الكابتن أحمد الفريدي و الجماهير الهلالية !! - صفحة رقم 6 - نادي الهلال السعودي - شبكة الزعيم

اللواء الهلالي · #76 15/03/2009, 08:58 PM

كل لاعب ينخفض مستواه ويرجع زي اول واحسن بسبب ضغط المباريات

خلف نت · #77 15/03/2009, 09:54 PM

ياعيني عليك يامحور ارتكاز هذا الكلام الصحيح نور كان كذا لكن انا رفضت اكتبه في الموضوع خوفا من ان الجمهور يقول وش جاب لجاب.

وعن موضوع الاستفادة من الاخطاء ان ارى من وجهة نظري انه السنه هذي افضل من الموسم الماضي.

هلالي يا فرحتي · #78 15/03/2009, 10:04 PM

.
.

الفريدي موهوب ولاعب ممتاز ومؤثر

يعجبني فيه ضغطه على الخصم ( يقطع كور )

لاعب ينتظره مستقبل باااهر بإذن الله ..

بس الي أتمنى منه يثبّت مستواه

@ميلادي هلالي@ · #79 15/03/2009, 10:25 PM

ياشباب انا اقول الفريدي لاعب كبير واكبر دليل اخر مبارة ولاحظنا كلنا الفرق بين قبل وبعد خروج الفريدي
بعدين ياشباب ميزه تميز الفريدي عن اي لاعب في ملاعبنا
ياخي عجيب هذا الاعب عنده افتكاك للكورة دون ان يحسب عليه خطأتابع الفريدي وشوف كيف يقد يأخذ الكره من المدافع دون ان تحدث عليه مخالفه
بعدين ضروري جدا ان يلعب الفريدي هذه الايام بجوار (ويلي -طارق -رداوي)
الفريدي مازال صغير وقاعد يكتسب خبرات ومثل ماقال واحد من اشباب ان الفريدي تغير عن العام الماضي يالله لويصير عندنا
مهارت ممزوجه مابن التايب وويلي ورداوي عن جد فللللللللللللللللللله
تسلم يالذيب على الموضوع

R A Y I D · #80 15/03/2009, 10:28 PM

الله يوفقك الفريدي ...... لاعب مجتهد بس يبيله شويه سرعه ...

هلالي و أحب المعالي · #81 15/03/2009, 10:35 PM

لا بالعكس كلنا نحب الفريدي وباذن الله المستقبل قدامه بس يعيب عليه في بعض الاحيان انه يقتل الهجمة بس ...

لكن ما شاء الله عليه ادواره الدفاعية ممتازة ...

بالتوفيق للفريدي ...

كريزي · #82 15/03/2009, 10:52 PM

الفريدي لاعب صغير بس يبيله يهتم بنفسه شوي .. وينتبه من (الغروووور)

alaneid · #83 15/03/2009, 10:54 PM

انا مع الأخ اللي قال لازم الفريدي يتعلم من أخطائه
وطبيعي اللاعب يضيع ويمرر غلط ..بس لازم يستفيد أكثر من أخطائه عشان مايكررها
والله يوفقك يالفريدي ..يانجم الوسط الهلالي

Hilal4Life · #84 15/03/2009, 10:55 PM

والله الفريدي ممتاز لكن في ناس مايملى عينها الا التراب

يا واحشنا · #85 15/03/2009, 11:09 PM

انا اشوف الفريدي من احسن لاعبي الوسط في المملكة وليس في الهلال فقط
ولو كلامي مب صح ما كان المدرب كوزمين يعتمد عليه بشكل كبير في الهلال ومثبته اساسي
وكلنا طبعاً نعرف منهو كوزمين وماذا عمل في الهلال من تحسينات

بس عتبي عليه في شيء واحد وهو اثناء المباراة نجده يرفع صوته على زملاءه في الهلال او يرد عليهم
بحيث انه لا يتقبل كثيراً توجيههم له واتمنى ان يتدارك الوضع هذا حتى يحبه الكل

Brazil Asia · #86 15/03/2009, 11:33 PM

إقتباس

الرسالة الأصلية كتبت بواسطة طيار هلالي


	طبخ طبختيه يالرفله أكليـه هذا ردي لكل الجماهير الهلاليه والأعلام الهلالي الي مارسوا هوايتهم بالتطبيل للاعبين اجل مسمينه الفيلسوف وخليفه الثنيـان ..؟ الله يرحم والديكم مو كل من سحب له لاعبين وسجل هدف ولا هدفين قلتوا أنه أفضل لاعب بالعالم أحمد الفريدي لاعب موهوب ولكن جميع من كان يعرفه قبل لا ينضم للفريق الأول بنادي الهلال حذر الجمهور أن الاعب مغرور بالعربي الاعب يحتري إشاره بس علشان يمارس التعالي صدقوني ياجماعة الخير هالاعب موهوب وكبير لكن كانكم تبونه يلعب أدعموه بس بدون تطبيل ترى انتم تفلونها واجد أجل ياسر تقولون انه لازم يلعب اساسي بتشلسي ..؟ لاعب كبير وأفضل من حمل رقم 20 بالهلال لكن مو عاد تشلسي والحين رايحين يحشرون الفريدي حشر ووش ذنبه المسكين .؟ هذا مستواه من أول ماجا الهلال لكن الفرق ان الهلال وقتها كان يفوز والحين مايفوز يعني توكم تدققون على هالشي ..؟ اسمحولي ماضيعتكم الا العاطفه يعني غصب تطلعون خليفة للثنيان وغصب تقولون ان عندكم لاعب يستاهل تشلسي خلوا خليفة الثنيان ولاعب تشلسي ينفعونكم بأسيا أسيـا تبي لاعب يتقطع للنـادي ومايهتم للتطبيل والمدح الزايد وبعده السب والتنتيف أسف ع هالكلام ياجماعة الخير لكن جلد الذات لابد منه والأهم مصلحة الهلال

طلاق طلاق انك سنايدي وبطل

هذا الكلام والا بلاش صادق في كل كلمه وحرف

للاسف لاعبينا مايبيلهم نفخ لانهم من جد يصدقون عمرهم

اوكي مبدعين ومابهم خلاف بس لاتكبرون روسهم يرحم امكم

اخر مباراه كانوا الاسوا على الاطلاق ولوحظ عليهم التعالي على الكره بالفعل

الله يصلح الحال وبالتوفيق للزعيم في القادم يارب

مودتي

ابوراكان الهلالي · #87 16/03/2009, 01:02 AM

اخوي المميز الهلالي انا اوافقك في الرأى تماما
ان اللاعب احمد الفريدي لاعب له مستقبل ولاعب موهوب
ولكن الم تلاحظ اللامبالاه والتعالي والاستهتار واالعب الفردي
التي طغت على الفريدي وفوق هذا كله حصوله على الكروت الصفراء
بدون داعي فهو يملك خمس كروت صفراء وحصوله على السادسه
يتم ايقافه مباريتين ويسبب احراج كبير لفريقه..وهذه الاشياء هي
التي تجعل الجمهور يفقد اعصابه وينتقد كل لاعب ولايوجد لاعب فوق النقد
فكما نشجع اللاعبين حين يبدعو ونصفق لهم...فلابد من الانتقاد عند
هبوط المستوى واللامبالاه فهم يلعبون لكيان كبير اسمه الهلال
واتمنى من الفريدي بذل جهد اكبر فهو يملك الكثير بشرط تجنب السلبيات التى ذكرتها

ومشكور ياالمميز الهلالي وفعلا انت مميز عزيزي وتقبل مروري

هلالي بكل الظروف · #88 16/03/2009, 01:13 AM

الفريدي لاعب ممتاز وما ندق بحقه الكل عارف امكانياته

بس

ارجو رجاء خاص لــ احمد انه يحاول ان يلعب بجماعية اكثر من الفردية

والتقليل من العصبية الزايده اتمنى ها الشي

وباالتوفيق للجميع

المميز الهلالي · #89 16/03/2009, 01:34 AM

إقتباس

الرسالة الأصلية كتبت بواسطة SAMI ^_^


	لاعب مميز وسغر السن بس يبيله كثير يتعلمه وبصراحه هو اللي كان شايل الفريق في بداية الموسم

شكرا لك على مرورك وتعليقك وبإذن الله سيتغير الفريدي للأفضل بعد توفيق الله ثم بتوجيهاتكم.

المميز الهلالي

المميز الهلالي · #90 16/03/2009, 01:39 AM

اللواء الهلالي
كلامك صحيح لازم يكون فيه انخفاض مستوى لكن اتمنى يكون النقد بناء وبدون اساءة.

خلف نت
شكرا لمرورك وتعليقك

المميز الهلالي