ياسر صحيح انه قل مستواه عن ذي قبل ولكن من اهم اسباب ذلك الارهاق الذي يتعرض له والاصابات .. وكل نجم يمر بمرحله زي هاذي من انخفاض مستوى ، لكن النجم سرعان مايرجع لمستواه وافضل .. وياسر من هالنوعيه .. والله يوفقه مع باقي النجوم في باقي المباريات ..

احب في البداية اني أأكد على موضوع مساندة لاعبي الفريق سواء كنا فايزين أو متعادلين أو لاسمح الله مهزومين
وأحب هنا أن أضيف نقطة ما ينقص لاعبي الهلال في بعض المباريات هي القتالية في الملعب نرى مثلا لاعبي الاتحاد في مباراتهم ضد الاستقلال ما عندهم ولا نصف مهارات الهلال ولكن تحس فيه قتالية على الكورة إضافة إلى تشجيع وأهازيج من الجمهور تدوش
وانا اتوقع فوز الزعيم على باختكور 2/0 مثل ما عملنا فيهم منذ عامين

يعطـيك العافيـه ،،

يآسرر كبير وبيظـل كبير ،، السالفـه بسيطـه : لاتكبرونها كأنـه ما سجـل من شهر او شهـرين ..

وحطـواا ببآلكم : المسأله بالبدآيه والنهايـه ( توفيق وحظ ) ، ويآسر ما حالفـه الحظ ..

ما اقول انـه مثل اول بروحه وقتاليتـه : صحيح انه مقصر شوي ، بس ان شاء الله يعـود ابو سعـيد ..

،،

عندي تعليـق للأخ : هلالي رفحـااوي ..

يآخـوي ترااك طلعـت طلعـه مالهاا داعي ،، انت بوادي واحنا بواادي

نقول يآسر مو مثل اول ، وانت قاعد تقولي : ابيه يحيي الجمهور مثل التاايب ..

بالله هذا كلام .؟ ،، اول شئ : ترى اللاعب اذا سجل مو مجبور انه يروح للجمهـور ، لانه بهدفـه ادخل في قلوبهم الفرحـه ، سواءً حيـاك والا ما حيـااك ..

ثانيا : مو الجمهور اللي كان سبب شهرة ياسر يالغآلي ،،

سبب شهرة ياسر طال عمرك ، ناديـه ( الهلال ) + ( لعبـه ) يجي بعدهاا الجمهور يا غالي ..

،،

الاخ : estree7

تعليقـك : سالفـة قديمـة ، وانا كـنت لحظتهاا مع ياسرر ..

انتم الظاهر تبونه مثل المكينه يحرث الارض ،، وناسين انه آدمي مثله مثلكم ، يتعب ويتدرب بناديه ومنتخبـه ، وارهاق من سوء الجدوله ،، وبالاخير يجيك الجمهور يقول : ياسر يتفلسف بالكوره عشان يجيب قول خراافي ،، من جد ( لا تعليق ) ..

،،

مشكلتكم : اللاعب اذا جاب هدف ، قلتوا بطل ووصلتوه للسماء ،،
واذا ضيع وما حالفه الحظ : ابداا ما تلتمسون له عذر الارهاق وتوفيق اللـه ..

،،

يآسر < الكبير كبير ،، وهذي كبوة الجـوااد ،، بس شد حيلك ، الله يوفقــــك ..

هذا اللي عنـدي ،، وعواافي يابطل ع الموضوع

!!

يااسر

اه يا ياااااسر


والله اللي ناقصه يكون فيه اخلاص للنادي


يا ليت يتعلم من سااامي شوووي بس

ياسر لاعب من طراز عالي

ولا ينقصه في نضري ماشاء الله اي شي,,


ممكن اللعب على الاطراف فقط,, مع انه يجيدها ولا ننسى هدفه على الشباب,,البلياردو*

ياسر لاعب لايشق له غباار

وكل الناس تشهد له ..

لكن فعلا ملوحظات جداا حلوه ..
يعني بصرااحه انا من اشد المعجبين لياسر من انتقاله لنادي الهلال.. وبصرااحه كنت اقتدي فيه بكل شي...

يعني الكلام اللي باقوله ان شاء الله يصب في مصلحته..

ياسر كان فنان بمعنى الكلمه.. لكن بعد الزواج تغير.. ويمكن زاد وزنه شوي.. ما نلومه.. لكن وين روح ياسر القتاليه على الكره وين روح ياسر في الهجوم
الحين ياسر نشوفه في الهجوم وااقف وينتظر الكوره تجيه حتى لو طالت عليه شوي تركها..

ياسر اذكر ماكان كذا وكان هو اللي يبحث عن الكوره مو الكوره تبحث عن ياسر..

وهذا شي لازم يكون في كل مهااجم..
عمووماا اتمنى من كل قلبي ان ياسر يرجع مثل اول مع اني اجزم لكم انه بيرجع باذن الله بافضل مما كاان..

وان شاء الله يكون اكثر حماس في المباراة واكثر فعاليه..

كل الشكر لك اخوي على الموضوع وآسف على الاطاله

الاخ هلالي صميم
أوافقك الرأي بكل كلامك
واضيف عليه للي يقولون ان ياسر يبي يجيب قوووول
خرافي صدقوني كل الكورتين اللي بالمباراة السابقه
كان احسن تصرف يتصرفه هو اللي سواه
بس ماكان معه حظ
والله يوفقه

ياسر خلوه هو بالوقت هذا نجم الإعلانات
وتقبل مروري
بالتوفيق لزعيمنا

الله يوفقك يا ياسر
مهاجم وقناص من طراز نادر