الشباب السعوديين والعمل في القطاع الخاص.. الى متى الجدل البيزنطي والنظرة القاصرة ؟؟ - نادي الهلال السعودي - شبكة الزعيم

بريماكس · #36 22/03/2009, 01:06 AM

السلام عليكم ..

هلا والله اخوي الصخره ..

موضوع بدون مجامله تمام التمام

ومفيد لدرجه كبيره

بس يافهد من وجهة نظري ان القطاع الخاص العمل فيه متعب وبنفس الوقت ساعات العمل كثيره مقارنه بالعمل الحكومي وايضاً ضمان الوظيفه .. يعني ماهي ضمان مثل الحكوميه !!
اكثر مايعوق الشاب على العمل بالقطاع الخاص الاسباب هذي .

اما اذا جيت تبي تشوف الميزات لاشك الخاص افضل لانه وراه ناس تبحث عن راحة الموظفين ومقربين لهم ..

عني انا .. افضل العمل الحكومي

مع احترامي للعمل بالقطاع الخاص

لان يومك سيكون كالتالي ..

الحكومي ..
الظهر .. خروج .. نوم
العصر .. قهوه واعمال خاصه .
العشاء .. وقت مفتوح حتى الساع 11

الخاص ..
اعتقد اغلب وقتك بالدوااام واذا طلعت تصير مرهق واذا نمت قضى اليوم

تبي تطلع حول العصر .. متى تبي ترتاح ؟ متى تبي تشوف اعيالك متى متى .

الجدير بالذكر انه اللي يشجع بالعمل الخاص كما ذكرت انه عادي الانتقال الى الحكومي متى ماوجدت الوظيفه المناسبه لك .. يعني مافيه شئ يمنع وهذا شئ يشجع بالعمل بالقطاع الخاص للي مايبون الا الحكومي .

اشتغل هنا لحد ماتنزلك وظيفه حكوميه وروحله .. كذا تستفيد من وقتك وكل شئ

يمكن كلامي يافهد مايعجبك ومخالف للواقع .. واتوقع ذلك لان ماعندي فكره واسعه عن القطاااع الخاص مقارنه فيك ماشاء الله

موضوع استفدت منه ومن الردود وخاصه هتلر الرياض وجاري افتناء الكتاب باقرب وقت

شكراً لطرحك والله يعطيك العافيه ويوفقك بالقطاع الخاص .