اي والله نبي مدررررب مايصيير ابدن نعيش على نهج كتالين ..كتالين صح انه مساعد مدرب لاكـن مايصلح انه يقودنا للآسيويه ابددددن ..

وسآمي الله يهديه يقول انه باقي حتى نهاية الموسم .. ويآقلب لاتحززن ..

مشكوور ع الموضوع يآلغآلي والله يصبرّنآآ بس ويوفق الهلآل وين مآرآح ..

والله ياشباب انا اختلف معكم مررررة

أداء الفريق مع كاتالين نفس اللي كان مع كوزمين

لكن المشكلة نفسيه اللاعبيين ماهم بخير .. صحيح ان كتالين يخربها بالتغييرات يعني زي ماقلت اخوي مايقرأ المباراة صح

صدقوني لو جاب سيول الفرصة الاخيرة .. متأكد ان المواضيع كلها مدح لكاتالين وراح ننسى سلبياته

المهم ان الفريق كلها كان سئ مافيه غير اسامة ... تحياتي وتقبل مروري

رااح زمااااااان كوزمين والله قااهر وان شاء الله يجي مدرب كووووويس

شكرا لك أخوي على هالموضوع

وكلامك صحيح واضح الفريق يلعب بدون تكتيك وبدون تنظيم ولاتركيز ( لعب عشوائي )

حتى سامي في تصريحه بالرغم من تحميله للاعبين المسؤولية الا انه قال اللاعبين ماعندهم تركيز

وأضاف ان اللاعبين ماالتزموا بالتكتيك ولا بنسبة عشرين في المية وكانوا مو مركزين أبداً

ومع احترامي لكلام سامي اللي أوافقه في ان الفريق كان يلعب بدون تكتيك وبدون تنظيم ولاتركيز

لكن ياليت أبوعبدالله يعلمنا وش هالتكتيك اللي عطاهم كاتالين الداهية واللاعبين ماطبقوه ؟ !!

حتى ياسر صرح وانتقد المدرب بشكل غير مباشر وقال : الجمهور هو المدرب اللي بيقودنا للانتصارات

وقال بعد: الفريق كانت خطوطه متباعدة ووووو وواضح انه ينصح الإدارة بالتعاقد مع مدرب فاهم

مو مساعد مدرب إذا استمر بيضيع الفريق وهذا كلام من لاعب كبير شايف ان المهمة أكبر من إمكانات كاتالين !

حالياً صعب جداً التعاقد مع مدرب لأنه بيجي وبينحاس بين الدوري وانت وصيف
وبين اللآسيويه وانت مستواك لك عليه

بوجهة نظري عبداللطيف الحسيني افضل من غيره ع الأقل إلين نهاية الموسم وبعدين يجيبون مدرب
عشان مع بداية الموسم يمديه يعرف الاعبين ويرتب اموره

إقتباس الرسالة الأصلية كتبت بواسطة Ң alzaeem Ң حالياً صعب جداً التعاقد مع مدرب لأنه بيجي وبينحاس بين الدوري وانت وصيف وبين اللآسيويه وانت مستواك لك عليه بوجهة نظري عبداللطيف الحسيني افضل من غيره ع الأقل إلين نهاية الموسم وبعدين يجيبون مدرب عشان مع بداية الموسم يمديه يعرف الاعبين ويرتب اموره

ياخوي وانت الحين شايف ان الفريق مو منحاس وضايع !!

واضح كل اللاعبين غير مقتنعين بالمدرب ويلعبون بحماس لكن مافيه خطة يطبقونها

شوفوا أفضل لاعبي الهلال هالسنة ويلهامسون بعد ماكان نجم في كل مباراة صار سيء في آخر مباراتين

والسبب معروف وواضح انه مافيه واجبات وخطة متدرب عليها مع زملاءه يطبقونها في المباريات

نشوفه بس يستلم الكورة ويتقدم فيها ومافيه أي زميل له يقرب عليه أو يحاول يساعده

وبهالطريقة صاريفشل في مراوغاته وتقطع الكرة منه بسهولة لأنه يحس انه يلعب لوحده بدون مساعدة زملاءه

والله واضح ان الفريق يلعب بدون تنظيم وجمل خططية يتدربون عليها في التمارين

وإذا ماتداركت الإدارة الهلالية الأوضاع بسرعة وجابت للفريق مدرب كبير وقوي الشخصية بتضيع كل البطولات

واللي يدافعون عن كاتالين اللي حمل مسؤولية أكبر من إمكاناته راح يكتشفون خطأ رأيهم بس بعد فوات الأوان !

ما نقول الا حسبنا الله ونعم الوكيل فيمن طرد مدربنا