يامير يا ريس زعيم النوادي
الله خلق فالناس وامر ومامور
حييت يا رجل بطبعه قيادي
الله يجيرك من هوى كل دعثور
واليوم ابكتبلك وانا شخص عادي
بعض النصايح كان تسمعله الشور
ان جاك من قلبه كساه السوادي
إمعارضه نقص(ن) ومشاهده بور
وحذراك سدك لا يتعالمه غادي
راعي النميمه في الدعاليث محشور
حتيش لو سوو عليك اتحادي
لابد مادورة الايام بتدور
الحق حق وراعي الحق سادي
وراعي الخراب بفعلته دوم مثبور
فل الحجاج ولا تضيق فؤادي
ترا الهلال بقمة المجد مشهور
وبثني علي نواف جزل الايادي
له موقف عند المهمات مذكور
وحنا لمجهودك يا سامي انشادي
والتويجري الانسان كم شيد اسطور
ياكم مقال جاب فيه انتقادي
بفكر جديد شارق كنه النور
جمهورنا لوهام في كل وادي
معذور لو يغبن من البعض معذور
واعضائنا في منتدانا الريادي
انشهدنهم قاموا بكامل الدور
احداث تنقلها بياض الايادي
الله مجنبهم عن كتابة الزور
وختامها صلوا علي خير هادي
شفيعنا في يوم ينفخ به الصور