من علامات بدايات هبوط مستوى اي فريق .. علاماتها بدأت تظهر على الهلال وبوضوح - نادي الهلال السعودي - شبكة الزعيم

القويع · #1 12/03/2009, 01:38 AM

باختصار
علامات تدهور وغياب التنظيم لاي فريق من وجهة نظري تتركز في ::
1 - كثرة ارتكاب الاخطاء والكروت الملونه ولاحظناها بوضوح على رادوي وبقية اللاعبين لان الخطوط تكون متباعده ويظطر اللاعب لمواجه الخصم ومطاردته بدل الالتحام به على الكره من قريب ..
2 - كثرة التمثيل للحصول على ضربات جزاء واخطاء وهي حيلة العاجز ولاستمالة الجمهور جهة اللاعب ايضا حين يشعر انه ليس بامكانه تقديم مستوى افضل ولاحظناها على ياسر وويلي والصويلح اليوم ..
3 - ملاحظة البرود ونوع من اللامبالاة من بعض اللاعبين وتنتقل العدوى من واحد للثاني وشفناها المباراة السابقه مع الفريدي واستمرت معه وانتقلت للمرشدي اليوم وياسر بعض الاحيان ..
4 - كثرة العتاب بين اللاعبين بشكل متكرر وواضح للجميع ..
5 - كثرة وقوع اللاعبين بمصيدة التسلل وهو نتيجه حتميه لغياب التكتيك والتحرك السليم للمجموعه ..
6 - تذبذب مستوى الفريق مابين شوط واخر لعدم توزيع الجهد على جميع الخطوط واللاعبين وكان واضح هذا للهلال فيلعب شوط اول جيد وثاني سيئ من مباراتين بعد كوزمين ..

عموما هالعلامات ظهرت على الفريق من بعد غياب كوزمين .. رغم تحفظي على المدرب احيانا لتغييبه المتعه الهجوميه للفريق ..

ولابد من جهد وحزم اداري للاعبين الى ان يصل المدرب لان اللاعبين النجوم يستغلون اي فرصه لحدوث شبه فوضى لاراحة انفسهم اما بالكروت الحمراء او بالبرود اثناء لعب المباريات لانهم يعرفون ان السبب سيكون عدم وجود مدرب ..

اخيرا //
اعتقد ان الشلهوب رجوعه كاساسي بدلا للفريدي لامفر منه ابدا وتجهيز الغامدي بشكل كامل للاستفاده منه باي وقت ..
وايضا تكليف عزيز رادوي وويلي باراحة التايب وتفريغه لصناعة الهجمات والكور الجاهزه للاستفاده منه اكثر وقت ممكن وليس مثل الوقت الحالي شوط واحد فقط

كريستيانو7 · #2 12/03/2009, 01:42 AM

تدهور اجل.!!

شكلك جديد ع متابعه الهلال..!

هواي ازرق · #3 12/03/2009, 01:42 AM

اتمنــــــــــــــــــــــــــــــــــــى ان هالاراء ماتكتب ... تدري ليه ؟؟؟

لأن الكلام كلـــه غير صحيح !!!

عموما اتمنى من المشرفين التعامل مع الموضوع ,,,,,,

أبو سعد المهندس · #4 12/03/2009, 01:44 AM

إذا كان هذا هو مستوى جمهور الهلال
فالهلال بألف خير
أصبت أخي القويع في كل ما قلت

الكيقن · #5 12/03/2009, 01:54 AM

اي كلام
الزعيم يمرض مايموووت>>>>>>>>>>>

القويع · #6 12/03/2009, 02:13 AM

إقتباس

الرسالة الأصلية كتبت بواسطة كريستيانو7


	تدهور اجل.!! شكلك جديد ع متابعه الهلال..!

اجل انا الجديد

اول بطوله حضرتها للهلال كانت في قطر البطوله الاسيويه
مدري تذكرها او لا ؟

القويع · #7 12/03/2009, 02:19 AM

إقتباس

الرسالة الأصلية كتبت بواسطة هواي ازرق


	اتمنــــــــــــــــــــــــــــــــــــى ان هالاراء ماتكتب ... تدري ليه ؟؟؟ لأن الكلام كلـــه غير صحيح !!! عموما اتمنى من المشرفين التعامل مع الموضوع ,,,,,,

ليس معنى ان نكون هلاليين ان نغمض اعيننا عن الاخطاء وهبوط مستوى اللاعبين الواضح للاعمى حتى

وكيف الكلام غير صحيح وكله شفناه والا انت ماشفت شلون رادوي خذ له 3 كروت صفر بمباراتين ورا بعض
وشفت الدعيع شلون تضايق اليوم اكثر من مره بسبب برود المرشدي
والا شفت ياسر كم مره يرفع ايديه يطاللب ببلنتي وكلها مو صحيحه
والا شفت الفريدي المتعالي على الكره عموما يحسب انه وصل للمجد خلاص من اطرافه
والا شفت تباعد خطوط الفريق الواضح جدا واصبحت منطقة العمليات امام الدفاع منطقه حرجه جدا جدا اليوم

عاشق 9 · #8 12/03/2009, 02:35 AM

والله ثم والله كلاااااااااااااااااااااااااااااااااااااااااااااااااااااااااااااااااااااااااااااااااااامك كله صحيح مية في المية

وياليت المرشدي يستفيد من اسامة اللي ماله غير موسم مع الفريق وروح قتالية عالية ماشاءالله عليه

والمرشدي غرور وبرود عجيب الله المستعان وشكله ما يعرف انه يلعب في الزعيم

الزوري يوم ممتاز ويوم سيء

ونامي مجتهد وما قصر اليوم

اما الفريدي وااااااااااه يالفريدي والله انه يرفع الظغط والسكر بس ما اقول غير الله يسامح اللي سماه الفيلسوف الصغير

القويع · #9 12/03/2009, 02:44 AM

إقتباس

الرسالة الأصلية كتبت بواسطة نحو العالمية


	إذا كان هذا هو مستوى جمهور الهلال فالهلال بألف خير أصبت أخي القويع في كل ما قلت

الله لايستر لايتهمونا بخيانة الامه الاسلاميه بس

ĸɪиɢ ѕυĺταи · #10 12/03/2009, 02:50 AM

هذا اللي خايفين منه

والله ان اللاعبين تايهين بالملعب

بس لاتخاف وانا اخوك

الهلال يمرض مايموووت

والعقل السليم في تشجيع الزعيم

ال15هلال · #11 12/03/2009, 02:52 AM

اتفق معاك

لازم نتعاقد مع مدرب كفؤ باسرع فرصه

ولا بيروح الدوري والاسيوية ..

القويع · #12 12/03/2009, 02:56 AM

إقتباس

الرسالة الأصلية كتبت بواسطة !..هلالي..موت..!


	هذا اللي خايفين منه والله ان اللاعبين تايهين بالملعب بس لاتخاف وانا اخوك الهلال يمرض مايموووت والعقل السليم في تشجيع الزعيم

هلا اخوي
فعلا زعيمنا يمرض مايموت بس والله العظيم تاخذك العاطفه تجاه جمهور يجون الملعب من مسافات بعيده جدا واخرتها يشوفون لاعبين يسحبون رجليهم ومستهترين

ادارتنا مثاليه جدا جدا وهكذا اسلوب لاينفع دائما فاللاعب دائما يبحث عن ربح اكبر باقل مجهود ولايمكن ان تاخذ منه كل ماعنده بدون اسلوب متوازن بين المحفزات والعقوبات واقلها اللي مايحترم جمهور النادي يركنونه احتياط حتى ياخذ غيره فرصته

القويع · #13 12/03/2009, 03:02 AM

إقتباس

الرسالة الأصلية كتبت بواسطة عاشق 9


	والله ثم والله كلاااااااااااااااااااااااااااااااااااااااااااااااااااااااااااااااااااااااااااااااااااامك كله صحيح مية في المية وياليت المرشدي يستفيد من اسامة اللي ماله غير موسم مع الفريق وروح قتالية عالية ماشاءالله عليه والمرشدي غرور وبرود عجيب الله المستعان وشكله ما يعرف انه يلعب في الزعيم الزوري يوم ممتاز ويوم سيء ونامي مجتهد وما قصر اليوم اما الفريدي وااااااااااه يالفريدي والله انه يرفع الظغط والسكر بس ما اقول غير الله يسامح اللي سماه الفيلسوف الصغير

اسامه جدا ممتاز الله يحفظه
المرشدي غريب جدا غياب حماسه اللي هو اساس نجوميته
الزوري لاتلومه فالظهير دائما يتاثر بالوسط اللي امامه ومثل ماشفت مافيه احد عنده يسانده والمشكله ينزل الشلهوب ويطلع الزوري هالمدرب

نامي يلعب باقصى امكانياته وماقصر ابد
الفريدي ضعف مستوى الفريق عموما كشف عيوبه هو بالذات ..

أم الرجاجيل · #14 12/03/2009, 03:12 AM

و الله ما اقول غير

الحمدلله على كل حال

و ان شاء الله نعوضها بالمباريات الجاية

و الله كريم

adakhil98 · #15 12/03/2009, 03:27 AM

انا معك بكل ما قلته والهلال على ما يبدو بدأ ينزل مستواه حتى يجي مدرب جديد.

واذا جا المدرب الجديد راح يبدأ مستوى الهلال بالارتفاع تدريجيا. طبعا هذا حسب قوة المدرب الجديد

وان شاء الله الادارة تلحق على الهلال وتجيب مدرب قبل ما نشوف هبوط اكثر للمستوى وهزائم