ياشبيه الريح هل تظن الفوز على بختاكور على ارضه بهذا المدرب الذي لم يستطع الفوز عى ارضه + ياسر ما كنت كذا +سول طفح الكيل طفح الكيل طفح الكيل
 

بســم الله الرحمن الرحيم
اخواني اخواتي اعضاء شبكة الزعيم

السلام عليكم ورحمة الله وبركاته
رسالة الى رئيسنا الموقر شبيه الريح.
في مباراة البارحة رأيت العجب وهو السيطرة الهلالية والتراجع الدفاعي للفريق الايراني ومن حقهم ان يغلقو الابواب لانه الزعيم .
لكن الهلال كان محتاج لصناع اللعب اكثر من المهاجمين لكي تلعب على الاطراف اكثر وهذا كان نقطة ضعف في الفريق الايراني ويأتي المدرب ماشاء الله عليه يطلع الفريدي بعد مانهض وقام من النوم الي في الشوط الأول وحرك الفريق وتوقعت ان الهلال بيسجل هدف ثاني والي يصنع الهدف هو الفريدي وتفاجأت انه يطلع الفريدي تبديل اقرب مايطلق عليه انه تبديل غبي ومثل هذي المباراة اللعب على الاطراف والاختراقات ويأتي ويلي يحاول يتفنن بالكرة اكثر كأنه رونالدو ولا ميسي انت تعرف امكانياتك بصناعة الاعب اكثر حاول تعكس ولا رجعها اهم شي ماتنقطع وويلي اكثر لاعب لديه اخطاء فالمدرب كان متخبط في كل قراءاته فويلي امس كان يجب ان يبدله بالشلهوب .
فيجب على شبيه الريح وادارته البحث على المدرب المناسب واقرب واحد هو بلاتشي لانه وبكل تأكيد متابع للهلال او هو اكثر واحد يعرف الهلال والكرة السعودية ويعرف طريقة لعبها لان ابطال اسيا مهرها غالي فهي ليست ولي العهد ولا كأس فيصل فمجموعتنا صعبة جداً اذا ما اردت التأهل للدور الثاني .

ياسر القحطاني ماعمري شفت مهاجم لعب للهلال بنفس هذا التخاذل والله اني تمنيت العنبر موجود ولا الصويلح لاعب من اول المباراة ماتحرك ولا مرة موقف طول المباراة تجيه كور على رجله وعلى راسه يفرط فيها بسهولة فياسر كبير لكن ايش الي حصل لياسر خايف على رجله اكثر من انه يلعب للبطولات والانتصارات اذا كنت خايف من الاصابة فلا تنسى انك ستصاب مع المنتخب وستصاب في المستقبل لانه حال لاعب كرة القدم لاكن قدم ماعندك واسعد جمهورك حسس الجمهور انك تبي تلعب عشان البطولة صدقوني الفريق الايراني مو في مستوى الهلال والفوز عليه في ارضة سهل لاكن يجب وجود مدرب عملاق قادر على قرائة المباراة .

سول تبديل منطقي لكن بعد الهجمه الاخيرة عرفت انه لاعب في الدوري الانجليزي بدراهمه ومخلينه احتياط لانه نكبة في اي فريق بكل صراحة سول يخصم من راتبه لانه لم يقدم للفريق اي شيء يذكر ومكانه في دكة الاحتياط في الفريق الرديف لان الكرة الاخير ة الي ضيعها لو اي لاعب اخر بيسجلها لكن مقلب وشربناه وان شاء الله نطلعه من الفريق .
اسف على الاطالة لكن الفريق محتاج للمزيد للتأهل
بالتوفيق للزعيم الاسيوي

اذا خسرنا من باختكور انسو االاسيويه لاننا حتى لو تاهلنا بنتاهل المركز الثاني

مبارات امس فلم كوميدي بطولة احمد الصويح وسيول وأخراج الفريدي والتايب



لازم مدرب لازم مدرب كاتلين امس خرب الشغله كلها

المفروض يا خوي يجيبون مدرب جديد كتالين مدرب (((مساعد ))) ماينفع وأنتم تشوفون معه الجوال شكله يكلم كوزمين يقول وش أسوي
وسيول ((الطول طول نخله والعقل عقل صخله )))

بالعكس .. في الوقت الراهن .. وخاصة مباراة .. باختاكور ..

أنا أرى ان كتالين .. هو الأنسب ..

ولو .. حقق سووول .. أو الصويلح .. وحالف الهلال الحظ ..
كان قلنا كتالين هو الأنسب .. والعكس تمام .. يوم ما حالفنا الحظ .. حطيتوا كتالين .. متخبط بأرائه ..
أن أرى أن كتالين .. قراء المباراة أمس صح .. بس الحظ خذلنا ..

والله ان العنبر أزين بواااااجد

ياخي يكفيك ان العنبر يعرف من يلعبله

غريب أمر الإدارة الهلالية

ياخي انا مدري ليه مايجيبون مدرب جديد قوي وذكي

ويعطونه كم شريط لأقوى مبارايات الهلال يتكي عليها يومين ويركز فيها ...زياده على مشاهدة اداء اللاعبين في التمارين وخلاص..

في فرق حققت نجاحات مع مدربين ماصار لهم اسبوع مع الفريق



و بعدين انت تنافس في بطولة قوية على مستوى آسيا

يعني أفضل الفرق في آسيا

مباريات قوية فيها ذهاب و اياب و سفر و رجوع و سفر لدولة ثانية

و توقيت المباريات يتغير

و الطقس مختلف من دولة لثانية

و المباريات تقام كل أسبوع

كيف هذه الظروف كلها بتتجاوزها بدون مدرب

مجرد مساعد مدرب

اسمه مساعد مدرب يعني مو مثل المدرب

اتمنى احضار كادر تدريبي متكامل يكون أفضل


و اتمنى يكون من رومانيا

أو ايطاليا لأن الطليان تكتيهم مثل كوزمين تكتيك دفاعي

حتى لو فاز الهلال



بالله هذا مستوى


لا و المباراة على ارضك بعد

أجل ايش بتسوي خارج ارضك

في فرق ما ترحمك في أرضهم مو مثلنا نحن نتعادل

مباراه في الرياض وبين الجمهور وقدام فريق اقل مستوى من مستوى هلالنا نتعادل معه اجل شلون لو بأرضهم...
وربي تعادل اقوى من الخساره لان مو هذا اللي توقعناه ولا اللي تمنيناه ...
و اكبر غلطه غلطها المدرب لما طلع طاااااارق يعني الغبي اللي مايفهم اخر شي يفكر فيه انه يطلع طاارق ..
بس وش نقول مدام مافي مدرب مافي اسيويه.. وليتهم يجيبون مدرب يفهم مو مدرب يقول لا اعد الجماهير الهلاليه بالاسيويه..

وانشالله قدام باختكور يرجع ياسر لمستواه اللي نعرفه..

قعقعات - الاصبع الذهبي - عشيق سامي - هلالي فرحتي - kaka22- الزعيمة الهلالية
مروركم اسعدني وحياكم الله
الادارة الهلالية اذا لم تتدارك الموقف فسيذهب مجهوداتها سدى نحن نعلم ان سرطان الكرة كان ينتظر حركة من الهلاليين لكي يسقطهم حسبي الله عليه وعلى ابن اخوه لكن الهلال محتاج لمدرب خبييييييير يعلم كيف يوظف الفريق وقادر على توجيه الاعبين
فمثلاً ويلي نزل مستواه بعد ذهاب كوزمين لان كوزمين كان يوجه الاعبين داخل الملعب وصوته العالي اكبر دليل رادوي نزل مستواه حتى اصبح لا يدري اين يتمركز
فاالمدرب الخبير اهم نقطة اذا اردت ان تتأهل للدور الثاني
ولاننسى ان ياسر القحطاني يحتاج الى دكة الاحتياط لكي يعلم انه في نادي الهلال لان الغرور اصابة وغطى عليه ومن المفروض ان يعلم ان الجمهور يحترق في المدرجات وخلف الشاشات وهو بارد ينتظر الكرة تجيه ويتركها تمر من امامه
والله ان افضل حل للهلال ان يستغني عن سول في فترة الانتقالات وجلب مهاجم افريقي خبرة ولاعب هداف وسريع هذا مايحتاجه الهلال اما ياسر فكأنه مصور بكل صراحة وهذا الكلام كنت اقوله من مبارايات الدوري انه لاعب ينتظر الكرة ولا يحارب ويقاتل عليها
بالتوفيق للزعيم الاسوي

المفروض يا خوي يجيبون مدرب جديد كتالين مدرب (((مساعد ))) ماينفع وأنتم تشوفون معه الجوال شكله يكلم كوزمين يقول وش أسوي
وسيول ((الطول طول نخله والعقل عقل صخله )))