|
ابو فيصل لا نريدك أن تسيء لأحد او أن تتخلى عن اخلاقياتك .. فبها نفتخر و نعتز .. و نقتدي بك .. ولكنك وعدت أن لا تسكت عن الاساءة و سترد بالمثل .. فلا تنسى وعدك ..!! و ما اكثر من يستحق الرد حاليا .. سيلتف حولك الهلالييون جميعا .. و سيتاحشاك المتربصون كافة .. ليس بحديثك الرائع المهذب ولكن حين تواجه بكبرياءك و عزتك و شموخك .. من يسعى للنيل من الهلال .. و منك لشخصك ..!! الاوضاع صعبة للغاية .. و قمة النجاح .. أستثمار تلك الصعوبات لمصلحة الفريق .. فهل نفعل ذلك ؟! :clapping::clapping::clapping::clapping::clapping: |
u[عجييييييييب ..!! الحين مالقيتو الا العذر في الجمهور ؟؟؟ مواجه والاخوان الي يتشمتون !!!!!!!!! تعتقدون هذا وقت مثل هالموضوع ؟؟ وش يبي يفيدنا فيه ؟؟ ثاني شي هذا ردكم في اول مباراه ؟؟ هذا هو الاخلاص وحب الزعيم تتهمون الزعيم في جمهوره؟؟؟ ضنكم بكلامكم هذا تبي تحفزونهم يحضرون ؟؟ ضنكم الي تابعو المباراه وجو وتعبو ويقرون كلامكم وش يقولون ؟؟ والي ماراح مافيه تقدير لضروفه ولا كل واحد يجيب له عذر ؟؟ ياخي ارفعو المعنويات ونتم تحطمون ليه ؟؟ لا اله الا الله اجل بكره اذا لعبنا برى ولاسمح الله صار شي وش تبي تسوون .. بعدين انتم ماتقدرون شي اسمه ظروووووف ؟؟ ماتشوفون مشاكل الهلال الي تصير له اخر شي قطيتوها بحلق الجمهور ؟؟ اشهدو اني احب الهلال لو ماياخذ لا اسيويه ولا شي واتوقع ان نادينا الحين من حقه علينا بها التوقيت بالذات الدعم و الوقوف معه ولو تعادل ماهي نهاية الدنيا .. انتم ماتحسون بالي يشتغلون على الهلال ماتقدرون ظروف الاعيبه وطول هالموسم مراكض من بطوله لبطوله ومنتخبات؟؟ خلاص مافيه تقدير .. نسيتو تأثير المدرب ولا وش ضنتكم ماهم بشر ؟؟ سنتين وهم معه حفظهم وحفظوه ؟؟ مالهم مشاعر ويتأثرون.. قسم ان راسي يفتر ونا اشوف ردودكم وهذي اول مباراه بالله هذا رد والي يقول جمهور النصر وجمهور الاتحاد افضل منا؟؟ انتم كيف تشجعون ؟؟ انتم تقارنون ناديكم بالفلاني والعلاني ؟؟ أنتم تدرون ان منتداكم يتابعه الاف الزوار يومياً حنا ناقصين وربي من قهري كتبت .. قسم احس به الي يقول حضرنا وحضرنا من قهره وده يثبت لكم انه حضر علشان ماحد يتهمه ولا يزاود علا هلاليته .. احبك يا هلال في كل الاحوال والله يشهد.. وقفلو الموضوع مو وقته ابد ابد ابد.. اسسسسسسسسسسف على الاطاله ملاحظه قبل انسى : تقول ابو فيصل سو وسو ؟؟ وش تبونه يسوي ينزل بعقاله ولا وش يسوي ؟؟ الانديه ماتدار بحنا نسوي ولا الفلاني لايتكلم ولا عقلو فلان الرجال شغال في صمت ولاتنسون وش قال لنا حااااااااااااااااااااااااااااااااااااسبوني نهاية الموسم !!!! ياسرع ماننسى بعد كل الي سواااااااه بدينا نقول سو وسو ؟؟؟؟؟ يااااااااانااااااااااس هلالنا محتاجنا ولا التشجيع كذا ولاحد يعتبر كلامي لاحد انا مثلكم وكلنا عود في حزمه وادري انكم هلالييين ويمكن اكثرر مني بس وربي مو وقته . |
المشكلة ان حضور جمهور الهلال خارج الرياض ما يستفيد منه النادي مادياً بل معنوياً فقط ، لأن الدخل يعود للأندية المستضيفة ! أما في مباريات الرياض على ملعب الهلال حيث يكون العائد المادي للنادي والشركة الراعية ، لا يتواجد اجمهور بكثافة !!! |
السلام عليكم ورحمة الله شكراً أخوي موجه على الموضوع الرائع وفعلاً جمهور الرياض جمهور المجان والمشكلة أن البعض يقول ما عنده عشرين ريال وتلقاه راح لمقهى وصرف فوق 40 ريال . تمنياتي للهلال بالتوفيق تقبلوا تحياتي |
