سول ... بداية الايجابية !! ادعموا محترفكم - نادي الهلال السعودي - شبكة الزعيم

ناقد هلالي · #1 17/03/2009, 05:40 PM

* يخطأ من يحمل سول مسؤولية هذا التعادل ... فهذا اللاعب الكوري قدم اليوم افضل عروضه حتى الساعة ...
ولكن هذا لا يكفي فنحن نطمح في الافضل دائما ....

** الهلال كان سئيا في كل خطوطه وعلى رأسها حراسة المرمى .. المهتزة من المباراة الماضية !!
وحده الدعيع من يتحمل الهدف ويجب ان يعوض الجمهور بمستويات العميد المعتادة ..

*** جمهور الازرق سول يملك الكثير ويحتاج للدعم فقط ... لندعمه في الفترة المتبقية من عقدة .. من أجل الزعيم فقط ...

**** ليس الهلال من يتوقف على مدرب .. أو على شخص .. الهلال كيان قائم بذاته ......... امنياتنا لتيجانا بالتوفيق مع الازرق ..

الهلال ستأهل بحول الله وقوته .. ثم بدعمكم ومساندتكم ..

دمتم بخير

حاكم المطيري · #2 17/03/2009, 05:43 PM

ياحبيبي أنا داري من زمان إن اللي قدمه اليوم سول مايجي ربع إمكانيات هذا اللاعب ،، معقولة كل هالتاريخ وهذا مستواه اللي يقدمه بالفترة الماضية ،، أنا كنت أدري إن لديه الأكثر والأكثر بس مدري ليه مايقدمه ،، بس إلى الأمام ياسول والأفضل الأفضل ياسول

كريزي هلالي · #3 17/03/2009, 05:43 PM

اليوم جاء منه كذا كوره

بس والله ماعندهـ سالفه

اشره عليك · #4 17/03/2009, 05:44 PM

الله يسمع منك ونتاهل ان شاء الله

الـوفـا ديـــن · #5 17/03/2009, 05:48 PM

اليوم سول قدم دور جيد و الغريب بأن هناك بعض المستمرين في النقد
لكن الحق يقال سول قدم أفضل عروضه منذ قدومه و إن شاء الله يقدم الأحسن

أرجو ألاّ نقسو على الفريق لأن الكل قدم ما عليه نعم هناك أخطاء فرديه لكن كمستوى فريق بلا مدرب جيد أعتقد شيء جيد

و إن شاء الله نفوز أمام الأهلي و يفوز بختاكور على سابا باتري هكذا تكون فرصتنا جيده

الطيااار · #6 17/03/2009, 05:48 PM

لعب اليووم ومااقصرت....وان شااءلله الجيات احسن...

ياعينها · #7 17/03/2009, 05:52 PM

الا والله لاعب ثقيل كبر السن له دور ومأثر فيه وماظنتي تتركه اوربا وبراسه كوره لا تحلمون ان هاللاعب بيقدم شي

أرسنالي حوطي · #8 17/03/2009, 05:52 PM

و الله أنكم صادقين يوم سيول غير ... بالتوفيق

لنرتقي بالزعيم · #9 17/03/2009, 05:52 PM

انت شفه بس وهو يركض بالكوره والله عيونه موب في ملعب تقول قاعد يهوجس

اعذروني بس قسم بالله شي يفقع المرراره

الحين الاعب مظيع انفرادين قدام الباب وتمدحونه

وبعدين الكوره الي طاح فيها يبي بلنتي كان يقدر يكمل بس مو واثق من نفسه

حسن8 · #10 17/03/2009, 05:52 PM

ياسر & محمد الدعيع

هم من يتحملون الخسارره

زعــيــم الــبــره · #11 17/03/2009, 05:52 PM

ياشيخ رووح انت وسولك جعله كفوك
بلا امكانيات وفلسفه لاعب خايب داج رفع ضغطي
قال ايش قال ادعم سول ياحلالات من تولاه ولينه لين يعظ الارض

ناقد هلالي · #12 17/03/2009, 05:54 PM

انا ما ادري متى بنتنازل عن قناعاتنا ..... ونفكر بشكل سليم ...

الواقع في المنتدى للأسف .. ما لعب سول .. ما نبيه ... لعب سول .. بعد ما نبيه ..!!!

الواقع ان سول الان لاعب هلالي ... وراح يلعب مستحقات مهمه جدا ... خل نحاول نعاكس الموج ونشجعه ..
نشوف هل بيقدم الافضل والا لا ....

وخل نترك اسلوب عليهم عليهم ؟؟!!!

تحياتي للجميع

ياسر الكااسر · #13 17/03/2009, 05:56 PM

والله اتفق معك
سول قدم مستوى جيد مقارنة بمستوياته الماضيه
وتعادل بارض الخصم يعتبر ايجابي
بالتوفيق لزعيمنا

لنرتقي بالزعيم · #14 17/03/2009, 05:56 PM

إقتباس

الرسالة الأصلية كتبت بواسطة حسن-حايل


	ياسر هم من يتحملون الخسارره

ياخي حرام عليك انتما شفت المباراه ليه تعكسون الاحداث

ياسر قدم مستوى يمكن من افضل المستويات الي قدمها مع الهلال

بس ما نقول الله الله يعين على بعض ...على نفس الوزن

البروفسور123 · #15 17/03/2009, 05:57 PM

هذا الكلام

كل المواضيع اليوم محبطة

مع اختلافي معك في سول لانه ليس بمستوى الزعيم