قصتي مع رجال امن الملعب كاملة مع الصـــــور.. - نادي الهلال السعودي - شبكة الزعيم

بورتريه · #1 13/03/2009, 06:48 PM

السلام عليكم ورحمة الله وبركاته..

اولا امسى عليكم بالخير جميعاا..
واقولكم هاردلك على التعادل مع الفريق الايراني وقدر الله وماشاء فعل..

اول شى اعتذر منكم على التاخر في طرح الموضوع وذلك لظروف خارجة عن ارادتي وهي تواجدي في الرياض عشان مهرجان الجنادرية..

المهم الاسبوع الماضى يوم الخميس كنت بالجنادرية لين الساعة 7 ونصف..
المهم طلعت على طوول للملعب ومن سوء الحظ الملعب بعيد جدا عن الجنادرية عشان كذا وصلت للملعب الشوط الاول باقي عليه ثلث ساعة ..

المهم كنت مستعجل وقلت لازم الحق على المبارة ويوم جيت بادخل الملعب قالي رجل امن في الملعب ممنوع الكاميرا>>>>>انا زائر للجنادرية وكانت معي كاميرا توثق زيارتي للمهرجان..

كنت مستعجل عشان كذا حطيت الكاميرا الشوط الاول عند رجل الامن الى على البوابة وبعد نهاية الشوط الثاني مباشرة رجعت عند البواب وطلبته الكاميرا عشان ادخل فيها الملعب لكنه رفض وعطاني الكاميرا وقالي اطلع بررا الملعب..

الشاهد وانا جالس اترجى الرجال يدخلني الملعب نادني رجل امن من شركة حراسات امنية ناسي اسمها>>>اسمها صعب شوية.

المهم نادني وقالي كم تعطيني وادخلك الملعب.....؟؟؟
اقسم بالله العظيم هذا الى حصل..
كذا بالحرف الواحد ...>>>والله كان باتجنن..
اول مرة يحصل لي موقف مثل كذا..
حسيت الوضع مختلف مررررررررررررررة...

المهم انا استعدت تركيزي شووي..
وقلت :خليني استغل الفرصة هذي ...؟؟
مو كل مررة تحصل فرصة زي كذا>>>>>>>>>>>>>>>>بقدر ماكنت فارح بقدر ماكنت مستاء من الحالة الى وصلت اليها ملاعبنا وتنظيمها..

شوي والرجال يقول لي عطني100 ريااال..>>غلبااان..
قلت له ماعندي الى 50 رياال..>>

والله في البداية رفض وبعد شوي الى هو يقول خلاص الحقني..
يوم بدينا نمشى باتجاه بوابة المضمار>>الى خلف مرمى الشباب الشوط الثاني
قالي هات الــ50 ريال عشان ماحد يشوفك وانت تعطيني في الملعب..>>>خطــــير..وفاهم..واظن ماهي اول مررة..

المهم عطيته الــ50 ريال ودخلت الملعب في بداية الشوط الثاني ومباشرة قالي روح خلك مع المصورين الى خلف مرمى الشباب..

رحت وتابعت الشوط الثاني كله في داخل الملعب خلف المرمى الشبابي..
بيني وبينكم والله العظيم كان ودي اطب اجري في الملعب..
حسيت اني المسالة سهلة جدااا..
لكن تذكرت ان المسالة فيها مرمطة قلت خليك بعيد احسن لك..>>

المهم انا اهدف في هذا الموضوع اني اثبت لكم ان حراس ملاعبنا ماهم كفووا قسم بالله..
يعنى لو يجي شخص يعطيهم 10000 ريال ممكن يخلوه يدخل الملعب يفجر>>>يلحقون فريق الكركيت الباكستاني

لابد من اعادة حسابات فيمن يحرسون ملاعبنا ويهتمون لأمننا..؟؟
طبعا انا كانت معي كاميرا في الملعب عشان كذا هاذي كم صورة من عدستي ...

طبعا مركز الرفع ماساعدني انزل صور كثيرة عشان كذا اكتفيت بهذه الصور..

اووووووووووووه..
الصورة الاخيرة نزلت بالخطا من ملف الجنادرية>>>

خخخخخخخخخخخ..

ياسركو · #2 13/03/2009, 08:00 PM

يا رجااااااااااااااااااااال ...ما دام اننا وصلنا للدرجة ذي الله يخلف علينا ....حنا والخطط المدروسة الي نمشي عليها !!!!!!!

عمار بن ياسر الهلالي · #3 13/03/2009, 08:04 PM

والله منتدى التقييم ماله داعي ..
شكرا اخوي على موضوعك ..

هلالي النماص · #4 13/03/2009, 08:04 PM

ليييييييييييه الصوور صغـــــــــــــــــــــيره

20 الكاسر ياسر 20 · #5 13/03/2009, 08:08 PM

والله حقيقه شي مخجل ,, ومثل ماذكرت هذا خطر على ملاعبنا وعلى جماهيرنا السعوديه

شكــراً لــك

الـوفـا ديـــن · #6 13/03/2009, 08:08 PM

و تلك هي أم المشاكل غياب الأمانة إذا غابت الأمانة خلاص غاب العقل و غاب المنطق و غاب كل شيء!!!

المشكلة رجال أمن !!!!

الشكاوى على رجال الامن كثرت في هذه الأيام و أتمنى التدخل من رئيس جهاز الأمن فهؤلاء الأمن مسؤولون عن ما يفوق الخمسين ألف مشجع !!!

saud-5 · #7 13/03/2009, 08:11 PM

الصور صغيرهـ ومآهي وآضحه .

لكن حال ملاعبنا كل ماهو من ردي لأردى .

وعلى قولتهم .. [ من مطب لدحديرهـ ] ..

رحال~ · #8 13/03/2009, 08:13 PM

ياخي هذي رشوه المفروض ما تعطيه شي

محب القناص-20- · #9 13/03/2009, 08:15 PM

انا لله وانا اليه راجعون متخلفين بالصراحه هاذولي الامن

الأثربي · #10 13/03/2009, 08:16 PM

اكيد صار لكوزمين نفس الوضع بس ما طلبه 100 اكيد100000000000000000

كرستيانوا العرب · #11 13/03/2009, 08:17 PM

مشكور أخوي .....

بصراحة هذا هو الحال ملاعبنا في السعودية.

بس لو أنك كبرت الصور شويء كان أحسن وأفضل

على العموم مشكور

Moath434 · #12 13/03/2009, 08:22 PM

ما أقول إلا الله يعين الجماهير على هالعساكر

saad_20 · #13 13/03/2009, 08:22 PM

لو عطيته 10000 يمكن يلعبكـ الشوط الثاني
ههههههههههههههههههههههه
واعلى الدنياآآ الـــــــــــسلام

مخدتي زرقاء · #14 13/03/2009, 08:24 PM

لعن الله الراشي والمرتشي ................................

أنت بفعلتك هذي قاعد تعينه على فعلته الشنعاء ......................

ياخي كان بلغت ........أو حاولت تجره على وجهه ويمسكونه بالجرم المشهود ............

عاشق طارق11 · #15 13/03/2009, 09:59 PM

لو عطيته 10000 يمكن يلعبكـ الشوط الثاني
ههههههههههههههههههههههه
واعلى الدنياآآ الـــــــــــسلام

والله صدقـــــت ياخووووووووووووووووي