انواع الحملات بالداخل.. ( طب وتخيّر ) وازبن الحملة اللي تجوز لك
حيـــــــــــاكم
حملة خلّوهــا تنثبــر
بعض اللاعبين.. اللي ضامنين الخانة ومافيه احد ينافسهم
ليتهم ينثبرون بالاحتياط كم مباراة ويراجعون انفسهم
ويشوفون لهم حل مع المستوى الهابط والاداء الهزيل والتعالي وعدم الجديّة
يمكن يحسّون شوي بهالجماهير اللي تحترق واعصابها تتلف من لعب الحواري اللي طايحين فيه بعض اللاعبين هالايام
حملة خلّوهــا تــدرّب
الحين ياسلطان بن فهد.. كلنا درينا انك اقوى واحد
وطردت كوزمين وحرمت الهلال بقوة المنصب
وانت شفت بعينك الاندية السعودية في البطولة الآسيوية
الشباب والاتحاد فازوا.. والهلال تعثّر
طيب ليش ماتبادر من منطلق الوطنية اللي تتشدّق به دائما
وتسمح لكوزمين يكمّل هالموسم مع الفريق واذا انتهى الموسم خلّه يمسك الدايري باتجاه المطار !!
يالله خلّنا نشوف الاخلاق السعودية ؟؟
حملة خلّوهــا تؤشّــر
وين راح سلمان المؤشّر ؟؟
هداف الاولمبي وبطولة فيصل للموسم الماضي ؟؟
اذكره طب في مباراة الوحدة وسجل هدف.. وفي المباراة اللي بعدها سجّل.. وماعاد شفته يلعب !!
قسم بالله لو ينتقل لأي فريق ثاني ان تشوفونه هداف الدوري.. ليش ماياخذ فرصته ؟؟
حملة خلّوهــا تدّهــر
الحين عيسى المحياني خلاص صار هلالي رسميا للموسم الجاي
طيب مافيه أي بند في اللائحة يسمح للهلال انه يستعير عيسى باقي هالموسم وينضم للفريق من اليوم ؟؟
اللاعب خلاص صار ضيف شرف في الوحدة
ويعد الايام متى يخلّص هالموسم علشان يجي وينضم للتمارين مع الهلال.. وش فايدة وجوده مع الوحدة الحين ؟؟
كلها ثلاث مباريات اللي باقية للوحدة في الدوري ومالها أي قيمة لهم
عكس الهلال اللي محتاجه اكثر خصوصا مع ضغط المباريات داخليا وخارجيا اذا ماوضعنا بالاعتبار بطولة كاس الملك
حملة خلّوهــا تبــربــر
على نهاية الموسم.. ودخول الجميع في مراحل الحسم
بدأت الحرب النفسية على الزعيم لأنّه عمهم وحارق دمّهم منذ مبطي
الصرامي والسويد والبكيري وعوير وزوير والمنكسر اللي مابه خير
اتمنى اننا جميعا مانعطيهم اكبر من احجامهم الطبيعية.. ومانحط ( خرابيطهم ) هدف استراتيجي لنا
عندنا امور أهم بكثير والله العظيم
حملة خلّوهــا تحلــم
كحيلان حاط رجله وداعس.. تصاريح هنا وهوشات هناك ومطرسه بكل مكان
الرجال شاف نجوم الظهر من الهلال وقام يتفلّت.. اعصابه ماعاد تستحمل
مابقى الا برنامج الافتاء حق سلمان العودة علشان يتصل فيه كحيلان ويتحفنا بالمداخلات القيّمة اللي تعوّدناها منه
وعاد مايحتاج هذا برنامج ديني.. يعني ماراح يحطون لك اغنية ( يحلمون ) 
حملة خلّوهــا تشلهـب
الى متى والشلهوب منطق بالدكّة ؟؟
ليش مايلعب ويستفيد الفريق من تحركاته وتصويباته على المرمى ؟؟
ليش مانستفيد من تسديداته الخيالية للفاولات والكرات الثابته ؟؟
مافيه احد ينافسه في الفريق على التسديد.. وخصوصا الفاولات
وجود الشلهوب كمهاجم ( وسط متقدم ) خلف المهاجم الصريح راح يفك كثير من الرقابة اللي على المهاجم الصريح
الوضع المتطور
