|
ياراسي راساه ,, احر ماعندنا ابرد ماعند هاللاعبين الثلاثة , والقادم قرمزي وليلكي 1- اقسم بالله أني دخلت فالشاشة الا شوي ,, ياناااااااااااس يالاااااااعبين , الأوزبكية معطينّا المباراة ’ منتهين لا لياقة ولا كورة , وانتم تضيعون النقاط بالبرود اللي يفقع القلب والكبد ويجيب المرارة 2- (سيول لعب اليوم) بس علي الحرام لو أن لي سلطة , أنه ما يمرح ليلة وحدة فالعريجاء 3- ياسر نجم المباراة يا اللي ذبحتوا ياسر بهروجكم اللي حادرة لها وادي اقسم بالله ياسر هو اللي يرجع ويصنع , وش تبون منه , ياسر لحالة , يوم شاف الفريدي يتهنوص , البارد حد القتل , ويوم شاف ويلي يناقز محلة , رجع وصلح وسبب ولا قصر 4- تكفون تكفون امسكوا الفريدي امسكووووووووووووووووه , وقولوا له (نبي تركض تعدي تجري لا توقف , ياجماعة يذبح يذبح بالبرود كأن ماهمه الا راتبه يستلمه ويمشي ولا درى عنا ,,, يا اخي تعلم كيف تركض تحرك بدون كورة ابيك تسرع تسررررررررررررررررررررررررررع , وهذي حلها ( أنهم يربطونه في سيارة وتمشي طبلونها , ارب رجلينه تعتق) ااااااااااااااااااااااااااااااااااااااااااااااااااااااه منك 5- ويلي ,, ( انت تناقز تناقز تناقز) وانت اللاعب الوحيد اللي لو تنفرد فالمرمى فاضي وبدون حارس , اقسم بالله لأتوقع انك بتضيع ياجماعه ولي من اللاعبين اللي يلخبط مخك ما تدري هو زين ولا شين عليه حركات مميته ومرات برود , يعني يمشي بالكورة ثم يعطيها البخاري ولا عنده مشكلة 6- التايب , زعلان عشانه ما لعب الشوط الاول , عشان كذا عيدوا المباراة ,وشوفوا كيف ينحاش عن الكورة كأنه ما يبيها 7- الدعيع , اغرب حارس في التاريخ , سبحان الله , الحارس الوحيد في حياتي اللي اعشقه بجنون , واللي اتوقع أنه يجيب الطامة في اي لحظة , عليه غلطات غريييييييييييييييييييييييييييبة 8- الشلهوب يلعب المباراة الجاية غصب تعرفون غصب 9- اكره شيء في حياتي اذا قمت احسب النقاط واقول فيه امل ما فيه امل فيه امل ما فيه امل , ديني ودين هالحسابات , ابيها بدون حسابات , لكن ما عمرها جت معنا , من يوم اني ورع والزعيم حسابات في حسابات المشكلة والطامة أن بختاكور و سباباتري مستواهم ما يأهلهم أنهم ياقفون ضد الزعيم 10 - هوساوي ( جعل والديك فالجنة) 11- 94 دقيقة اتحدى واحد يذكر لي كورة مشت بين لعيبة الوسط بسلاسة وانسياب كل اللعب قرقعة و بربسة , ليش كذا 12- رقم 15 الاوزبكي الاملط النذل الحقير , ياليتني قريب منه 13- تعادل سبا باتري والاهلي جابه ربي وهون ما انا فيه 14- الريموت انكسر قبل هدفنا , والكاس كسرته بعد هدفنا , والتلفزيون كسرته بعد هدفهم , ورحت اتفرج فالتلفزيون الثاني 15 - لو فزنا اليوم بهدف ما انبسطت كثير , كنت ابي ثلاثات اربعات , والدليل ( شوفوا فرحتهم بعد الصافرة ,) مادروا أن الهلال اليوم فنايل فقط 16 - الله يصبرني قسم بالله تعبت تعبت تعبت |
يـعـالم أنتم معصبين بعد الماراة الهلال قدم مستوى جيد مع وجود مدرب ليملك الخبرة بس حنا خلونا مع الزعيم تـــكــفووون ........... |
يعطيك العافيه على كلامك هذا مو الهلال اليوم اجل وش تتوقع من مدرب فاشل يلعب الباردين ويخلى الشلهوب بالله تسمى هذا مدرب والله اظن ان الهلال مو كفو لاسيا والمدرب هذا فيه والفريدي وسيؤؤل يلعبون اجل وين عبدالعزيز الدوسري اللي احسن من الباردب 1000مره بس ماعنده واسطه مثل البارد التعبان االي ادعي عليه كل يوم واقسم بالله كرهنى بالهلال بسبته |
إقتباس:
والله انك صادق حقها من سحبه بسيارة فراري ويصفي الطبلون عشان يتعلم كيف يسرع وعلى العموم الحمد لله اننا تعادلنا خارج ارضنا وان شاء الله الجاي افضل |
لا تقول الهلال قول أشباح الهلال |
الهلال يلعب بدون مدرب في فرق بين مدرب ومساعد مدرب بس الفرج جاي أن شاء الله |
إقتباس:
هههههههههههههههههـههههههههههـ |
ياناس الهلال بدع اليوم والهلال للاسف ياليته يقدم مع الفرق الصغيرة مثل مايأدي مع الكبيرة حتى في الدوري الهلال يعاني مع الفرق الصغيرة |
ياآإأرجأآل ماعليك انشالله نجوم الهلال قدها وقدودها ادعو لهم بس,, |
والله كل كلامك صح في صح.... |
إقتباس:
|
بيني وبينكـ يحقلكـ والله تنغبن وكلنا مغبونين مآندري نلوم مين ولا نخلي مين بس اللي متأكد منه ان الفريق اليوم كله ما ادى اي شي يشفعله للفوز ولا ادري كيف الله فكنا وتعادلنا قسم بالله شي يقهر والفريدي ذبحنا برودهـ ولا ندري وشلون بيفهم انه لاعب كبير ولازم يعدل من نفسه الى الأفضل |
فيه لخبطه صايره في الهلال واعتقد ان الفريدي هو اول اللخبطه عساالله يوفق الزعيم لا هنت خيوو |
وسع صدرك الهلال يمر بظروف صعبة كان الله بعون الاعبين والجمهور وحسبي الله على من كان السبب |
قسم بالله انك صادق الاعبين اليوم يلعبوون بدووون رووح ذبحوونا والله اننا لو ننزل للملعب لا نقدم افضل منه انا ما ادري وش سبب البرود في الاعبين الفريدي هذا والله والله اتمنى ان ينزل الى فريق الشباب عقاب له عشان يحس بغلطته ويتادب لاعب ابرد من الثلج ما يدري اننا نلعب بالاسيويه يعني اي مباره لنا تعني العاااااااااااااااااالميه العاااااااااااااااااااااااااااااااااااااااااااااااالميه وصلوا للفريدي هذا الكلام يارب وفق الزعيم وعط اميرنا المحبوب مايريده يارب |
| الوقت المعتمد في المنتدى بتوقيت جرينتش +3.
الوقت الان » 02:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd