اسمح لي اخوي غلطتك انك تروح تدور الرابطة .. طيب عندك بوابة رقم 25 - 26 فيها اماكن حلوة والرؤية فيها ممتازة ^_^

اما بالنسبة للرابطة ,, بالامس لم نسمع شيء بسبب ان الصوت ضعيف جدا
المايكات للاسف ضعيفة .. ومازالت الرابطة تفتقد الى التنظيم في جميع الامور


تحياتي,’ ,

إقتباس الرسالة الأصلية كتبت بواسطة هــــ عاشق ـــــلالي والله مدري وش يبي غندر ماعنده الا حبيبكم مين .. الله يخلف علينا بس .. شووفووا رابطه الاتحاد كيف تحمس الاعبين قبل الجماهير .. وشووفوا رابطه الاهلـي .. نطالب بتغييره بأسرع وقت .. ولا نجلس بدوووون رابطه ازين .. اووه صح ذكرت شي المكرووفوووونااااات منتهيه صلاحيتها غيروووها

إقتباس الرسالة الأصلية كتبت بواسطة عاشق الأمواج الزرق بسم الله الرحمن الرحيم انا اليوم جاي اكتب مقال صغير عن الملعب توجهت امس إلي الملعب الساعه 3 وجلست في الواجه موازي لخط النص وكان المكان خيالي بما تعنيه الكلمه والعالم يتهاوشون على الأماكن وكل واحد يقول ابي ودي اجلس هنا الصغير قبل الكبير المهم الساعه 5 وشوي جت الرابطه وكانت جالسه في الواجهه شوي وجلس محمد غندر يسمعنا من الاهازيج طبعا الجمهور وقف فأطرينا اننا نوقف قلت في نفسي بس قبل المباراة وإذا بدت المباراة بيجلسون بدت المباراة والجماعه واقفين وإللي يزيد الطين بله إنهم واقيفين على الكراسي ياليت على الارض وكم شخص يقول يا جماعه اجلسو خلونا نشوف المباراة طبعا انتم تعرفون استاد الملك فهد بعض إللي يجونه يجون عشان الرقص مهب عشان مباراة والمهم كملنا ربع الشوط الاول والجماه واقفين طبعا في واحد وراي يمكن عمره 50كذا جايب عياله الصغار يبيهم يستانسون يشوفون الزعيم لكن ما يشوف لازم يوقف فوق الكرسي طبعا سحب الرجال عياله وقال امشوا نروح مكان غير هذا بدأ الشوط الثاني والوضع على ماهو عليه واقفين فوق الكرسي والله إللي ما خلفتون قدامي واحد ما يشوف المباراة يشوق ورا ويرقص مهب حق مباريات هذا طبعا تكسرت رجولنا من الوقفه . بأصل للخلاصه انا شخص اروح الملعب من بدري عشان اخذ مكان زين واخرتها يجون حقين الرقص والغناء المشكله عندر نفسه ما يشوف المباراة والمشكله الثاني ما ندري وش يقوول كل إللي عندي اسألهم وش يقول يقولون ما ندري يعني لا صوت ولا ريحت الجمهور يا جماعه كلنا شفنا شلون المكاان إللي يجلس فيه غندر شلون كان فاضي يعني بالعاده يملونه إللي جاين للرقص حنا ناس نبي نستمتع بالمباراة ما جينا نسمع اهازيج ونرقص الهدف من الروحه مشاهدة الزعيم ودعمه وتشجيعه انا اناشد الاداره الهلاليه انهم يرجعون محمد غندر كان بجوار المنصه وإللي يبي يرقص يروح هناك وإللي يبي يشوف مباراة يجي في الواجهه وإذا يبون يحمسون الاعبين دائما الحمد لله ما نفوز في الاستاد وهم بجوار المنصه انا انقد ليش لاني محب لنادي الزيم فالعتب لا بأتي الا من محب تقبلو تحياتي اخوكم \ عاشق الامواج الزرق السلام عليكم ورحمة الله وبركاته

بص يمين بص شمال .. الإتحاد عامل زلزال ..

ياكلك ... مثل المشمشة ,, ياكلك ... حبة حبة

هههههههههه


رهيبين جمهور الإتحاد .. يشجعون حتى لو الإتحاد مهزوم خمسة صفر

المشكلة ما هيب من غندر

المشكلة من الجمهور الهلالي نفسه

يدخل المباراة كأنه داخل سينما

يتفرج وياكل فصفص وهو ساكت

ما يشجعون الفريق إلا إذا كان فايز , أو إذا دخل التايب كوبري

وش أبي فيكم تشجعوني إذا كنت فايز

شجعوني قبل علشان أفوز

وياكلك أكل البرشومي ,,, ياكلك ... حبة حبة ههههههههههههه

صدقت والله يا اخوي
وش فايدة الجمهور اذا كان ما يهتف ويشجع الا الي معه المايكروفون

واهازيج الهلال معروفة الي يتراقص عليها واي شي زيادة تحصل الجمهور ساكت

إقتباس الرسالة الأصلية كتبت بواسطة ابوصالح222 اسمح~لي .. بس الغلطه غلطتكـ يا أخوي معروف إن الرابطة بتجلس في المكان ومعروف إن الرابطة ما تجلس وش موديك هناك .. ؟ بعدين عندي ملاحظه / مكانك موب أزين مكان لو طالع فوق بنفس مكانك أحسن بكتيييييييير

كلام سليم ورئيس الرابطة وضح مكان جلوس الرابطة أثناء اللقاء اللي سواه معه الروم

إقتباس الرسالة الأصلية كتبت بواسطة عاشق 19 ميسي ×× [ السـَلام علـَيكمَ ورحمةَ اللهـ وبركـَاتـه ] أخـوي للأسف مازال جـمـهـورنا يستخدم الطق الي يسبب الرقص .. .. لنكـون يدا واحدهـ بأهـازيج جماعـيهـ ونبتعد عن الطبول الي مالهـ سنع .. .. واللهـ رابطتنا تبي بناء من جديد لازم تغير طريقة التشجيع بأهـازيج جماعيهـ .. .. با الأخير أقول سبب وجود الرقص والهـبال با المدرج الطبول والأهازيج الي ماله فايده .. .. وإذا نبي جمهور يضرب فيهـ المثل نشجع بصوت واحد جماعي .. .. آمآ تقولي رآبطة واحد يغني واثنين يصفقون و2 يدقون على الطار ماصارت قسم .. .. آللـهـ يــعــآفـيــة غـنـدر بـسـآشــوف لــو يـسـتــريــح آحـسـن لـــة .. هـَاآآردلــكـ الـنـَتـيـجـَهـ وباآآذن اللهـَ نـَعـَوضـهـا الـمـباريات القادمهـ .. .. باآآ الـَتـوفــيــقَ لـلـزَعــيــم َ .. أخـَــوكـَ عــاآآشــق 19 مــيــســي َ .. .. دمــــت بـَـــوـــوـــود .. .. ××

لاترمي فشل الجمهور وسكوته على الرابطة والتشجيع الأوروبي لا إنت ولا اللي يطالب فيه راح تطبقوه

كلااااااااااااااااااام سللللللللليم وهذا اللي يكرهنى لا اروح للملعب كل شوى واحد واقف

إقتباس الرسالة الأصلية كتبت بواسطة D-Link الرابطه ما يشجعون جايين علشان الفلوس وبس امس بالملعب قول علينا وهم للحين يغنون اما الجماهير متفاهمه هجمه علينا نثير الخصم هجمه لنا حمااااس

لاتظلم الناس ياأخي

طيب شئ حلو إنهم يشجعوا والفريق خسران عشان يبثوا الحماس وهذا يثبت انهم ليسوا جمهور فوز

