|
مهم جدا للفاهمين كرويا فقــط !!! السلام عليكم صباح الورد لمن يقرأ موضوعي في هذا الوقت ومساء الورد لمن يقرأه بعد الساعة 12 اقرأ الموضوع كامل بعدين رد واعطني ايجابيات الشخص اللي جالس اتكلم عنه:clapping: لن اطول عليكم موضوووعي يتكلم عن كوزمين هذا المدرب الجبـــان يامن تدافعون عنه.. شوف انا هلالي الى النخاع ومو لازم اثبت لك كوزمين مدرب ليس بطموحنا كهلاليين من جميع النواحي لاتقول جاب ثلاث بطولات ثلاث بطولات جابوها اللاعبين ولم يكن له يد فيها تذكرون النهائي مع الاتحاااد كيف الاتحاد جالس يلعب على مرمانا طول المباراة وما فزنا الا بلمسة من شعر القناص ومن هجمة تكاد تكون وحيدة اتحدى اذا في احد من الجماهير تابع المباراة وهو مرتاااح كلنا نتابع المباراة واقفين ويدنا على قلوبنا وكله من الفاشل... انظروا لحالنا بالدوري بالله عليكم هذا مدرب يامن تتباكون على رحيله يلعب طول الدوري بمهاجم واحد .. كل مبارياتنا نسجل قول ونرجع دفاع حتى تنتهي المباراة ليش ياخي وين هيبة الهلال وين اسود الزعيم اللي من البداية الى النهاية متعة واهداف وفوز لا ويلعب الفريدي ومخلي مارادونا العرب احتياط ياخي الفريدي مستواه غير ثابت وافضل مايتقنه الفريدي هو أفتكاكة الكورة من الخصم فقط عندك ويلهامسون يقطع ورادوي وعزيز يعني لازم الفريق كله يقطع طيب ليش ماينزل مهاجم ثاني بجااانب ياسر اقسم بالله انه هو المتسبب في هبوط مستوى ياسر بهذه الخطة العقيمة !!! وانتم ماشاء الله عليكم عاطفيين الاتحاد يفوز بالاربعة وبالخمسة واحنا واحد صفر ونرجع دفاااع والله العظيم ان الهلااال اذا سجل قووول خلاص اقوم واخلي المباراة لان ماعاد فيه متعة ادري ان كوزمين بيرجعهم دفاااع صدقوووني ولست الوحيد اللي يقول كذا اذا تبغغون بطووولة لازم نلعب 4-4-2 ياحبايبي اكبر مدربين العالم فيرغسون وهينقر يلعبون بالخطة هذي... أدلــة على ان كوزميــن ليس المدرب المناسب للهلال:_ 1- يلعب بخطة عقيمة 5-4-1 2-نظرته لللمباراة سجل قول وارجعوا كل ابوكم دفاااع ياعيني على الفلسفة الله لايردك يافاشل 3-تارك (الشلهوب) جالس احتياط وهو اللي مستواه بدأ يتحسن وتذكرون المباراة اللي شارك فيها الموسم هذا من البداية 4- ضيع بطولة فيصل وهي اللي كانت بيدنا لان كوزمين يوم سجلنا قول قال يالله دفاع ياحلوين مما جعل الشباب يعادل النتيجة ويفوز بالترجيح 5-تعاقده مع سول الكووري سألتكم بالله هذا لاعب وربي هذا ما العبه لكن كوزمين هذا ملعبه طول الدوري لا وازيدكم من الشعر بيت تعاقد معه بالرجووع الى مستواه بكأس العالم 2002 بالله وش رايكم ويوم تسأله تقول ليش تتعاقد معه يقول انا لعبت معاه بالدوري الكوري عام 2000 ياكوزمين ماتدري انناالأن بـ2009 وان فيه لاعبين اعتزلوا وحراس تحولوا مهاجمين:d طيب اقل شي نزل الصويلح عشان نقول انك فاهم اقسم بالله ليضيع الدوري لو نجلس على هذي الطريقة 5-4-1 وآسيــا والله لنبطي عظم مانأخذها بهذي الطريقة عموما اللي يبغى يتناقش معاااي عنده هالموضوع على فكرة مو لازم يكون عدد مشاركاتي فوق الألف عشان يكون موضوعي يناسبكم لان اكثر الاعضاء يشوف اذا مشاركاتك فوق الالف يبدأ يمدح بموضوعك واذا اقل فأنت ماتفهم كورة وتحياااتي للأخ الشــــــاكي على موضوعه الاخيــر... |
