اختلف معك تمامآ اخي الكريم مع احترامي لفهمك الكروي

السلام عليكم ورحمة الله وبركاته،،،،
ياخي وينك من زمان أقسم بالله إني فرحت من كل قلب لم لقيت واحد يفهم بالكرة صحيح ماهو مثل بعض الأخوان الله يهديهم مصدقين أنه كوزمين مدرب عالمي والله أنه من جنبها مع أحتراماتي . عموما أخي العزيز كلامك لا غبار عليه وأتمنى لك دوام الصحة والعافية الفكر العالي لأني منأكد تماماً أنك فاهم وعقلك كبير

اسلوب الفقراوية

قال ايش قال الهلال يلعب بدفاع واصبح بدون متعة

اقول لهم خلوا المتعة لغالي وربيع وشهراني طيحني

حنا نبي بطولات وبس

كوزمين داهية والدليل على ذلك


المؤامرة اللي سووها فيه

لانهم عرفوا ان الهلال لن يفوت كل موسم اي بطولة

طيب ممكن اسألك كم سؤال

هل تابعت ايطاليا في كأس العالم الاخيرة؟؟؟

هل دفاع الهلال مثل ماكان في السابق؟؟؟؟

هل توقعت بروز الفريدي والزوري وماجد المرشدي وعبدالعزيز الدوسري ؟؟؟

هل توقعت ان يأتي بلاعب بروح رادوي؟؟؟

هل توقعت انه في يوم من الايام انه يكون دفاع الهلال بهذه القوة؟؟؟

ماهو المطلوب بالظبط من المدرب والفريق واذا فيه اشياء قبل الفوز ياليت تذكرها؟؟؟

هل عمر دفاع المنتخب كان دفاع الهلال؟؟؟؟

هل الاحترافية اللي وصلها الفريق الهلالي كانت موجودة من قبل؟؟؟؟

هل تابعت اي دولة في العالم فريق الهلال يقدر ما تابعتها رومانيا مع اكوزمين؟؟؟

ومليون هل كوزمين كان له الفضل بعد الله في توفرها في الفريق الهلالي

تقبل مروري

ياحبيــــبي ... واللــهـ مو شــرط ان مشاركــــاتكـ تكوون فووق الـ 1000 عشــــان نناقشكـ ..!!


لكـــن بقوولكـ شيء ..... هالشـــيء اللــي انت قلتــهـ مو عيــــب بكوزميـــن .... بقدر ماهـــو انضباطيــهـ وامتثــال للأوامــر من اللاعبيــــن ..!!


وأنت قلتهـــا : تخيل ؟!! الهـــلال يلعب 4-5-1 ؟!!

الهـــلال الفريــق الهجومـــي يلعب كذا ؟!!!


طيـــب يا قلبـــي ؟!!

انـــت تقوول ان هالتشكيلــهـ سبب في هبووط مستوى يـــاسر ؟!!

طيـــب ليش ماتقول انهــا سبب تطور "النامي - المرشدي - هوساوي "

وســبب اعطـــاء الثقــهـ لمحمد الدعيـــع ؟!!


صحيـــح ان الهـــلال لايقــف على مدرب او لاعـــب "والجميــع يعرف ذلكـ " .!!

لكـــن انا اقــوول اللــهـ يعيــن اللاعبيـــن اذا جاهـــمـ مدرب "في نفس هالموسم" ويغيــر التشكيلهـ لـ 4-4-2 ...!!

لانــهـ بتصيـــر لخبطـــهـ مال امهــا دااعي ..!!

وبيضيــع الانسجام في خط الوســط ..!!


اتمنـــى ان تقبـــل وجهــة نظري .!!


ولكـ خالـــص الوود .!!

اخوي رجعت لكل ردودك السابقه في شبكة الزعيم

غريبه ردودك

عندي احساس انك مندس

أشكركـ يالفاهم كرويااا..!!

سؤال لو تكرمت

من لعب عليك وقال إنكـ فاهم كوره؟!

كلام في الماضي نقصان بالعقل

مطلوب فورا مدرب اوروبي ذو امكانات عاليه وقوي الشخصيه بعقد طويل

اما كوزمين فراح بزينه وشينه وما يجب نفكر فيه بل نعتبره من الماضي ( الجميل )

حنا عيال اليوم

إذا كان الموضوع للفاهمين كورة فقط

أنا أقولك يا أخي الكريم

الكورة تغيرت ماهي هجولة في الملعب وخلاص
الكورة اليوم تكتيك × تكتيك × تكتيك

المنتخب الفرنسي من هاذيك الأيام عام 1998م وكان يومها بطل العالم
وكان يلعب بخطة 1-5-4 وأستطاع ان يفوز باللقب بهذه الخطة

الهلال أعتمد على 1-5-4 لأننا مع الأسف لا نملك ماهجمين يمكن الأعتماد عليهم سوى ياسر
وقوة الهلال في خط وسطه ولو نظرة في الهجمة الهلالية تجد أن ياسر وويلي والفريدي والتايب ورادوي والزوري ( أو نامي على حسب جهة الهجمة ) يشاركون في الهجمة يعني ستة لاعبين ولو لعب الهلال بخطة 2-4-4 لن يشارك في الهجمة سوى خمسة لاعبين

الأن وقت التكتيك


وإن كان كوزمين هو من تسبب في أخراج الهلال من بطولة كأس فيصل معذرة أنت غلطان غلطان

كوزمين ماقال لعزيز سو ركلة جزاء عشان يتعادلون
واللي أعرفة أن الهلال تدرب على ركلات الترجيح


شكراً على موضوعك أن كان المقصود فيه التخفيف عن الهلالين بعد كوزمين ومحاولة إظهار مساوئة لنسيانه .

وأن كان الكلام اللي انت تقوله من جد فالشكوى لله ، لأن الهلال خسر أهم بطولات الموسم

السير كوزمين أولاريو

والله نفس الكلام اللي كان يدور في خاطري وحاولت أكتبه أكثر من مره.. بس خايف يقولون إني مندس..


100/100 ياكابتن كلامك ميه ميه..

من متى والهلال يصير شوارع للإتحاد وحنا اللي كنا نسوي فيهم الشوارع بالخمسات والستات..

وين أيام بيلاتشي..
كندينو..

والمدربين العظماء...

كوزمين أخذ أكبر من حجمه كثيرا.. والسبب لمن طبلو له..

شكرا لك من القلب..


والله العظيم إنك فاهم كوره وتشجع من قلب..

طيب ياقلبي ليش للفاهمين ؟


بإمكانك تقول (هل توافقونني الراي)

لا أمتلك وقتا لقراءة موضوعكـ كاملا

لكن يا عزيزي اللي بقوله إن اعتراضنا ليس على رحيل كوزمين ولكن على الطريقة التي رحل بها غبنة والله العظيم

يعطيك العافيه اتفق معك في امور ولا اتفق في امور
يا حبيبي خطة 4-5-1 مو معناتها 4 دفاع و5 وسط ومهاجم واحد
هي تتحول مع الهجمه لكن اللي اقوله انه فكر مدرب وبعدين
تتكلم هالحين كان من اول