اللي مشترك في باقة الموج الازرق .... تعال ابيك ! - نادي الهلال السعودي - شبكة الزعيم

البحر الأزرق المتزعم · #1 22/01/2009, 12:30 PM

كيفكم يا زعماء

البارح مريت موبايلي وأقتنعت اني انقل خطي لهم !

واليوم راح اسوي تصفيه لجوالي وانقل رقمي لهم !

لكن يوم استفسرت عن باقة الموج الازرق ما لقيت فيها شيء زود !

حتى اخبار الهلال لازم اشترك فيها عشان تجيني !

أنا عندي استفساريين :

الأول \ كم قيمة الأشتراك في أي قناة من قنوات الاخبار الخاصه بالنادي ؟

الثاني \ وش الشيء المميز لباقة الموج الازرق بالنسبه للاشخاص اللي من زمان مجربينها ؟

عيوني زرق · #2 22/01/2009, 12:36 PM

المميزات للموج الأزرق ...

مكالمة فيديو مجانية لمدة ساعة بعد فوز الهلال أو تعادله ..

أقل تكلفة إتصال بين الشبكات 20 هلله بين الموجين .

إمكانية الحصول على تذاكر مباريات الهلال مجاناً من مكاتب موبايلي .

البحر الأزرق المتزعم · #3 22/01/2009, 12:46 PM

إقتباس

الرسالة الأصلية كتبت بواسطة عيوني زرق


	المميزات للموج الأزرق ... مكالمة فيديو مجانية لمدة ساعة بعد فوز الهلال أو تعادله .. أقل تكلفة إتصال بين الشبكات 20 هلله بين الموجين . إمكانية الحصول على تذاكر مباريات الهلال مجاناً من مكاتب موبايلي .

ياليت توضح بالنسبه للتذاكر

يعني أقدر احضر كل مباريات الهلال مجانا !

عيوني زرق · #4 22/01/2009, 01:02 PM

لا يابحر ياأزرق يا متزعم ... لا تصير طماع .. تجيك رسالة من موبايلي تدعوك لزيارة أي فرع من فروعها وفيها عدد التذاكر وأماكن التوزيع

وبصراحة ماصارت معي الا مرّه واحده في لقاء الزعيم مع العالمي الدور الأول . وما اخذتها .. لأن تذتكرتي الله يسلمك قيمتها 300 ريال وهذي مافيه امل توزعها موبايلي إلا لباقة الراقي إذا فكروا يوزعونها

البحر الأزرق المتزعم · #5 22/01/2009, 01:09 PM

مو مشكله التذاكر اصلا انا مو في الرياض دايم !

أهم شيء القنوات كم سعر الاشتراك الشهري فيها

لاني بصراحه سألت الموضف قال والله مدري يمكن عشرة او عشرين ريال يعني ما عطاني خبر !

<alzaeem> · #6 22/01/2009, 01:21 PM

اخبار الهلال في عرض الحين 20 ريال لمدة ثلاث شهور

خلف نت · #7 22/01/2009, 01:44 PM

أهم شيء القنوات كم سعر الاشتراك الشهري فيها

لاني بصراحه سألت الموضف قال والله مدري يمكن عشرة او عشرين ريال يعني ما عطاني خبر !

عاشقه الزعيــم · #8 22/01/2009, 01:53 PM

قيمــة الآشتــرآكـ بآحــد قنــوآت النــآدي بـ 12 ريــآل شهــريــا ً ,,

وأول شهــر يكــون مجــآنــا ً ..

واللحيــن فيــهـ عــرض 3 أشهــر بـ 20 ريــآل ,,

المُميــز بآلبــآقــهـ أنهــم يعطــونــكـ 30 دقيقــة مُكآلمــة فيديــو مجآنيــهـ بعــد كل فــوز هلآلــي !

ابن البدائع · #9 22/01/2009, 02:18 PM

بالنسبة لي

انا مشترك في باقة الموج الازرق لعيوووووووووون الامير عبدالرحمن

ودعما للزعيم

وهذا اقل شي اقدر اسوية

فهد السويلمي · #10 22/01/2009, 02:24 PM

امس طلعت شريحة واشتركت بالموج الأزرق ما اشوف فيها شي مميز للحين ماعدا رسايل الفيديو اللي ماراح استفيد منها لان ابراج الجيل الثالث زيرو

،،،،

ابو شوشن الهلالي · #11 22/01/2009, 02:26 PM

ألمميزات لباقه الموج الأزرق :
1) اشتراك مجاني لمدة 3 شهور لكل مشترك جديد في الباقه ..
2) حين الاتصال بين باقة الموجود الازرق للمتصل والمتلقي فإن سعر الدقيقه 20 هلله ..
3) 30 دقيقه مجانيه فيديويه بعد كل فوز هلالي ..

وسيكون هناك مفاجات قادمه وخاصه لمشتركي الموج الأزرق ..

المشجع الوفي · #12 22/01/2009, 02:31 PM

شباب بس كذا أشترك في الباقه بدون أي استبدال شرائح أو شي

ابو شوشن الهلالي · #13 22/01/2009, 02:35 PM

إقتباس

الرسالة الأصلية كتبت بواسطة المشجع الوفي


	شباب بس كذا أشترك في الباقه بدون أي استبدال شرائح أو شي

اذا كانت شريحتك موبايلي فعليك ارسال رساله لـ(1100) مكتوب فيها ( الموج الأزرق ) وسيتم تحويل باقتك لباقه الموج الازرق ولكن للمعلوميه في ول مره تحول بها باقتك سيكون مجني في المره الثانيه سيكون تحويل الباقه بـ20 ريالا ..

بالتوفيق للجميع

البحر الأزرق المتزعم · #14 22/01/2009, 02:34 PM

الاخ اللي يقول انه مشترك لعيون عبدالرحمن بن مساعد والزعيم

كلنا مثلك لو اسمها مو الموج الازرق ما شفت احد اشترك فيها

انا على كل حال بانقل رقمي وباشترك في قناة اخبار الزعيم

لكن اتمنى نشوف شيء يوسع الصدر يا موبايلي

البحر الأزرق المتزعم · #15 22/01/2009, 02:44 PM

للأخ بسام

ياليت تفصل بإجابتك

بالنسبه للي شريحته مو موبايلي

هل لازم يغير الشريحه وهل عليه رسوم وهل سوف يكون الاشتراك مجانا لثلاثة اشهر ؟