يعطيك العافيه وجهه نظر ......... اتفق معك من ناحيه وناحيه آخرى لا اتفق معك كوزمين دفاعي _ صحيح _ بس مدرب تكتيكي _ ( انضباطي) وبعدين من المهاجم اللي يعتمد عليه علشان يلعب 4_4_2 العنبر ماينفع____ وكذالك الصويلح ( وبعدين كان مصاب) كان يلعب 4_5_1 حسب امكانيات الاعبين .... سول ممن المفروض يكون راس حربه مع ياسر ..... لكن !!!!!!!!!!!!!؟؟؟؟؟؟؟؟؟؟؟؟؟؟؟ فارجو انك فهمتني ( لانها وجهه نظري الشخصيه) ولك تحـــــــــــــــــــــياتي |
الحين ,, انا ابي اعرف هل المدرب الحآلي فاهم الهلال !! انا ما أتوقع صرآحه ,, لأن من تغيراته ,, والنهج اللي يسير عليه حالياً ,, ما يقول انه فاهم الهلآل ,, او حتى كان مساعد لكوزمين ,, لكن اتمنى ان ارى هلآل آخر في المباراه القادمه ,, ويارب الفوز هلآلي ,, |
اللي تكسب به العب به قبل ماتهاجم كوزمين لازم تعرف ان غير ياسر مافيه هجوم بالهلال وعشان تهاجم جب لاعبين على مستوى وكلنا شفنا اديموس بفتح اللعب اكلنا بالخمسه وباكيتا لما بداء مع الهلال وجد صعوبه وحول للدفاع واخذ خمس بطولات وبعدين ايطاليا اخذت اربع كؤوس بطريقة الدفاع والبرازيل اخذت كأس العالم 94 بالدفاع واخذت كاس امريكا الجنوبيه الأخيره بالدفاع . ثم كوزمين يلعب على قدرات لاعبيه ويكقيك انه ضبط دفاع الهلال وخلاه جبل طويق وقرائته للمباريات وتغييراته ممتازه وانضباطه جيد . واخر القول كم بطوله في السابق اخذها النصر والإتفاق والإتحاد من امام الهلال وهو يهاجم وهم يدافعون. وشكرا. |
اتحــداك تثبـــت ذلكـ يا عزيـــزي كوزمين مثل ما قلت مدرب دفاعي صح عليك نووووووووووووور بس تكتيكي بالدرجــــه الأولــــــى بالله عليكـ ايطاليـــا كيــف أخـــذت كـــأس العــالـــــم !!!!! جـــــاوب على سؤالــــي وأحكــــم عليــــك هل أنـــت هلالــــي او منـــــدس ؟؟!!!!!! وش الفايده اذا هاجمنا سبعين الف مرة وبالأخيـــر مهزوميــــــن !!!! تأكد يا عزيزي ان كوزمين مدرب رائع والدليل مو كلامـــي أنـــا شوف كلام المحـــلــلـــــيـــــن تحياتي لكـ يا بطـــل |
الطريقة اللي ماهي ماليه عينك جابت لنا بطولات وفرحتنا وصراحة هذا أهم شيء عندي واعتقد عند الجميع بعدين المدرب ماعنده مجاملات لاشلهوب ولاغيره قبله التمياط محبوب الجميع لامكان بالتشكيلة إلا للأجدر وهذا أحلى شيء عند كوزمين تقبل مروري،،، |
اقول لاتفلها ,,, اجل كوزمين فاشل ؟؟ ... انت الي للأسف ... ياحبيبي بغض النضر عن انه دفاعي ولا يكفيك ان انضباطي يكفيك انه حرر المساحات الي كان الهلال يعاني منها وهي الضهير الايمن والحين نامي ويلي قامو بالادور على اكمل وجه .. بعدين من وين له مهاجمين عاشن يعتمد عليهم .. .. قال ايش كوزمين فاشل .. |
فرق بين مدرب فاشل ومدرب تكتيكه دفاعي المدرب لعب بتكتيك دفاعي وجاب بطولات ولكن انا اتفق معك الزعيم صار ماله هيبه الزعيم معروف بالكوره الهجوميه وكل الفرق تدافع امام الزعيم بختلف معك بالشلهلوب الشلهلوب بنيته الجسمانيه زمان كان يغطيها بالسرعه والمهاره الحين خلاص لاسرعه ولابنيه وافتقد المهاره والشلهوب في سن النضوج الكروي اذا ماستفدت منه في هالمرحله متى بيستعيد مستواه بعد الثلاثين وجهة نظر |
طريقة كوزمين اللي ماهي عاجبتك جابت لنا بطولات وهذا أهم شيء وبعدين اللي مايثبت نفسه مكانه الاحتياط سواء الشلهوب وقبله التمياط وحتى ياسر وترى سول لاعب آسيوي ماهو أوروبي تقبل مروري |
مشكور ع الموضوع والطرح بس بسألك ياخوي [ البالغ كرويا ] .. هل تشوف نفسك افضل من كل المحلليل في المملكة وخارج المملكة ؟ او تشوف نفسك افهم من [ 80 % ] من شعب رومانيا , الي صوتوا لكوزمين لتدريب المنتخب الروماني ؟ بعدين شلون تقول ان كوزمين يلعب بتشكيلة [ 5 ـ 4 ـ 1 ] .. وهو ولا مره لعب بهالتشكيلة والتشكيلة المعروفة الي يلعب فيها هي [ 4 ـ 5 ـ 1 ] << وهذي التشكيلة الي خلت الهلال متصدر الدوري وهي نفس التكشيلة الي يلعب فيها منتخب فرنسا [ بطل العالم عام 1998]..؟ من اول يوم جاء كوزمين للهلال وهو معروف بأنه مدرب [ تكتيكي بحت ] .. يعني تشكيلتة وطريقة لعب الفريق الي يدربه ممتعه للمدربين والمحلليل فقط .. اما للجمهور او [ للبالغين كرويا ] فهي ممله. |
صحيح انسب طريقه للهلال 4-4-2 بس انت شف الدفاااع الحين وقل شكرا كوزمين يوم كنا نلعب بالتشكيله اللي قبل كان دفاعنا شوارع الا من تيفا المنقذ اتحداك اذا دفاعنا الان سهل اختراقه شف كم مباراة مرة علينا ماسجل فينا هدف الا الاخيره وهذا غلط المرشدي الدوري قرب يخلص واحنا ماسجل فينا الا 7 اهدااااف وغير كذا شف بطولة ولي العهد انتهت بمرمى نظيف الهجووووم انا معك فيه هو مشكلتنا اللي لو تنحل تاكد ان الهلاااااال بيكون مررررعب للكل مع انه للان مافقد هيبته والدليل حررررص الانديه قدااامنا اللي يسكرررر المنطقه الخلفيه واللي يشد حيله بالتدااااخل العنيف واللي يحااااول قد مايقدر يستفز اللعيبه والمدرب وبالفعل واخير ا تحقق الحلم باستفزاااازه وهذا نخسره لاتقول انك مبسوووط عشانه راااح لاني ماراح اصدقك لان اي هلااااالي صاااادق بحبه للزعيم راح يتحسب على اللي كان السبب قايم قاعد حتى انت نفسك تقولها اذا انت صدق هلالي تقول ليته موجود اقلها لنهاية الموسم وبعدها اكتب هالموضوع وانقد بكيفك اما في ضل الضياااع اللي حنا فيه جاي تقول ينفع وماينفع الا جاااي تذر الملح على الجررررح ماصدقنا نتنااااسا اللي صااار جاي تقول هالكلااااام يعطيك العاااافيه على نقدك اللاذع اللي مو في محله كلش |
بسألك قبل ما ارد عليك انت بالغ كروياااا شكلك مابديت تناظر كوره الا قبل سنتين |
وش يحس فيه ذا يا جماعة:to: |
إقتباس:
كفيت ووفيت يا زعيم 100 % |
انا لا اشكك في هلاليتك ولكن وجهة نظرك هذه تطابق تماما وجهة نظر "عدنان جستنيه"... لكن من ناحية كوزمين فاشل .!! no comment |
| الوقت المعتمد في المنتدى بتوقيت جرينتش +3.
الوقت الان » 01:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd