[CENTER]السلام عليكم ورحمة الله وبركاته

مساكم الله بالخير

انا صراحه ماراح اطول عليكم انا كم كلمة في خاطري حبيت افضفض فيها , الكل منا شاف المباراة امس وكيف

ظهر الزعيم بمستوى لا يليق بإسمه, انا صراحه كنت من امس في المنتدى الى كتابتي لهذا الموضوع, صراحه

انا مالوم أي مشجع يكتب عن أي لاعب , لأن الاعبين هم سبب في تعادل الفريق , الادارة والله ياشباب جالسه

تضحي بأشياء نعرفها وأشياء مانعرفها , الجمهور قاعد يضحي بأشياء كثيرة , الي غايب عن عمله والي جاء

من خارج الرياض من الشرقية من جده من القصيم من الجنوب , هذي اجزاء من تضحيات الجمهور

لأجل زعيم آسياء , كل هذي التضحيات الي عملتها الإدارة والجماهير بكل آسف قوبلت بالأجحاف والنكران

من لاعبين الهلال واسمحولي من هذا المصطلح القوي , لكن صراحه لاعبين الزعيم رفعوا ضغطنا لدرجة

محد يتصورها , هل تتوقعون لهذا الحد وصلت درجة الأستهتار في اللاعبين , احنا كنا نقول نحن من صنع

كوزمين لأن الهلال قادر على صناعة أي مدرب , لكن ماشاهدناه امس من اللاعبين اثبتم عكس هذة النظرية

انا صراحه اتمنى بس رساله من جماهير الهلال ان تصل لللاعبين بأيه طريقة , وش ناقصكم بس عشان

تصدمونا بمستوى هزيل زي المستوى هذا , لا مستوى ولا نتيجة , اذا فيه أي شئ قاصر تكلموا نحن على

اعتاب بطوله جالسين نضحي بأشياء كثيرة من اجلها , وانتم ايها اللاعبون جالسين تلعبون بأستهتار




الإدارة لم تقصر مع أي لاعب , انا اتوقع لن ولم تمر إدارة قريبة وصريحه مع اللاعبين زي إدارة الأمير

عبدالرحمن بن مساعد , اذا فيه أي شئ تكلموا طيب تبون مدرب تكلموا , انتوا الحين لم تنطقوا بأي كلمه

ولم تقدموا مستوى يشفع لكم , أنا كنت اقول لاعبين الهلال لاعبين كبار لن يتأثروا برحيل المدرب الداهية

كوزمين , لاكن مع مرور الوقت دائم لاعبين الهلال يعكسون لي كثير من النظائر , قبل المباراة بيومين

استقبل شبيه الريح لاعبين الهلال في مأدبة عشاء في بيته , وقبل المباراة بيومين سلمهم مكافأت الفوز

ببطولة كأس ولي العهد , ومع ما قدمه شبية الريح الى الآن لم اشاهد ردة فعل من لاعبين الهلال موازيه

لما قدمة هذا الرئيس , والله نحن محسودين على رئيس بحنكه ودهاء الأمير/ عبدالرحمن بن مساعد ونائبة

الأمير/نواف بن سعد ولا ننسى الأمير/ عبدالله بن مساعد الذي مازال يقدم للهلال الكثير من اجل هذا النادي

العريق ومن اجل جمهوره .

الجمهور الهلالي

ايها اللاعبون من حقنا كجمهور ان نعاتبكم في أي شئ , لأن كل شئ واضح الادارة لم تقصر ونحن كجمهور

نساندكم طيلة الوقت , نحن جالسين نضحي بأشياء أنتهم لا تعرفونها , انا بنفسي حضرت مباراة الهلال من

المستشفى الى الملعب على طول اليست هذة تضحيه, اعرف اشخاص لم يذهبوا الى أعمالهم من اجل الزعيم

ومع كل هذي التضحيات نحضر المباراة ونجد اللاعبين يلعبون من دون نفس ويتهاونون في كل كره , لاعبين

جالسين يستعرضون مهاراتهم امام المرمى , ولاعبين انا اتوقع فيه احد قاعد يترجاه يقول له تكفى العب , لعب

باستهار لعب من دون مبالاة , لعب باحساس جماهير الزعيم الي حضرت تبي تزف الزعيم لكأس آسياء , واخر

شي ننصدم بلاعبين استهتارين لدرجه ماكنا نتوقع ان هذا الهلال الذي نعرفه .



اتمنى ان توصل لكم هذي الرساله , والله الذي لا آله الا هو اني لم اكتب هذة الكلمات الى من قلب متولع بحب

الزعيم , اتمنى من كل لاعب هلالي , ان يقدر مايفعله رئيس نادي الهلال وجماهيره , والله ايها اللاعبون نحن

نتحسر اكثر منكم في كل مباراة لاتفرحوننا بها , فأنتهم اهلاً لهذي المسؤوليه , وان شاء الله راح تبهجونا بعودة

الروح الهلالية

وأخير

انا لا اطالب بكل من دخل موضوعي ان يرد عليه , انا كتبت هذة الكلمات واتمنى ان توصل للاعبين الهلال

من حبي لهم وليحسوا ماتفعله الإدارة والجماهير .

واعذروني

انا ليس عندي أسلوب للكتابه , لكن كلمات حبيت ان تاصل للاعبين الهلال ليعرفون قدر التضحيات التي

تفعلها الإدارة والجماهير من اجلهم ليحسوا بالمسؤوليه , اقسم بالله ايها اللاعبون انا لم اكتب هذة الكلمات

لكي اجرح البعض منكم والدليل اني لم اذكر اسم اي لاعب , انا كتب هذة الكلمات لكي تدركوا المسؤوليه

التي انتم عليه , وان شاء الله انتهم اهلاً لهذة المسؤولية , وان شاء الله سوف تحققون كأس آسياء بعزمكم

وتكاتفكم مع بعض , تمنايتي لكم بكل توفيق .

والسلام عليكم ورحمه الله وبركاته[/CENTER]