لو سكتوا بعد الهدف قلتوا ليش تسكتون وتشجعون وقت الفوز

أمركم عجيييييييب

إقتباس الرسالة الأصلية كتبت بواسطة لاتعذبوني السلام عليكم اتمنى من مشرفين المنتدى أو إدارة المنتدى السماح لي بتعتبيري وجهة نظري بغندر . ماقصرت ياغندر .بس كفاية . الغندر بالأمس بمشاهدتي المباراة بالملعب رائيت غندر رقص وطرب ياناس نريد رابطة تزيد من حماااس اللاعبين بالأول والأخير بالأمس كل ماحظر طارق عند الجمهور يريد منهم الحماس والتشجيع اسمع يالرقص طارق مايقولك ياغندر ارقص أنت والي فشلونا بكل قناة يعرضونهم وكل مواقع العرب يظحكون على جماهير الهلال يتوقعون أن الجماهير الراقصة من جماهير الهلال لايعلمون هذولاء يئتون للرقص والمتعة من بعد ذالك يخرجون من الملعب ولو الهلال مهزوم عشرين صفر تلقاهم برا يرقصون .والعالم حزينة نريد من إدارة الهلال رابطة مثل الأتحاد مثل الأهلي والله ياحماس يدخلونة باللاعبين كلهم بيد واحدة وبتصفيق حار طول المباراة وحتى الرابطة يتابعون المباراة ام رابطتنا العزيزة كل شخص يناظر الثاني يقول انت فنان بالرقص والله ان فلة ياغندر تكفى خلها تجي منك وقدم استقالتك وروح للجار تنفعلهم وينفعولك كمل المغنية حقوية. ياعالم أمس الجمهور أكثر من العشرات يريد المشكلة مع الغندر بسبب المايكات التالفة والمكبرات الراقصة ووالله تعبنا ونحن نردد نريد رابطة مع الجمهور فقط تزيد من حماس الجمهور ليزيد من حماس اللاعبين بعد توفيق من الله عزوجل نريد رابطة نريد رابطة فعالة تشعل المدرجات تشعل ملوك المدرجات الزعماء تشعل من هو خلف الشاشات ليستمتع ويعرف ماهي قيمة الزعيم بجمهور بلاعبين بجهاز فني بكل شي ليكتمل الزعيم بمدرب عالمي بإذن الله والكامل وجة الله. *أعضاء شرف الهلال يجب عليكم الإلتفات حول زعيمكم وزعيمنا يجب عليكم الوقوف وقفة صادقة. *يجب على إداراة الهلال التعاقد مع مدرب قبل فوات الأوان. *نتمنى من إدارة الهلال التركيز بوضع الموهوب الغريب حبيس الأحتياط ومستوياتة ممتازة. *أتمنى من الجمهور الوقوف الان وبشدة بجميع مباريات الهلال ولنحظر يازعماء جميع مباريات الهلال بوقفة صادقة مع هلالنا وزعيمنا وزعيم أسيا. *يجب على الفريدي وياسر التركيز أكثر داخل الملعب ولايفكرون كثيراَ وهم داخل الميدان . *******اتمنى من إدارة الهلال أن تراجع نفسها بالمثالية الزائدة والله تتعبون من المثالية يجب على رئيس الهلال أن يتصدى على كل متتطاول على نادي الهلال اتمنى من كل قلبي واذا عجزو فيسلمون المهمه للأسد بندر بن محمد.

نبي ونبي ونبي ونبي ....................................إلخ



شبعنا من الكلام واللي فيه خير ويشوف انه يقدر يطور الرابطة ابواب النادي مفتوحة والمسؤلين عن الرابطة فى خدمة الجميع

نذهب لمقابلتهم لمعرفة الأسباب بدل من الكلام

روح احشرهم فى النادي عشان يعرفوا انكم لستم حقين كلام

الكلام الكثير لن يطور الرابطة لازم مع الكلام يكون هناك فعل

إقتباس الرسالة الأصلية كتبت بواسطة تـــــركـــــي 9 مبسوط انت في كل موضوع القى ها الرد؟؟ لا ارضاها لنفسي ولا لغيري من اعضاء الرابطه واذا عندك كلام تبي تقوله وتبي تقول جحلط تعال بالملعب وقولها مو من ورى الشاشه ترى مليت كل ما ادخل موضوع نفس ردك وثانيا انت انسان مو متربي عشان تجي تتهمنا بالتحشيش والحبابين اذا مو عاجبك الوضع تابعها واستمتع في بيتكم وانا اعطيك 20 ريال حقت التذكره والكل شايف اللي يرقص مالهم اي علاقه بالرابطه وهذي مطالباتكم يا جمهور الزعيم بتواجد الرابطه في الواجهه وبالاخير ما شفنا شي الا ناس ترقص تحتنا وحتى الاهازيج سوينا اللي يطالب فيه الجمهور وبالاخير مافيه اي تعاون لاحركات اوروبيه ولا اهازيج والكل شاف وبرضو مانقول ان الرابطه مافيها تقصير بس داعمها الاول هم الجماهير اللي مالها اي مطالب محدده واحب اعلق على نقطه في احد الردود ذكر الخوال ياعزيزي ولا يسخر قوم من قوم يعني مبسوط بنفسك اذا انت ابيض لا فرق بين عربي ولا اعجمي ولا ابيض ولا اسود الا بالتقوى لي عوده للموضوع بعد مراسله ادارة المنتدى بربـ

أخوي تركي لاتضايق نفسك فى ناس ترد وهي ماحضرت المباراة

الرابطة مستمرة رضي من رضي وزعل من زعل

لو تغيب الرابطة فى مباراة وحدة تحصل مية موضوع وين الرابطة ؟ ليش ماجت الرابطة ؟

وش دخل الرابطة فى الناس اللي ترقص ؟

الرابطة جايه تشجع وتحمس الفريق وهناك ناس تتعب واللي جاي يرقص هذا لديه نقص

فقدنآآآآك ياحقوي


مع انك مو بذااك الزود