السلام عليكم ورحمة الله وبركاته
هاااردلك يازعماء لكن هذا الي صاار بس لازم نووقف شوي وناظر وش الي صار لنا من بعد نهائي
ولي العهد ولاتقوولي الاعبين بحاجة وقفه بلعكس الاعبين بحاجة ضربه على رؤووسهم
مو معقول الي يصير طلبتونا وحضرنا بالنادي وبالملعب طلبتونا ننسا ونسينا طلبتونا
نحترم واحترمنا
لكن وش يفيد لانووم نمنا ولاعشا زي الناس اكلنا والهمووم اخذنا وضيقة الصدر كسبنا
ابي واحد يقنعنيبكذا شي


الفريدي وش يحس فيه وليش الاستفزاز الي يسويه للجمهور وللادارة
والبروود هذا وش سببه ماكان كذا يوم كان مع شباب الهلال بلعكس كان هو والكلثم والدوسري شايلين الفريق


بعدين ياسر مافيه ثقه بنفسه الاغصب بيسوي هدف خرافي في اسياء عشان يثبت انه
هو الاعب الاسيوي الوحيد ولا من يقنعني بغير كذا


التايب الا غصب كوبري ولا ابي احد يتفلسف ويقول التايب لعب التايب ولاكورة زي الناس وجمهور التايب الي يشجعه
لوحده ولايشجع فريق يكرمني بسكووته


رادوي زي العسل بس وش جااه محبووبي صاار يكسر كرتين صفر في سبع ايام لهالدرجه فاقد حنان الاب


الدعيع اخطاءه كانت بتجيب الثاني الاخ وش يهووجس فيه


المدرب ممتاز واخراجه للتايب جيد لكن الفادحه اخراجه لظهير واقحامه لعاهه انا اعتقد السبب في مجيئه
او اختيارها كان من لاعب سابق وادراي حالي المفروض من امس قصو البوردنق ورمو سيول المتخلف في اقرب
مستشفى للامراض العقليه

ياجماعه لحد يقنعني ويقوول اول مباراة الفريق ضاايع من بعد النهائي وبروود لاعبيه متعب

وسكووت الادارة مقلق يجب العقاب كما يجب المكافاة لبعض الاعبين
نسيتو نجران في الدوري وش سوى الامير مافيه طيارة خااصه ورجعوا زي الالف

نعم لاعبينك وللاسف مايمشو الا بالعين الحمراء وانا اقصد بس اثنين الفريدي والقحطاني
القحطاني يتميلح وبقووة امام المرمى وترا بنندم كثير

وقفه
يجب ان نبارك لفريق الاتحاد والشباب وانا ابي اوقف مع الاتحاد ومبارياته شوي
وانا اراقبهم من الدوري بصراحه لاعبينه يحرثون الملعب ولما دخل هدفهم امس ماسكتو بلعكس
هاااجمو لين التعادل ثم هاجمو الى جابو الثاني ونوور ماقصر لحاله فريق
الي ابي اقوله ليش هلالنا مايكوون زي كذا حرث الا المووت ولعب برووح التي لاتووجد لدينا
وللاسف يجب بل ويلزم ان يفهمو لاعبينا بهذا الشي وابي اقثوول شي عشان ماتقوولون لاتحط اللوم
على الاعبين

الجمهور الهلالي الذي اطلق عليه محمد بن فيصل الاعب رقم واحد
مخطئ في حضووره فحضوره وهو ساكت كما لو انه لم يحضر يجب ان نؤازر حتى الصافرة
الي يطلع بهد الدقيقه 80 هذا لايجي والي يتعذر بالزحمه يقعد في حضن امه احسن
لازم نهتف ونثبت اننا جمهور صعب صعب وانا اقترح مع ان الوقت مايكفي
با يكوون هناك برنامج من قناة الزعيم يتعليم الجمهور الهلالي كيف يكون التشجيع ولنا في الاتحاد والاهلي
اسوة حسنه وحراام لازم يكون الحل من الجميع
الادارة والاعبين والجمهور

ولكم مني جزيل الشكر

خاتمة
الحمدلله رب العالمين ولاحول ولاقوة الابالله