من جد راجع ورى ماعاد بقى الا يصف جنب المدافعين يدور اي كورة
الشوط الثاني مافي كورة وصلته ولكن يبقى مستواه نازل شوي
التايب/
ماشفنا شي تغير يوم نزل ممكن الوقت ماأسعفه
المدرب/
شوفوا له حل المدرب هذا بيجيب لنا الضغط اجل التايب ماينزل الاآخر20دقيقة و هالمدرب وش يحس به
وغير كذا ماعنده اي تكتيك وين الشلهوب عن المباراة

ماأقول غير الله يصبرنا والله يجازي من كان السبب وانشاء الله يفوز الهلال في الدوري والاسيوية