والله العظيم أنكم ناس فاضية وأنا أقصد الي يقولون جمهور الرياض جمهور المجان :(... أقولكم وش سويت يالي تتكلمون وأنتم متسدحين في بيوتكم ,, حضرت يوم الثلاثاء في عز الغبار وأنا معي ربو وهاج صدري وجلست ساعتين بعدها طلعونا من الملعب ,, طلعت دايركت على المستشفى آخذ أكسجين لإنسداد الشعب الهوائية .. << لكن طبقت قول واحد الله يعطيه العافية : (((بلا عج بلا غبار دام هلالي لا تحتار ))) -------------------------- جاء يوم الأربعاء وراحوا ربعي فحطت أبي أخاويهم قالوا أنت مريض والزم ماعليك صحتك ... ما فيه روحة .. طقيت قسم أني أحضر ولو كلفني بعدها يومين بالمستشفى ... دقيت سلف وعلى الملعب مع العلم أنه من بيتنا ساعة كاملة << وتعتبر قليلة صراحة :)... وصلت الساعة 3 العصر والأبواب مسكرة ,, أنتظرت لين دخلت .. وشجعت وتقطع صوتي وحاولت بكل الطرق لين آخر دقيقة :(.. للأسف طلعونا خائيبين ولا قدروا حظورنا وتعبنا .. --------------------- الأخوان الي يقول جمهور الرياض مجان ومدري وشوا ..!!! أنتم أكبر ملعب عندكم ما يشيل 20 الف ونصه لكم يعني أخذتوا 10 الاف ومستانسين تتوقعون أنكم سويتوا شئ يستاهل :(.. حظور أمس والي أنتم مستحقرينه كان 40 الف مشجع .. يعني نوزعهم على ملاعب جدة والشرقية وبريدة ويكفون وزود :).... هنا طفشنا من اللعب الغبي ما عاد نبي دوري بالعافية خل الإتحاد يآخذه نبي أسيوية طفشنا محلي نبي أسيووووووية ... نبي يطلع زعيم آسيا زي الي قبل 10 سنين على أيام يوسف وسامي والتمياط << يا لبى قلوبهم ... نحضر واللاعبين ما يقروونا أبد أبد آثنين الي يخلينا نحضر ويحمسنا ,, محمد الدعيع ,, طارق التائب الباقين يدخل ونحييهم وهم مآكسين علينا :(.. شلون ياسر يقول ما فيه جمهور << ياخي حرام عليك هنا زينة ولا شنو .؟؟؟ وقبل كم مباراة يقول الي في المدرج يتفرج يعني ماله حق ينتقد :(.... قسم بالله ما فيه مباراة للهلال من بداية الموسم في الرياض إلأا وحضرتها وبعد ذا كله تجي بنت جالس في بيت أبوها تقول أنتم موب هلاليين ولا شئ ,, تكفون لا تقهروني قدرونا أننا تركنا ورانا مشاغل ووظائف عشان هلالنا ... والي يقول جمهور متفرج ..!!!! ويقول شف جمهور الإتحاد وشلون يحرك الفريق ... عطنا رابطة زي الناس وجب قائد صح وماكروفونات تستاهل قسم بالله نقلبها في الملعب أمواج ما تسمع شئ ,, رابطتنا سئية جدا جدا جدا ووالله العظيم أنها سببت إزعاج للاعبين قبل ما تزعجنا .... ياخي جب طبول صح وجب ماكروفانات صح وجب قائد صح وأهازيج معروفة قسم بالله نهز الملعب هز ,, يجيك واحد يقول ,,, يا هلالي ياحبيب الكون << طيب وبعدين وش نسوي لك .. نبي نشارك معك عطنا حماس نعطيك أكبر .. والي يقول جمهور النصر أكثر فشلتونا في الديربي الي فات ,, أقولك خلك بالمقهى أصرف لك الكاميرات تطلع لكم أشياء وتخفي أشياء ,, في الديربي الأخير الجهة الهلالية كانت فللللل الواجهة تبعنا فلللل والجهة المخصصة لنا الجنوبية نحتاج يمكن 5 الاف ونفلل أم الملعب ,, لكن النصر يالله يالله الواجهة جهتهم الشمالية بببببببح ... لا تقهروني ترى قسم بالله أفكر أني أشجع الفيصلي على الأقل آكل درجتنا أكل هههههههههههههههههه يالله معوضين خير يا زعماء والي بيجي مطفي النور ويقول جمهور مجان ترا بأزعل عليه خخخخخخخ دمتم بزعااااامة ^___% |
إقتباس:
الحين مصروف الواحد من الشباب اذا كان يدرس مايقل عن 100 ريال تقريبا اسبوعين وثاني شي هي كلها 20 ريال ماهي 50 ولا 100 20 كانك مشتري احد هالوجبات السريعه والجمهوور خذل الهلال بصراحه |
كلام عين العقل وان شاء الله يعي الجمهور |
للاسف جمهور الرياض اكثرهـ جمهور المجان |
ختاما لنحمي الهلال بالهلال .. لندعم الهلال جميعا و حينها فقط سيحقق ما نأمله .. لنتعامل بذكاء مع الاحداث المحيطة و نحتاج لذلك اكثر من اي وقت .. !!الهلال حينما لا يكون الهلال .. يتألق الاخرون .. وحين نعود لهلالنا .. سيختفي الاخرون .. من جديد وصلت الرسالة ؟! |
الحمدلله الحين حاطينها على الجمهور وش دخل الجمهور ؟؟ والله شعب عاطفي من جد |
لكنها شي عند الاكثر والاغلب</B> لكن نتمنى ان تكون فيه حصه من التذاكر لمن لا يستطيع الدفع والكل في هذا الكيان يريد ان يدعم نادي الهلال عواافي على الطرح اللهم صلي على سيدنا محمد وعلى اله وصحبه اجمعين صمت999 |
كل اللي يحتجون على كلامك أخوي ياصاحب الموضوع ويقولون "ألحين حطيتوها على الجمهور " هم الفئة اللي نقصدها اللي ماتحضر ؟؟ وأحب أقول لهم حنا نناقش قضية مالها أي دخل بمستوى الفريق أمس ولا نتيجة المباراة بعيدة كل البعد عن التحليل الفني ،، حنا نناقش قضية غياب الجماهير في مباراة مهمة زي هالمباراة . |
إقتباس:
|
إقتباس:
[FONT="Comic Sans MS"] اها .. ماشاء الله عليك عندك كاشف على صدور الناس واحوالها .. ياخي تبي تسانده قل كلامك صحيح بس مو تحط كل العالم في ذمتك وتقول هي نفس الفئه الي تتكلم عنها .. سبحان الله بسFONT] |
إقتباس:
كل ماانهزم الفريق والا ضيع بطولة حطوا السبب على الجمهور ! والله ان أغلب الجمهور الهلالي مقهور وحاس بالذل من اللي يحصل لفريقه من ظلم ولو يحضرالجمهور وهو بهالحالة أتوقع بتصير مشاكل مع رجال الأمن اللي يهينون الجماهير الهلالية بالذات فريقنا بقرارات ظالمة متسلطة يطرد مدربه بدون مبرر مقنع وفي وقت هام وحساس جدا ! ومع ذلك ماشفنا أي مسؤول هلالي مؤثر لا من الإدارة ولا من كبار أعضاء الشرف يعترض على هالقرار وشلون يحضر الجمهور وهو يحس بأن ناديه ضعيف وينهان من هالاتحاد السعودي ومافيه أحد يدافع عنه! ياخوي نحضر في الملعب ونهز الملعب إذا حسينا ان نادينا يعامل باحترام ومو سهل ظلمه أو إهانته من الحاقدين لكن اللي يحصل والله شيء يقهر ولو حضر الجمهور في الملعب راح تحصل مشاكل وكله من القهر أول مرة أشوف نادي يظلم في كل شيء جدولة المباريات وإيقافات للاعبيه ويطرد مدربه ومافيه أحد يدافع عنه بالعكس نشوف الهلاليين ياساكتين وكأنهم ضعفاء مابيدهم حيلة أو يطالبون باحترام هالقرارات الظالمة لا مناب محترمين هالقرارات الظالمة اللي تهين نادينا وتظلمه ولو حضرنا في الملعب راح نسب الاتحاد السعودي والله العظيم انهم دمروا الهلال بقرارهم الجائر الصفراوي بعد ماكان الفريق ماشي صح باختصار لاأحد يلوم الجمهور الهلالي اللي مابيده شيء لأن اللي بيدهم الاعتراض وتصحيح الأوضاع ساكتين ! والله قهر ماعاد فيه أحد يدافع عن النادي ضد الظلم الا كوزمين وانتقموا منه وطردوه وحتى ياسر من القهر السنة اللي راحت قال وبصراحة ( الهلال لعب ضد الاتحاد وضد أطراف أخرى ) والله ماألوم كوزمين وياسر يوم صرحوا من القهر وهالظلم اللي شافوه وماأحد يدافع عن الفريق حتى لاعبين الهلال خلاص صاروا محطمين يحسون بأن فريقهم انهان وانهم محاربين والكل ساكت ! |
| الوقت المعتمد في المنتدى بتوقيت جرينتش +3.
الوقت الان » 04:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd