|
حضرنا حضرنا وبعدين ..؟؟ مافيه مقابل من أداء الفريق للأسف !! تطالبونا بالحضور وهذا مستوى الفريق !! السلام عليكم : نقول هارد لك للزعيم بهذا المستوى السئ فهو للأمانة من بعد إقالة كوزمين وهو يظهر بمستوى أسوأ ولابد من حل !! الأدارة جددت الثقة بمساعد كوزمين وتأخرت بايجاد البديل ولكن يبدو أنه ليس بالحل السليم !! اللاعبون والأدارة طالبوا الجمهور بالحضور :confusedw:!! ولكن بالمقابل ماهي النتيجة !! لايوجد تقدير لجهود هذا الجمهور !! فالكثير عاني وقطع مسافات طويلة لعيون الزعيم سواء بالجو او البر !! والبعض تعطّل وربما تعرض لحوادث مثلما صدمت سيارتي ليلة البارحة بعد خروجي من المباراة !! وبالمقابل نجد من اللاعبين وباقي طاقم الفريق لا روح ولا رغبة بالفوز ولا أداء ولا تكتيك !! فهل هذا هو تقدير الجمهور الذي تعب وساند وشجع الفريق !! فليس هذا هو الهلال !! حضرنا بشكل كثيف ولاجلسنا نتمنن على فريقنا بالعكس نسانده في أصعب الظروف ولكن مباراة الشباب ومباراة سبارتا الأيراني كلاهما لاترضي طموح الهلاليين لا بالدوري ولا بالآسيوية بعيدا عن المجاملات !! كلا المبارتين تعادلين أشبه بطعم الخسارة !! حتى الغريب بالموضوع ان المنافس يتقدم ثم نعادله ولانبادر بالتسجيل !! وهذا لم يحدث في عهد كوزمين !! لا روح لا مستوى ولاتكتيك من الفريق !! وكأن كوزمين بالفعل هو نصف الفريق !! أين كلام الأدارة أين كلام الدعيع أن كوزمين يمثّل 30% فقط من أداء الفريق !! |
إذا استمر الفريق بنفس الاسلوب والمستوى الهاابط يجب معااقبتهم بهجر المدرجاات ترى جمهور الهلال يسويها........................:d |
اخوي ارفق شوي شوي وان شاء الله الزعيم قادر ان يتخطى كل شي وهذي اول مباره يقدمها الزعيم وهي اجمل مباره يوجهة نضري ارفقووووووووووووا وشفيكم الله يوفق الزعييييييييم |
الدعيع ليت ينصح نفسه والا خبره ويطلع هالطلعه الجمهور ما الومه لو ما حضر المباريات |
ان شاءالله القادم أفضل وقدر الله وماشاء فعل |
اسمح لي يا عزيزي : المشجع الحقيقي هو اللي يوقف خلف فريقه بالحلوه والمره .!! والفريق الان قصِم ظهره باقالة كوزمين ويجب علينا ان نقف خلفه حتى وان قل مستواه .!! وعموما لو قل مستواه فهذا طبيعي جدا لانه يلعب " بدون مدرب " |
يالغالي ترى قبل العام تعادلنا اول مباراة وهزمنا بوختاكور بملعبهم وتاهلنا يعني ان شاء الله تكون بداية تصحيح من اللاعبين |
أنا ملاحظ أن اهم اسباب عزوف الجماهير هي أنهم يعتقدون حضورهم منه على الفريق مع انه واجب عليهم |
لا تجلسون تتمننون بحضوركم يعني لو بيدينهم يفوزون بيقولون لا ياخي يلعبون بدون مدرب وتبيهم يفوزون فيه بعض اللاعبين انا مقهور منهم بس مو كل الفريق يعني منتوب حاضرين الا الين يلعب الهلال زين |
طيب لاتروح الملعب بس لاتتابع بالتلفزيون لانه مايهمك أكيد لأنه لو يهمك أكيد معاه بالحلوه والمره |
انا برد على اللي يقول المشجع يوقف مع فريقه على الحلوة و المرة انا اتفق معك اذا الفريق تعب والاعب افنى نفسه في خدمة الفريق مو زي بغض الناس لازم اجيب هدف خيالي والا ماني جايب هدف والاالثاني يعتقد انه يلعب في الحارة وان كنت تبي تعرف الاخلاص وحب الشعر شفه عند نيدفيد يوم طلع مصاب من مباراة تشيلسي قاعد يبكي مع انه تشيكي مو ايطالي يالحبيب وهذا عكس حالة لاعبينا مانشوف الاخلاص ابدا وحب الشعار وان كنت تبي اعطيك مثال قريب من واقعنا المحلي عاين للاتحاد وشاهد الاخلاص وحب الشعار والقتال حتى الثانية الاخيرة ولمعلوميتك الاتحاد يصبح اخطر عندما تجيب في مرماه هدف لانه بتصحي في لاعبتهم حب الشعار والاخلاص مو لاعبيتنا الله يخلف عليهم كلهم |
اسمع الجمهور مايبي من اللعيبة الا التقدير في الملعب والقتال على الكرة مو لعب يرفع الضغط ولاغيبة يكتمون الصدر |
حضرنا حضرنا؟ تحسب هذا حضور؟ والله عيب استحو على وجيهكم تطالبون بالفوز وما امتلى غير الواجهه شوف نادي الاتحاد وشوف الجماهير اللي حضرت والله عيب اذا امتلى الملعب صح طالب الفريق بالفوز والامتاع سلام |
هونها وتهون لكن الوضع خطير اذا استمرينا على مسلسل التعادلات وخاصه في الدوري لان الفارق سيتسع مع الاتحاد |
إقتباس:
يا حبيبي ملعب جده ما يشيل 20 الف والاستاد 70 الف معليش مافيه مقارنه |
بالاول والاخير تبقى الكوره فن <<< قل قسم ,, بعدين ,,, انا اقولك وبعدين انت جاي الملعب ترفه عن نفسك وتستمتع بكم لعبه من هنا وهنا تطلع زعلان او فرحان هذا شي طبيعي لكن محد يغصبك على الحضور واسلم وسلم وانا اخوك |
تحياتي لك أخوي العزيز بس اذا بنحضر لآنه بس نشوف مستوى مع احترامي لك هذا مو معناه تشجيع هذا معناه انك متفرج بس لا غير احنا نحضر لانه واجبنا تجاه فريقنا مو معناته نزل مستوى لاعب صار ما عنده رغبة و اخلاص لو ما في اخلاص ما جبنا تعادل مع الشباب و باقي ثواني شف الفرص حقة اليوم على مهلك ضاعت فرص ما في توفيق صح ما قدمنا بس اي فريق بالعالم يمشي على رتم واحد طول الموسم ؟؟؟؟؟؟؟؟؟؟ لا التشجيع حتى بأحلك الظروف و يكون المستوى معدوم نحضر و نشجع و نصارخ و ننقهر يا اخوان تراها مباراة مو بطولة اقسم بالله الظروف اللي يمر فيها الزعيم تكسر اي فريق بس لأنه الهلال للحين واقف و لاراح يطيح انت وانا و كل هلالي مع فريقه فوق كان و الا تحت بعدين ياخي ارحموا اللعيبة و الله لو ماكينات مو كذا ينافسون على كل البطولات و دوليين و فوق كل هذا سالفة السير كوزمين الهلال فوق مهما صار و احنا وراه حتى لو نزل أولى الله لايقوله و اللي يدور بس على المستوى و الا النتايج و البطولات كل سنة يغير فريقه للي يجيب بطولات بس احنا ورا الهلال اللي كم مرة فرحنا و كم مرة رفع روسنا وتراها خسارة لازم نوقف و نوقف و نوقف وربي يوفق الزعيم و فوق دايم بإذن الله سؤال لكل واحد فيكم لو الهلال طار منه الدوري واسيا لا سمح الله السنة الجاية ماراح تشجعه ؟؟؟؟؟؟ |
المشجــع الحقيقي مهوو كــذآ .. المشجع الحقيقي يقف مع ناديه اللي يحبه في السراء والضــرآء .. وياليت تشوفون جمهور بعض الفرق .. فريقهم بعيد عن البطولات والجمهور لا بأس بهم .. وأعذرني اخوي انت لاتنتمي للمشجع الحقيقي للزززززعيــــم |
اللاعبين اليوم الشي الوحيد اللي كان ناقصهم انهم... يلعبون باسم نادي الهلال وليس من اجل مبلغ وقدرة... شف الاتحاد لا مدرب زي العالم والناس بس عندهم روح الفريق... وهذا الشي الوحيد اللي ممكن نقول انه نقص الهلال ... طبعا كل هذا مو معناته ان كوزمين ما اثر الا ما اثر ونص بعد... بس الهلال في بطوله اسيا بالذات في اخر السنوات انا اشوف انه مو الهلال اللي الكل يعرفه ... تبقى هذي وجهه نظري ... |
إقتباس:
يا عزيزي انت كاتب ردك هذا عشان مباراة وحده فقط يا اخي كم لاعب شفناه يبكي ويتحامل على نفسه لاجل الهلال اللي تقول يبي يجيب هدف خيالي لعب مباريات لاجل الهلال وهو مصاب يا اخي لاعبي الهلال يلعبون ايضا بروح ولو جات اخر فرصه حقت سيول والا وحده من الفرص اللي ضيعناها ما شفنا هالكلام من الجمهور الفريق اللي تقول يلعب بروح ما حقق لجمهوره بطوله هذا الموسم ولكن فريقنا حقق لنا بطوله هذا الموسم !! اسمح لي عزيزي ردك هذا فقط "ردة فعل" على مباراه واحده في موسم كامل وليس على مستوى عام للفريق !! |
إقتباس:
|
معاليش ياخووي تطرناا بانك حضرت للملعب ياخوي لاتجي المباراه الجايه |
اسمحوا لي اللي قارن حضور الجمهور باستاد الملك فهد بملعب جدة أقل مايقال ان هذا الشخص غبي او انه يستغبي !! او شكله ماحضر ملاعب ابد وجالس يهايط وراء الشاشة !! حضور الامس لو قدر مثلا 40 او 30 الف وملعب جدة مايشيل ولا 20 الف هل يوجد مقارنة !!! هل الجمهور اللي امس لو حضر ملعب جدة او احد ملاعب الشرقية او القصيم راح تمتلئ ولا لا ؟؟ رجاء لا احد يتكلم بما لا يفقه !! فو الله الجمهور لم يقصر امس وكان حضور اكثر من رائع ولكن للاسف !! |
| الوقت المعتمد في المنتدى بتوقيت جرينتش +3.
الوقت الان » 12:32 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd