|
حنا مشكلتنا اللاعب يطق الــ25 ونعتبره صغير |
مواهب كثيرة في نادي الهلال وإن شاء الله نشوفها تبدع وتمتع |
ان شاءلله نشوف في مباراه الوحده على اقل تقدير |
الدعيع لعب مع المنتخب كان عمره 19 |
.. للأسف أن أقول أن أبناء الزعيم يعانون عندما يصلون إلى سن الواحد والعشرين تجدهم تائهين مابين الإنتدابات التي تقوم بها إدارات الهلال في مراكز قد يكون إبن النادي أفضل منه ، من ناحية العطاء والولاء ومن ناحية المستوى وتخفيف العبيء المادي والصرف الذي يتم بلا تحسب وبلا تخطيط .. فمثلا عندما يجلب الكابتن أحمد الصويلح من نادي الفتح وعلى الرغم من وجود إسم كنت أتوقع أن يكون كبير في يوم من الأيام وهو الكابتن فيصل الجمعان كابتن المنتخب للناشئين ، ويتم تنسيق فيصل وهو المتدرج بإقتدار حتى وصل للفريق الأول وتمنح الفرصة لأحمد الصويلح الذي بلا شك يستحقها لكنه لن يكون أكثر إستحقاقا من فيصل . والأمور على هذه الشاكلة لاحصر ولا عدد لها ، إن كان النادي لا يعلم إحتياجاته المستقبلية ويقوم بالبناء من القاعدة أو على الأقل من الشباب والناشئين ، إذا لما هذا الإهتمام الكبير بالقاعدة بلا مبرر وأعتقد المبرر الوحيد هو أن نشاهد لاعبين من الشباب والناشيئن يقتحمون الفريق الأول. العجز الهجومي للهلال يبين حقيقة ما أقول فالهلال يعاني منذ ثلاث سنوات من محترفي (( الغفلة )) وبين برود ولا مبالاة الآخرين ، وكل هذا على حساب المشجع البسيط .. من البديهي أن يكون هناك تنسيق على أعلى مستوى مابين الدرجات الثلاث وأن تكون المتابعة أيضا على أعلى مستوى ، وبملفات وسيديهات تبين قدرة هذا الاعب نقاط القوى والضعف والمتابعة المستمرة حتى يصل للفريق الأول ويمنح الفرصة ، بدلا من منحها لسول وأمثاله .... ألف شكر أخوي ، وعذرا على الإسهاب ، لكن كل هذا بسبب الهلال .... |
كلامك سليم لكن اتمنى ان الاعب يبدأ من الموسم القادم لان المباريات القادمه قويه ويمكن مايقدم المطلوب منه ثم يصدم نفسيا لعدم تحقيقه المستويات المرجوه والمأموله منه. تقبل مروري المميز الهلالي |
معك نواف العابد موهبه لكن لالحين صغير ان شاء الله الموسم القادم نشوفه من نجوم النادي الاول تحياتي |
اخوي هلالي من عرفت نفسي اتفق معك تماما في كل ما قلته ولكن جميع المباريات القادمه مباريات مصيريه وهي تعتبر مباريات كؤوس وهذا لايسمح باشراك وجه جديد كنواف العابد الذي يعتبر صغير السن ولايوجد لديه خبره كبيره ويوجد في مركزه لاعب اكثر منه خبره وهو عبد العزيز الدوسري الذي يستحق المشاركه لانه موجود مع الفريق الموسم الماضي ولم يتيحو له الفرصه رغم مستواه الممتاز والمميز من وجهة نظري الموسم القادم هو الوقت المناسب للزج باالموهبه نواف العابد الذي اتوقع له مستقبل كبير ومشكور اخوي هلالي من عرفت نفسي على الموضوع والله يعطيك العافيه ياغالي واحترم وجهة نظرك |
لاعب موهوب وكبير لكن خانته مليانه لاعبين في الفريق الاول وانتم ابخص |
ولا تنسى اخوي عبد العزيز الدوسري بس اعتقد نواف العابد صغير باقي الدرب قدامه طويل يعني لا نستعجل ع اللاعب عشان لا ينتهي بسرعه |
ايد كلامك مع الوحده في ظل نقص لاعبين المنتخب |
انا اشوف انه المفروض يلعب لو كلاعب أحتياط ويدخل بديل في شوط ثاني وحتى عبدالعزيز الدوسري ياجماعة الخير فريق أرسنال الأنجليزي كلهم صغار وشيلين الفريق شيل وينافسون على الأربع المراكز الأولى وبرضو في أبطال أوروبا وفازو على مانشستر وعلى تشيلسي اللي كلهم أجسام وكبار وخبره وقلبو النتيجه وهم برى أرضهم ولا ننسى أنهم تعادلو مع ليفربول وجننوهم وليفربول فايز على تشيلسي ومانشستر وعلى أقوى الفرق في أبطال أوروبا واخونا في موضوعه ماقال الفريق كامل قال لاعب واحد وصدقوني راح يجتهد عشان يثبت نفسه مع الفريق الأول وانا صراحه اتمنى وجوده ولو كلاعب أحتياط ويكون بديل الشوط الثاني واذا على المدرب زي ماقال بعض الأخوان ان كوزمين يشوف اللاعب ويعرف أمكانياته للمعلومه كوزمين هو اللي جابه للفريق الأول |
الوسط فيه تخمه من كثرة اللاعبين المميزين والعابد بدون تجربه كبيره مع الفريق الاول ونحن في نهاية الموسم والمباريات في غاية الحساسيه والاهميه اضافة الى ان فريق الشباب يحتاجه في بقية مباريات دوري الشباب والمعروف ان بطل درجة الشباب سيشارك في الدوري البرازيلي الموسم القادم لذلك فان بقاءه مع درجة الشباب الى نهاية الموسم اولى |
اهم شي ما يبيعوه ولا يحطوه احتياط مع الفريق الاول ويضيع. احسن يجلس مع الشباب الين يكبر ويدخل مع الفريق الاول بقوووووووووووة |
بالفعل لدينا أكثر من لاعب واعد ومنهم العابد وعبدالعزيز الدوسري وبندر العنزي وغيرهم من الاعبين أتمنى أن تسنح لهم المشاركة في المباريات المقبلة وتقبل مروري بالتوفيق لزعيمنا |
| الوقت المعتمد في المنتدى بتوقيت جرينتش +3.
الوقت الان » 10:26 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd