|
إما غناة الذيب والا فقرهـ ، جاك عيسى يا ياسر بسم الله الرحمن الرحيم أسعد الله صباحكم / مسائكم بكل خير شاهدنا في الأمس المستوى الهزيل الذي خرج به زعيم آسيا في أول لقائته الآسيويه بتعادل أشبه بالخسارة . الأسباب كثيرة جداً ومن أهمها عدم مبالاة بعض اللاعبين ، أو ربما تعاليهم على الفريق وكأن الواحد يشوف نفسه رونالدو على عزهـ والا زيدان هناك لاعبين مستواهم بدأ يتراجع وبشكل رهيب ، والمشكله انهم فوق النقد فالكابتن ياسر القحطاني ، لا يبذل أي مجهود في المباراة ، لا يركض في الملعب لا يحترق كاللاعبين الآخرين الباحثين عن الفرصة ، لا يساعد زملائه في الضغط على المدافعين << أمس كنت حاضر في الملعب وكانت الكرة مع أحمد الفريدي على الطرف ، رفع راسه يبي يناولها لأي لاعب أمامه ، وانا قاعد اشوف ياسر واقول بنفسي افتح له وفجأة لقيت ياسر يتوزى ورا المدافع الإيراني ياسر للأسف انشغل بالدعايات ، وقصات الشعر والمشي مع الموضة وتغيير اللوك بعد كل خمس مبارايات ، وكل تفكيرهـ اذا جاب هدف يفرح فرحة حلوة وبعد كذا يجي أحد الجماهير ينزل الهدف بفديو كليب مع اغنية راشد الماجد ويطلع شكله حلو بالفديو ، والا تصميم بالفوتشوب ياسر للأسف من مباراة لمباراة ومستواهـ في انخفاض رهيب !! هل إشراكه على مستواهـ الهزيل هو الحل لرفع مستواهـ من جديد ؟ وإلى متى هذا الدلال الذي يجدهـ ياسر على حساب الصويلح والعنبر والكلثم الذي دفن في الرائد ؟؟ ا يعني ليس من المعقول لاعب بحجم ياسر لم تتجاوز أهدافه في الدوري 7 اهداف وكأس ولي العهد لم يسجل أي هدف والله يضيق صدري إلى ما شفته من قائمة الهدافين ابو شروان وعماد متعب والشمراني متصدرين القائمة وياسر لا افضل لاعب بآسيا لا يملك من رصيدهـ التهديفي هذا الموسم سوى 10 أهداف متى يعود القناص أفضل لاعب بآسيا أغلى لاعب في تاريخ الملاعب العربية وهداف الدوري كابتن المنتخب أتمنى من كل قلبي أن يعود ياسر لما عهدناهـ وان يكون عند حسن ظننا ودمتم |
الله انه مستواه صفررررر على الشمال نبي مهاجم اجنبي يحرث الملعب |
ياخي انتم جمهور عاطفي مرة يعني اذا ماجاب هدف في كل المباريات فاشل تراه لاعب مو مكينة عشان يحرث الملعب وبعدين نسيتوا انه جاب لكم بطولة الدوري السنة الماضية |
انتم اذا جاب ياسر هدف قمتو تضبطون على ريمكسات و فديوهات .. ولين ماجاب هدف ياسر الي مايعرف شي ياسر الي والي بس يآآآسر راح يرد عليكم بالمبارات الجايه وبعدين جاي تقارن عيسى بياسر ياخوي طيرررر |
لاحول ولا قوة الا بالله مارحت الا لياسر ؟؟؟ والله ان ياسر اهم لاعب بالفريق واذا مالعب صدقني صعبه على الفريق وراح يتأثر بشكل كبير ياسر نجم لاتنسى لاعب طول الموسم مقدم مستوى عالي ويلعب بدون مايكون مهاجم ثاني معاه مساند ياخي زين من ياسر هالمستوى مهاجم واحد اكيد راح يتعب ويمل من هالطريقه الهلال خطته 4-4-2 وساعتها تعال حاسب ياسر مو قاطينه هجوم من غير مسانده وهدف ياياسر طيب التايب ماقدم شي ويلي ماقدم شي اكثر الاعبين ماقدمو شي ليش ماتحاسبونهم ليش النقد ينصب على لاعب واحد عفوا هذا ماهو انصاف ولا هو نقد بناء اساسا نعم انتقد نجم تشتهر شكرا الى الامام ياياسر انت مبدع |
كلام سليم واللي زاد الطين بله الكوري اللي ما ادري وش يبي ! |
همسه في اذن ياسر الغرور مقبره الموهوب ياسر كثرت اعلانات وصار يهتم بالاعلام اكثر ونسى اللعب ونسى اول ماجاء من القادسيه |
الله انه مستواه صفررررر على الشمال نبي مهاجم اجنبي يحرث الملعب |
هلا فيك أخوي بالأمس ماكان ياسر فقط هو السيء فأغلب الاعبين ماكانوا في يومهم كم هجمه ضاعت لنا كفيله بأننا نفوز 3 على أقل تقدير أمس في برنامج المجلس الكابتن فيصل أبو اثين قال كلام جدا رائع قال ياسر عليه ضغوط بشكل غير طبيعي إضافه إلى إنه المهاجم الوحيد إلي تعول عليه الجماهير + ضغوط جماهير المنتخب أيضا مافيه ذاك المهاجم إلي يساعده ويخفف عنه زي مآنشوف في الإتحآد فطبيعي أي لاعب في الدنيا راح ينزل مستواه بالعكس أمس قدم لنا كم كوره بس مآتفوق فيهآ ولانلوم ياسر إذا كان هو يرجع للنص وياخذ الكوره وين صناع اللعب بباسطه مهآجم جيد صدقني حتشوف هجوم غير غير إن شاء الله مع المحيآني راح نقدم أكثر ونعوض إلي فات بإذن الله وبإذن الله ياسر ماراح يخذلنا بالتوفيق للهلال في بقية مبارياته |
اذكرو الله ياشباب حنا جايين نجتمع ونتناقش بأدب مايحتاج نسلك طريق السب والشتم كلنا اخوان . |
ياسر لم يقدم أي مستوى ومن حق الجماهير الهلالية المحبة لياسر وقبل ياسر للزعيم الأكتفاء بالرأي بمنتدى الزعيم وياسر نتمنى منة الأفضل بقادم المباريات حرام ياسر من يشاهدة بالملعب يتوقع أنة شخص ثاني ليس بالقناص وقسم بالله مارفع ظغطي بالمباراة غير ياسر والفريدي والدعيع ببدايات المباراة أبو عبدالعزيز يهوجس وش سالفتة مدري نتمنى من رئيس الهلال يوقف بوجة كل من يوقف بوجة الهلال وكفاية مثالية ياريس كفاية مثالية والله لن تفلح وأنت بمثاليتك. ويأخوان يوم قال عيسى يأخي من حقة عيسى نتمنى أنة أفضل من ياسر وأتمنى ياسر أفضل من عيسى لأجل الهلال وليس لأجل عيسى او ياسر وبأذن الله الواحد الاحد نشوف عيسى وياسر يتنافسون من الأفضل |
من جد ياسر مو ياسر اللي نعرفه صح ترى الفريق كله ماقجم شي وداخل بثقه المفرطه وحتى الدعيع البااااارح وربي مافيه الا هوساوي والشلهوب يوم خش تحرك شوي لامرشدي ولاالزوري ولانامي ولا رادوي ولا عزيز ولا ولي ولا التايب ولا الفريدي ولا يااااسر يعني الكل وانا اتوقع من وجهة نظري المتواضعه كاتالين لازم يتغير لانه جد الهلال مو الهلال اللي نعرفه صح الهلال تأثر برحيل كوزمين بس لازم ننسى عااااد وماتكون شماعتنا لكل خساره طرد كوزمين لان الهلال هو من يصنع النجوم والمدربين لا العكس ,, تقبلو مروري اخوكم زعـــcomـــيم ردودي قليلة ومواضيعي بح لكني متابع لكل صغيره وكبيره في المنتدى دمتم زعمااااااء |
اللاعب الوحيد في الهلال الذي لا يحاسب هو ياسر المغرور لأنه وبكل بساطه ما يبي يجيب اي هدف يبي....يتدلع شوي وشويات........بالعربي ياسر (محوقه)بمنطقة الجزاء واتمنى انه يرى عماد متعب وش يسوي اذا جته الكوره بمنطقة الجزاء ويدرس منه ايضا تحياتي لك((( فرانكو باريسـي))) ولك مني الف تحيه لك وتقدير بس لي عتب عليك لا ترد على اللي اقل منك فهم لا يستحقون الرد عليهم وخاصه من كاتب مثلك |
انتوا ليه تجاملون ياسر والله ان مستواه رايح فيها والمحياني جاي في الطريق لاتجاملون ياسر ياسر لاعب صاير مغرور هذي الايام وشايف نفسه وكل الاندية عرفت كيف توقف ياسر حطوله اثنين مدافعين يراقبونه وبكذا مايقدر يلمس الكورةهذا غير النرفزة على قل سنع والبطاقات إللي بالكوم وإذا ماراح يلعب ويقدم للفريق ويشارك في كل المباريات ويحترق من اجل الجماهير والنادي افضل يقعد في بيته احسن له لاحد يجي ويقول عليه ضغط وعليه ارهاق وعليه ما ادري اش عندكم هوساوي والمرشدي وعزيز وويلي ورادوي والدعيع ونامي كلهم يلعبون في معظم مباريات الهلال وعليهم ضغط اكبر من ياسر ويسجلون ويهاجمون ويدافعون كمان وشايلين الفريق شيل الله يعيد ايام سامي والثنيان والتيماوي والجمعان |
شفشنكو اللي كان هداف الميلان السابق واللي ماتوا عليه الميلان لعودته ملطوع بالاحتياط مو لازم ياسر غصب يلعب اللاعب اذا قل مستواه بتمنى الافضل يكون محله فيه مواهب كثيره تتمنى الفرصه وياسر صراحه مستواه قل وهذا شوف الشلهوب ما يفرق عن ياسر بالاحتياط ليه ياسر افضل من الشلهوب ولا برايك ياسر تفضله عن الشلهوب |
| الوقت المعتمد في المنتدى بتوقيت جرينتش +3.
الوقت الان » 06:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd