|
خلو اسيا لـ اهلها وخلونا في المحلي اطلق لنا ولسمعت فريقنا # وينك يالثنيان وينك يالنعيمة وينك ياسامي وينك يالتيماوي وينكم وينكم تشوفون وينكم يازمن اول السلام عليكم طبعا كنت احد الحاضرين للمبارة دخلت الساعه 4 وشوي طبعا الجمهور كان قليل في البدايه , جلست عند الرابطه وكنت متفائل بالفوز , المهم امتلئت الواجه تقريبا بعد بداية المبارة بربع ساعه:clapping: باللهي يالاعبين الهلال هذا مستوى باللهي يامرشدي هذا دفاع , ولا يافريدي هاذا لعب , ولا ياياسر هذاي فرص تضيع اقسم بالله العظيم جتني غبنه غير طبيعيه شجعنا ياسر وحبيناه ووصلنا اسمه للعالم وهاذي اخرتها ياياسر (رد الجراح اجراح يالقاسي يالجراح) والله ياياسر عيوبك كثرت وتصاريحك خربت ولعبك زفت صلح لعبك ولا الاحتياااط مكانك الجاي الفريدي مستوى زفت لعب بارد لكن على الاقل الفريدي عمره 21 يعني صغير يعني لاعب صغير كثيرا يفقد مستواااه ولاعنده خبره يمكن نعذره , والخطا من المدرب يشركه اساسي المرشدي سؤال وشذا البرود بغيت من خطا واحد تفوز الفريق الايراني يااخي حسن لعبك والا المفرج يلعب بااخلاص لاعبين الهلال والله ثم والله اسيا صعبه صعبه صعبه صعبه صعبه عليكم يامستهترين هذا مستوى , حسافة كلامنا وتحمسنا نحن الجماهير الي يقول قادمون يااسيا والي يقول اسيا هلاليه اقولهم احلموا على قدكم ممكن نفوز ونتاهل لكن اذا قابلت اندية يابانيه وكوريه والله بتصير النتيجة فشيله على هذا المستوى ياسر تعلم من الثنيان كيف يحي الجماهير ويلعب بروح الفريق والجمهور تعلم من سامي تعلم من التيماوي , انا اقولها لك ياياسر لانك انت املنا الى ننتظره بس شكلنا اخطنا او استعجلنا او حلمنا بك , انا احضر وصوتي يرووح واتقطع واخرتها كذا والله اسمحولي ان كان فيه لاعبين استانست اني حضرت لهم امس فهم هوساوي والزوري و التايب فقط وان كان فيه لاعبين تحسفت اني حضرت مبارة امس فهم ياسر والفريدي وسول\ يااسيا يااسيا وش ناقص هلالنا والله العظيم مدري وش ناقصه والله تحسرت حسره واسمحولي مباريات اسيا لان احضر اي لقاء الا ااذا تاهل الهلال وسوف احضر في الدوري ان شاء الله لان الهلال زعيم في المحلي وفريق عادي جدا في اسيا المهم لاحد يقول انت مندس انا كتبت الموضوع من اعماق قلبي من الحسره والحرمان اجل على ارضك وبين جماهيرك ماتقدر تفوز على الكويت الكويتي والوحدة الاماراتي وسبا الايراني اقسم بالله قهررررررررررررررررررررررررررررررررررررررررر انا اقول لو ينسحب الهلال ولا يشووف له صرفه ازين له ولسمعته شكــراً يآ أعز نادي ع [ الصد ] و [ الهجرآن ]..! و [ البـ ع ـد ] و [ الـ ح ـرمآنـ ] شكراً ع أحزآني ..!~ شكراً ع اليـ فـ//ـآت مـ ع ـآكـ منـ ح ـسرآت .. وانتـ الذيـ بالذآت حطمتـ ~ وجدآنيـ ~ اتمنى التشكيله القادمة تكون الدعيع الزوري المفرج هوساوي البيشي عزيز رادوي الشلهوب التايب ويلي العنبر اتمنى قدومك ياعيسى بااسرع وقت واتمنى رجوعك يالكلثم باااقرب وقت شكرا |
الحين ياسر يقول كيف نفوز والجمهور زي كذا طيب مبارة الهلال والكويت والوحده حضرنا سويتو شي ما نقول الا وينك يالثنيان وسامي |
إقتباس:
|
باختصار اشبــــــــــاه لاعبين الاداره ما قصرت 120 الف لكل لاعب بعد البطوله لكن للأسف ما عندك احد |
باللهي يالاعبين الهلال هذا مستوى من جد باللهى ؟ |
حسبي الله من كان خلف ابعاد السير كوزمين اقسم بالله من يوم راح كوزمين والفريق متدهور مستواه ومع احترامي للجميع اللي يقولون ان الهلال من يصنع المدربين كوزمين لن يتكرر في ملاعبنا كوزمين اتيت في زمن حمقى ودهبت بقرار احمق |
آه يالقهــــــر ....يـــاسر والله بارد قهــــــرني...... اللي يبغى يحي جمهور الزعيم ياياسر يحيهم بحماسه وأهدافه وعطائه داخل الملعــــــب.... |
انا معك اخوي ان ياسر واغلب اللاعبين ماكانوا في مستواهم لكن هذي البداية ولازم نعرف انا مرينا بظروف صعبة ممكن اثرت قليلا وما احد ينكر لازم نقف مع نجومنا في هذه المرحلة والبكي عالاطلال وآآه باسامي آآه ياثنيان ما تنفع الان ارجووو من جميع الاعضاء الوقوف مع الفريق وليس ضده وشكرا اخي العزيز |
اه يالثنيان وياسامي بس>>>>>>>>>>> |
وعليكم السلام هلا فيك أخوي الكل حزين على النتيجه أكيد ، ولازم ندعم الفريق الحالي وإن كانت سلبياته الفنية مستمرة أو إنخفاض مستوى بعض اللعيبه في النزول !! ومع إحترامي لشخصك كل النجوم السابقين اللي ذكرتهم مبدعين ولهم تاريخ وعصر حافل فما الفائده من تعقيد الأمور على اللعيبه وإحباطهم أكثر ماهم عليه بتذكيرهم في كل هفوه بالنجوم القدامى !!!!؟؟؟؟ في نظري دائماً الإفتتاحية لها مفعولها على الفريق وبمشيئه الرحمن سيتأهل الزعيم للأدوار النهائيه والحصول على الكأس الغاليه ، حتى وإن أنتقدنا الفريق فلابد من إنتقاء الكلمات المناسبة التي لاتجرح اللاعبين والإدارة الجميلة كفيلة بتهيأت اللاعبين وإعدادهم النفسي المناسب للمباريات المقبله الكل زعلان صح .. بس ماينفعنا الآن هو الألتفات حول اللعيبه وطمأنتهم أن خلفهم جمهور راقي ومساند لهم :yes: |
السلام عليكم ورحمة الله اخي روح الهلال أشكرك جزيل الشكر على الحضور والمساندة والمؤازرة ولكن تأكد اخي الكريم بأن المؤازرة لاتقتصر على الحضور في الملعب فقط بل يجب مواصلة المؤازرة حتى خارج الملعب0فالنقد القاسي بلا شك سيحبط اللاعبين ويحد من عزيمتهم ومقارنتهم بلاعبين آخرين فيه من الانتقاص من قيمتهم وهذا بلا شك أمر محبط0 نعم أخي أوافقك الرأي بأن هذا ليس مستوى الهلا وان فيه انخفاض كبير في الآداء ولكن يجب معالجته بحكمة ورويه وشحذ همم لا بإحباط وتحطيم 0 أخي العزيز ياسر ورفاقه ياما أسعدونا وألهبوا أكفنا تصفيقا ونشوة وهم قادرون بإذن الله على مواصلة الإبداع وزرع البسمة على شفاهنا مرة أخرى بإذن الحي القيوم ختاما أخي تقبل خالص تحياتي |
اقدر لك حبك للزعيم مثل كل الزعماء وقهرك من مستوى الفريق وكنت اتمنى عدم القسوة على اللاعبيين وخصوصاً ببعض العبارات اللي كتبتها بالنسبة لياسر والله ما ألومه على هالمستوى صحيح اني سبيته هو الفريدي واتمنى يسامحوني بس فكرت فيها ياناس ياسر له ثلاث مواسم تقريبا وهو ماوقف لعب ويا ما فرحنا وبدأ هالموسم بعمليتين وبعد كذا اصابات وكلها بسبب الارهاق كلنا نعرف ياسر وتحركاته بدون كورة مع الاسف من مباراة النهائي وياسر على حاله ماهو مركز وثقيل الحركة وفوق هذا كله وحيد في المقدمة لوكنت مدرب اما ان العب بمهاجم ثاني يساعد ياسر أو ان يكون ياسر احتياط لتخفيف الارهاق عنه بأذن الله نجوم الزعيم راح يضاعفون المجهود يوم الثلاثاء ونحتفل بالفوز بحول الله تحياتي لك اخوي وتقبل مروري |
. . وش تحسون فيه أنتوا الهلال كان مستواه حلو بس انقصه التوفيق و الاعبين قادرين على آسيا وجايبنها إن شالله رغم كل الظروف |
انتم كأنكم خلاص فقدتم البطوله لسع ترى بأول المشوار والزعيم يمرض ولا يموت خلونا عقلانيين مو من المعقول ان الفريق يكون بمستواة طول الموسم والاتحاد فقد بطولتين وقدام النصر لو كان الهلال وش كنتم سويتوا مع ذلك شوفوا كيف حظور الاتحاد امس وحنا لك الله يا دوب الواجهه وانا اشك انك مندس راجاءااا بتطرح مثل هالمواضيع لا تدخل المنتدى والزعيم قادم وسنرى |
للاسف نحن جمهور عاطفيووووووووون جداا جدااا اذا فاز الفريق طيرناه في السما واذا انهزم دمرااه ونزلناه سابع ارض الا الان ماعرفت جمهور الزعيم وش يبي بالظبط؟؟؟ الفرق امس سوى اللي عليه ولم يكن سيئ ابدا الا اذا انتم شاهدتم غير المباراه اللي ماشفتها انا هذا شي ثاني كل مافي الموضوع ان الفريق لم يوفق في ترجمت الفرص الى اهداف والكل شاهد هذا وهدف الفريق اليراني اتى من غفلة الدفاع ويجب ان نركز على هذا الجانب بالنسبه للدفاع اما الهجوم فيجب عليه التركيز في المباريات القادمه لتسجيل الاهداف. في الختاام يجب علينا كجمهور ان نعترف ان المباريات فيها فوز وتعادل وخساره ومثل ناتتقبل الفوز يجب ان نتقبل الخساره فالفريق الان محتااج وقفة الكل من جمهوور واداره ولاعبين وان نبتعد عن التجريح وتحميل اللاعبين فوق مايتحملون وارجو من الكل ان لاينجرف وراء لعاطفه وان لايكون معاهم معاهم عليهم عليهم. والسلام ختااام |
| الوقت المعتمد في المنتدى بتوقيت جرينتش +3.
الوقت الان » 04:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd