 | إقتباس |  | | |  |
الرسالة الأصلية كتبت بواسطة المدمر659 |  | | | | | | | | | بصراحة هذا ماضيع الفريق الهلالي فأنت وأمثالك عندما تخرج بعد كل هزيمة ومستوى هزيل وتبحث عن الأعذار للآعبين لم يكلفو أنفسهم حتى بقطرة عرق واحدة هناء يخرج الآعب علينا بكل بجاحة أمام شاشة التلفاز وكأنه أحرز كأس العالم يا أخي الآعب أذا كان في مستوى جيد وفي الفورمة سوف يحقق الفوز وهو المطلوب منه سوا كان الملعب فاضي أو مليان الآعب يلعب وهو يستلم الملايين هل تعرف ماهي الملايين في هذه الأزمة المالية العالمية ومرتبات تفوق مرتبات الوزراء والأطباء الآعب لا يأتي يلعب علشان عيوني أو عيونك وأعرض على لاعب بأن يلعي بمقدم عقد مليون ريال فقط أو أثنين ومرتب عشرة ألاف فقط وأضمن له بأن كل مباراة سوف يمتلئ الملعب وشاهد ردة الفعل هل سيوافق أم لأ وفي المقابل قل له سوف أعطيك عشرين مليون ومرتب خمسين الف من غير المكافأت بس لن أضمن لك حضور كبير من الجمهور وشاهد هل سيوافق أم لأ ياحبيبي لعيبك تعودو على الدلع يبيك بس تعطيه وتهف عن وجهه ولا تحاسبة او حتى تلمح له بأنه مقصر في الفريق وأذا جاب لك هدف ضد فريق هابط أو مباراة ودية تعال وستضيفه في حلقة خاصة وتكلم عن أنجازاتة الجبارة وحركة الكعب السحرية 0
وصدقني طالما أنك أنت وأمثالك بعد كل مباراة ستخرج علينا وتبرر لهم هذا المستوى الهابط لن يرى الزعيم النور 0000
وأنا أتفق معك في النقطة الثانية وعن مثالية شبيه الريح التي ذبحتنا ياسمو الأمير أنت وسط ذئاب أذا لم تكشر عن أنيابك أكلوك وذبحو الزعيم أرجوك ياسمو الأمير حس فينا ورد عليهم رد قاسي وأخرس أفواههم 0 وحتى الآعبين أنت وفرت لهم كل شي حتى الذي لم يحلمو فيه وفرتة لهم والحق معك ياسمو الأمير بأن تحاسبهم وهناء وأنت أبخص ياسمو الأمير أنا لا أقصد بلمحاسبة بأن أمسكه على جنب وأقوله أنتبه ترا مستواك نازل لا ياسمو الأمير أغسل أشراعه تكلم عليه أنا أعرف بأن لعيبة الهلال فيهم غرور وكبر عضيم بس أنت رئيس النادي أسحبه مع أذنه ورفع عصاك بوجهه وشاهد ماسوف يفعل في المباراة القادمة بعض الجمهور يضحك ويقول وين جالسين وأنا اقول صدقوني أذا ماشاف العين الحمراء ماراح يتأدب ولكم بلكبتن صالح النعيمة أكبر مثال يوم من الايام حضر يوسف الثنيان متأخر عن التمرين خمس دقايق لخه بكف صالح ومن بعده صار أول واحد يحضر يوسف 0 طاح صفوق التمياط وبدء يتبعرص جاء لمه صالح النعيمة وقاله قم بلأ حركات مبزرة قام وعلى طول للباب وسجل قول تدرون وين راح بعد هذا الهدف على طول لصالح النعيمة البعض يقول لو سويت كذا مع لاعبين اليوم راح وخلاك انا اقول اللي يبي يروح مع السلامة بس يرجع ليّ مقدم العقد أبو 8 و 10 مليون اللي ماراح يتعدل ويلعب زي الناس يتوكل على الله والقلب داعي له 0
أنا اذا كنت بروح للملعب وأنا واثق بأن اللآعبين سوف يتقطعون علشان الفريق أقسم بلله سوف احضر واستمتع أما اروح علشان مطرسة ودلع فلا وألف لا 0000
أما العشرين اللي تقول عنها ترانا نصرفها في اليوم خمس مرات على الفقراء عند أبواب المساجد ولله الحمد | |  | |  | |
والله زهقونا هم ومواضيعهم اللي تنتقد الجمهور وبس !
تركوا كل شيء واللي هي الأسباب الحقيقية لتدهور نتائج الهلال ومستواه وحطوا حيلهم ع الجمهور !
الجمهور الهلالي في الرياض ماقصر أبداً يوم جاء وقت الجد وحضر بكثافة في مباراتي الشباب
سبق وملأ الجمهور الهلالي استاد الملك فهد عدة مرات أمام الشباب في النهائي وخسرنا بالثلاثة !
وملأ الملعب أمام الكويت الكويتي وأمام الوحدة الإماراتي وطلع هالجمهور منقهر وزعلان
والمشكلة حتى الكوري السيء سول يبرر سوء مستواه ويقول : حضور الجمهور بكثافة يسبب ضغط ع اللاعبين !
والله ان حضر الجمهور وملأ الملعب قالوا الجمهور سبب ضغط نفسي ع اللاعبين وان ماحضروا تأثرنا بغياب الجمهور
والله بصراحة هاللاعبين لاقين لهم أعذار والمشكلة فيه ناس تبرر تقصيرهم بمثل هالأعذار الغريبة !
اللي يبغى يتكلم بصراحة يقول السبب هو عدم دفاع الهلاليين المؤثرين عن ناديهم ضد الظلم اللي يتعرضون له
الاتحاد السعودي يظلم الفريق في جدولة المباريات وفي كل شيء ومع ذلك الهلال هو المتصدر للدوري
فأعلنوا قرار من خططهم العلمية المدروسة وهو غياب اللاعبين الدوليين عن مباراة الهلال أمام الوحدة
وكل هدفهم هو عرقلة الهلال زي مانجحوا وضيعوا نقطتين على الهلال أمام الوطني بجدولتهم المريبة !
وزاد قهر هالاتحاد السعودي الصفراوي لما فاز الهلال بكأس ولي العهد فقالوا ماعاد فيه الا مدربهم بنطرده ونورطهم
وللأسف نجحوا في خطتهم العلمية المدروسة ولخبطوا الإدارة واللاعبين والجمهور وكل شيء
يعني السبب الحقيقي هو قرار الاتحاد السعودي الظالم والا كان الفريق ماشي صح
واللي بيقول غير كذا ويحط اللوم على الجمهور أو على اللاعبين وبس فهو مايبغى يقول الحقيقة يمكن خايف !
والله يسوونها هالنصراويين المتسلطين اللي طردوا مدرب الهلال ووقفوا الإعلامي المطيويع ومنعوا أغنية يحلمون
السبب الحقيقي والوحيد لتدهور مستوى الهلال والمنتخب هو الخطط العلمية المحيوسة وتسلط الصفراويين وبس !
..ومعاهم حق لا قدر الله وضيعنا آسيا مين الي ساند الزعيم ..
الوضع العادي
