|
# بكل تجرد .... نتيجة مقنعه !! # السلام عليكم حضرت المباراة والجمهور ماقصر ومن زمان ماشفت الجمهور يشجع طوال الشوط تحس الجمهور حاسين بالمسؤولية واهميه المباراة اكثر من( بعض ) اللاعبين !! النتيجه بكل تجرد مقنع بالنسبه لي قياسا بالظروف والفوارق الفنيه التكتيكيه بين الفريقين !!! ** الفريق يمشي بمساعد مدرب !! ** عدم وجود مهاجمين في الفريق والاعتماد على ياسر المتذبذب والمنهك والمجبر على اللعب وكان الفريق سيتوقف اذا لم يلعب هذا الياسر ** هدف اول غلطه من الحارس الدعيع ( الي قبل كورة الهدف كان يتالم من جنبيه وهذا الي شفناه في الملعب وجت لقطه الهدف والالم منعه من صد الكرة ) ** اللاعبون نفسيا حتى الآن لم يستوعبوا وضع رحيل كوزمين والحل الآن جلب مدرب بديل باسرع وقت فلا داعي للتسويف والتحجج بعدم وجود مدربين !! هل يعقل ان المدربين انقرضوا من على سطح الارض !! ** عندما تعول كثيرا على نجوم الفريق ان يكونوا هم سندك في المباراة وهم من يحمل المباراة امثال ( عزيز والتايب وياسر ) فتتفاجا بانهم اسوء اللاعبين فيها وتنتهي مباراتك بالتعادل ** طلبنا مهاجم وجابوا لنا عللله .. !! بعد كل هالامور ماتبوني اكون راضي عن النتيجه ؟! إلا والله برضى وكبير يالزعيم رغم كل هالظروف إلا انك تعادلت حتى مع وجود ضربتي جزاء للهلال لم يحتسبها الحكم :غضب: # الفوراق الفنيه التكتيكيه # _ الي تابع المباراة في الملعب بينهبل من هالايرانيين ياناس سرعة ارتداد في الهجمه غير طبيعيه في ثلاث ثواني وصول لمنطقة جزاء الهلال في المقابل الهجمه الهلالية تموت خمسين مرة في رجلين لاعب يبي يلعب باص عيون بالطيب ولا بالغصب ويبي يعطيها لياسر ( متاثرين بعبدالله الحربي يوم يقول الدويتو :مريض: ) !! _ الضغط على حامل الكرة شي غير طبيعي من المهاجم يبدون الضغط وفي اكثر من كرة مهاجمهم رقم 9 اربك المرشدي وهوساوي ومعه اثنين اجنحه يساندونه وكل الكرات المقطوعه الهلالية تلقاها عند رجلين الايرانيين وبسرعه البرق في المقابل : الهلال لايعترف بمبدا الضغط على حامل الكرة ابدا ياسر والتايب ابدا ابدا مايساهمون في الضغط ولا التحرك بدون كرة في الملعب 888 طبعا هالفروقات الفنيه ماتجي في يوم ولا يومين ولا مباراة ولا مباراتين تحتاج عناصر فنيه وتحتاج مدرب يغير من طريقة اللعب ويطورها خصوصا في الناحيه الهجوميه @ تقييم للاعبين @ الدعيع : تسبب في الهدف الاول ( جيد ) المرشدي : كان عنده ثقه زياده ( جيد جدا ) هوساوي : نجم نجم خلص ثلاث اهداف وسدح في كم واحد بغى يجيب هدف ( ممتاز ) الزوري : نجم ايضا ومضلوم هاللاعب مامعاه جناح ايسر يساعده :( ( ممتاز ) نامي : قدم اداء جيد جدا عزيز: ضعيف واخطائه في التمرير كثيرة جدا رادوي : ايضا ماكان في قمه مستواه لكن مو سيء ويلي : جيد جدا حاول لكن عابه الفرديه في اكثر من كرة التايب : سيء الفريدي : قدم اداء افضل من المباراتين الي قبل المشكله اننا نحتاج جناح ايسر صريح مو صانع لعب ياسر : سيء .. اتمنى اراحته لمده اسبوعين واخضاعه لبرنامج لياقي من جديد // لن تمشي وحيدا ياهلال وباذن الله التاهل هلالي ولا خوف باذن الله في آخر مشاركه تعادلنا في اول مباراة وتاهلنا بالمركز الاول الحمدلله ولا حول ولا قوة إلا بالله |
انا من رأي انا كل هلالي غير راضي عن النتيجه وخااصه على ارض الهلال اذا كنا راضين بها المستوى عز الله لافيه اسيويه ولادووري |
::: تعادل اليوم كان ( صدمه ) بالنسبه لي وأكيد للأغلبيه ما اخفيك اني كنت متوقع الفوز وبنتيجه كبيره و الإداره ما قصرت مع اللاعبين ( لا مادياً ولا معنوياً ) يعني اللعيبه ما كان ينقصهم شي لكن بالرغم من خسارة نقطتين الا اني متفائل بقوه بالتأهل ومثل ما تعرف ( انك تتعثر بالبدايه ) وتحاول تنتبه لنفسك وتصحح أخطائك أفضل من انك تبدا بدايه حلوه وبعدها تنصدم بأشياء كنت غافل عنه والصراحه مباراة اليوم ما كانت سيئه لدرجة التشائم واليأس من البطوله صدق بعض اللعيبه عليهم ألف علامة استفهام مثل ( الدعيع - ياسر - عزيز - ولي ) كنا متوقعين منهم الأفضل أول مره أشوف الدعيع مرتبك الإرتباك هذا ؟؟؟؟؟ وش السبب ما أدري !! الدعيع قائد الفريق ( اذا هو انهز الفريق كله راح يضيع ) لكن وش نقول ؟؟ ::: يـــارب اجعل خسارة النقطـــتين خيـــره لفريقنــا ::: ( يا هــلال روح والقلب داعـــــي لك ) |
اتفق بالتقييم ماعدا عزيز والتايب بس أحس المدرب هو اللي عك في التشكيله .. ولا كان بالإمكان أفضل مما كان .. شكرا لك .. |
إقتباس:
لكن بهالظروف الصعبه الي يمر فيها الفريق الي من النادي نفسه ومن خارجه !! إقتباس:
نتفاؤل لكن يجب ان يكون تفاؤلنا على مالدينا من مقومات إقتباس:
المدرب اخطا في بعض تغييراته لكن المدرب لن يستطيع ان يعيد ياسر لمستواه عنوة منورين جميعا :rose: |
تلعب بمحورين مع فريق مدافع والله ه>ا الشي المحير وخالد عزيز لايجيد الا قطع الكورة فقط |
يا احوان الهلال تاية والسبب كوزمين كوزمين ترك فريق منضبط دفاعيا لايجيد بناء هجمة مركزة يجب ان نواجه الواقع ليس لدينا هجوم مرعب انما حمل وديع يقع فريسة سهلة للفريق المقابل |
أجــــــل التايب سئ وويلي جيد جداً بالمعكوس لو في لاعب غير الفريدي كان في كرتين من صنع التايب كان النتيجه 3ـ1 ولكن وش يسوي بلاعب يعطيه الكوره قدام الباب وما في إلا الحارس يرجع يثبتها عند الدفاع |
غلطان التلايب ممتاز والله بدع ابونادين |
للمره المليـون انتبهوا من المندسين .... يصطادون في الماء العكر المباراه اليوم طيبه ومن ابدع مايكون خصوصاً الشوط الأول ... لكن الله ماكتب .. وان شاءالله نتوفق في قادم الايام |
| الوقت المعتمد في المنتدى بتوقيت جرينتش +3.
الوقت الان » 08:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd