|
عفوا ياهلال اسيا للكبار والله اني اكتب وقلبي يتقطع من التعادل ياناس سبب تعادلنا تتلخص في النقاط التاليه: 1ـارتباك الاعبين في اول الدقائق وكأنهم اول مره يلعبون كرة قدم 2ـتضييع الفرص والاستعجال امام المرمى 3ـ عدم وجود مدرب وتخبطات في التغيير واحب اقول في النهايه الف مبرول ياعميد وياليث وهارد لك ياتفاق وياهلال {الله يرحم ايام الثنيان والجابر والتمياط وغيرهم من الاعبين الكبار } وياليت ياسر في الاحتياط والفريدي ويبدأ المدرب بالشلهوب والعنبر صدقوني الهلال بيفوز علشان ابو قحط والفريدي يحسون بالمسئوليه لان من يرتدي شعار الزعيم يكون قد المسئوليه ويلعب بروح قتاليه وترك الاستعراض الزائد اللي ماله داعي |
{الله يرحم ايام الثنيان والجابر والتمياط وغيرهم من الاعبين الكبار } هذي العباره تكفي عن كل الكلام |
يضل الهلال كبير بزعامته انت والكل يعرف من وضع العراقيل |
هاردلك ياسر والفريدي ؟؟؟؟ حتى الدعيع اليوم بارد كثير الاحتياط تنتظرهم |
::: تعادل اليوم كان ( صدمه ) بالنسبه لي ما اخفيك اني كنت متوقع الفوز وبنتيجه كبيره و الإداره ما قصرت مع اللاعبين ( لا مادياً ولا معنوياً ) يعني اللعيبه ما كان ينقصهم شي لكن بالرغم من خسارة نقطتين الا اني متفائل بقوه بالتأهل ومثل ما تعرف ( انك تتعثر بالبدايه ) وتحاول تنتبه لنفسك وتصحح أخطائك أفضل من انك تبدا بدايه حلوه وبعدها تنصدم بأشياء كنت غافل عنه والصراحه مباراة اليوم ما كانت سيئه لدرجة التشائم واليأس من البطوله صدق بعض اللعيبه عليهم ألف علامة استفهام مثل ( الدعيع - ياسر - عزيز - ولي ) كنا متوقعين منهم الأفضل أول مره أشوف الدعيع مرتبك الإرتباك هذا ؟؟؟؟؟ وش السبب ما أدري !! الدعيع قائد الفريق ( اذا هو انهز الفريق كله راح يضيع ) لكن وش نقول ؟؟ ::: يـــارب اجعل خسارة النقطـــتين خيـــره لفريقنــا ::: ( يا هــلال روح والقلب داعـــــي لك ) |
ياخوي لاتقارن الهلال بالشباب والاتحاد ,, الهلال توضع له عراقيل في الاسيويه عشان مايتأهل لكاس العالم وينفرد بالعالميه الاصفرين فقط وانا ماجبت كلام من راسي هذي كلها اشياء نشوفها والهلال الان يمر بظروف صعبه جدا خصوصا انها جت في أهم مرحله وهذا هو الاهم بالنسبه لسلطان واسير الشوق لكن مانقول الا الحمدلله رب العالمين ولاحول ولاقوة الا بالله وحسبنا الله |
صدمة كثيرا بمسوى ياسر والفريق بأكملة اتمنى منهم الجدية والتعويض في المباريات القادمة |
اخوي اؤيدك بكلامك ولكن أخالفك بعنوان الموضوع فلا يعني ضياع مباراة ضياع البطولة كاملة نسأل الله العلي القدير التوفيق للزعيم وبإذن الله ينطلق المشوار من 3 نقاط مباراة باختكور |
إقتباس:
|
بالله كيف تبغوا الهلال يفوز وهو بدون مدرب |
ياسر محتاج واحد يسانده وياسر متحمل الاصابات عشان الهلال ولاننسى ياسر سوى فرص خطيرة وانا اشوفه ابدع اما الفريدي من يوم كان بالانصار وهو بارد والشلهوب احسن منه بكثير |
{الله يرحم ايام الثنيان والجابر والتمياط وغيرهم من الاعبين الكبار } وياليت ياسر في الاحتياط والفريدي ويبدأ المدرب بالشلهوب والعنبر صدقوني الهلال بيفوز |
للأسف هذا انتم ياجمهور الزعيم اذا اللاعب نزل مستواه سبيتوه واذا صار مستواه ممتاز وصلتو النجوم ياسر من بداية الموسم ماارتاح ولا مباراه لامع الهلال ولا المنتخب ومع ذلك مستواه جيد لا اقول ممتاز اللاعبين اوادم موب مكاين |
انتو ما تفهمون كوره ياسر اللي يفهم بس انتو تفرجوا يا جمهور اللي في المدرج يتفرج يتفرج وينقطع حسره وقهر من لاعبين عديمي المسؤليه وهذا نتيجة الدلال الزائد اذا مشجع يعرض نفسه للخطر والاهانه في الملعب يحضر عادي لا ينتقد خله يتفرج اذا مشجع جاي 600 كم عادي خله يتفرج ياخي حسوا بالمسؤليه ترى كرهنا نشوف المباريات شفت مباراة الاتحاد فريق صح سهل يسجل فيه بس تحس انك تشوف كوره ياسر الفريدي المرشدي اذا بتواصلون مستواكم هذا ترى الدكة تناديكم الشلهوب ينزل ويقدم مستوى ويجلس بالدكة مهاجمين في الاندية الثانية برزوا لان لا يوجد لديهم ياسر محتكر المركز |
وخنبقة الدعيع اول المباراة ومافيه مدرب زي الناس |
ياسر اليوم المفروض مسجل اربع اهداف محققه لكن هو تعود على الفلسفة شي مانرضاه في فريقنا اذا كنت تبي تلعب كنك قدام النصر اجل ارجع للقادسية والله اني تمنيت العنبر موجود على الاقل الكرة العرضية مايضيعها مثل ياسر ياسر (طفح الكيل )اتمنى الاستغناء عن احد الاجانب وجلب مهاجم هداف وليس سداح بالتوفيق للزعيم الاسيوي وان شاء الله تكون درس للإدارة وتفكر بجلب المدرب المناسب الي هو بلاتشي او مدرب لو تدفع عليه اغلى الاثمان كما دفعت لويلي الذي لم يقدم اي شي في المباراة يذكر |
يا اخوان لا تقسو على الاعبين الكل حاول يجتهد ولكن كان ينقص التوفيق فقط ... ولا بد نقول الى الامام يا زعيم ونحن وراك ... ويا زعمااااااء كررنا الكلام اكثر من مره لا تدعو المندسين يثيرو المشاكل بيننا ولا بد ان نكون يداً واحده . |
قبل لا تتكلمون على الاعبين وتنتقدونهم انتم وش قدمتوا للهلال وهو مهديكم كاس ولي العهد لا حظور زي الناس لا وتنقدون بعد بالنسبه لياسر تراه بشر مثلنا يعني مو مكينه والله هو مو .........made in خلاص المباراه انتهت ولازم نفكر بالقادم ويعطيك العافيه |
الفريق فاااشل اتمنى درس الموضوع حسبي الله ونعم الوكـيل |
والله لو هذيك الكورة حق سول دخلت المرمى كان هذا الكلام ماهو موجود مشكلتنا اننا جمهور عااااااااااااااااااااااااااااااااااااااااااطفي لابعد حد ياناس ياعالم المباراة اليوم رائعة بكل ماتعنيه الكلمة لكن الحظ مثل ما شفتوا اللاعبين قدموا مباراة ولا اروع ولازال قدامنا 5مباريات اذكروا الله وصلوا على النبي خلوا عنكم هذا الكلام |
إقتباس:
:yes::yes::yes: الله يوفق الزعيم |
اشكر جميع الاعضاء الذين تفاعلوا معي وماهي مستغربه من جمهور الزعيم الوفي وياناس لاتواخذون علي من الانتقاد الشديد وذلك لاننا جمهور الزعيم لانرضى بغير الفوز والوصول للعالميه فيعطيكم العافيه والى الامام يازعيم |
أكيد التعادل صدمه وصدمه كبيره ..وما أخفيك اني عصبت واتقهرت لكن في لحظتها فقط .. حقيقة عفوا لك أنت وليتكْ ماكتبت هالعنوان فالهلال نادي كبير ولاعبين كبار ويملك ادارة نموذجيه وسيتدارك الموضوع باذن الله .. وسيتجاوز العراقيل كلها باذنه تعالى ...! عجبآ لكم يآ جمهور الزعيم :bigeek: تعادل وبظروف صعبه وكلنا عارفين وش الظروف أولها رحيل مدرب في آخر الموسم يعني وقت الحصاد وارهاق اللاعبين فوق كل هذا .. والادارة واالاعبين أكيد عايشين جو توتر بعد رحيل كوزمين وهالشي لازم يصير خصوصا انه مثل ماقلت آخر الموسم فحطوا ببالكم هالتعثرات البسيطه الي تصير لأغلب الفرق .. والهلال بعون الله قادر على تجاوزها ولكن لنقف جميعا مع الهلال ..:rose: بصراحه ماأبي يطلق على جمهورنا جمهور فووز فقط نحن نعشق الهلال لهذا نظل مع الهلال في كل حال :bigeek: |
إقتباس:
اول اذا في مباراه ماجاب هدف نستغرب وبعدين ياخي ملينا من كلمه ما ارتاح ياخي هو محترف يعني شغله كوره وهذا عزيز ماشالله عليه المركز اليي هو فيه يحتاج مجهود جبار لا نحاول نجيب اعذار |
الله يجازي الى كان السبب والله كرهونا بالكوره حسبي الله عليهم |
من حقنا نكون جمهور عاطفي .. لان ما تعودنا بروود عجيب .. من قيادات الفريق .. في الملعب .. الدعيع .. ارتباك .. وبروووود .. يرفع ضغط الجمهووور .. ياسر .. فلسفة زايده .. واستهتار عجيب .. وبرضه .. رفعة ضغط للجمهووور .. الفريدي .. من يومه وهو بااارد .. ويلي .. اشوف انه اليوم يلعب برد عكسي .. للمستويات الي قدمها في المباريات الاخيرة .. يمكن شي راجع للمخزون اللياقي .. عزيز .. احس انه لعب دور كبير .. في الوسط .. بس حانته رجله .. في كم لقطه .. الصويلح .. كأول مشاركة .. اتوقع مستواه .. جيد .. المرشدي .. الي يشوف لعبه .. يحس ان تفكيرة .. مو معاه .. هوساوي .. دون النظر للهدف .. اتوقع هو رجل المباراة .. رادوي .. تمركزااااته .. خاطئة على الاغلب .. الزوري .. برووووود .. يقتل الاعصاب .. نامي .. نو كومنت .. التايب .. لعب .. واشتغل .. بس العبرة دايما .. بالخواتيم .. والفلسفه الزايده .. تموت اللعب .. الشلهوب .. بدقايق معدوووده .. اقنعنا .. انه عائد بقوة .. سول .. ايضا .. لا تعليق .. ولا ننسى .. لاعبين سابا .. كانوا يضيعون الوقت .. ويموتون الكرة .. انا بصراحه .. تنرفزت من اسلوب اللاعبين .. بالتعامل مع المباراة .. واستعراضاتهم .. البايخة .. ويمكن يكون اهم سبب .. عدم وجود مدرب .. واتوقع .. اللاعبين .. منهارين نفسيا .. من هالنقطه .. واتمنى من الاداره .. تفعل دور .. الرسائل المعنويه .. وتتعاقد .. مع محاضر .. نفسي .. عشان .. يطلعهم .. من هالصراع الي عايشين فيه .. ويرجع هلالنا مثل ماكان .. كل الي نقوله .. من غيرتنا على هلالنا .. ومن عشقنا .. للكرة .. وفنونها .. واهداااااافها .. |
اعتقد ان هذا الموضوع ينكتب في منتديات الحالمي واتمنى من المشرفين على المنتدى ايقاف هذا العضو لتجراه على الزعيم وبعدين مب هو الي يعلم الادارة واللاعبين والمدرب هذا من الجماهير المتعصبه والجماهير المتعصبة والمريضة نفسيا لا مكان لها في منتدانا عالعموم ارجوا لفت نظره |
اخوي اوافقك في بعض ماقلت لكن اخالفك وبشدة في العنوان فالزعيم كبير اسيا لاتنسى ذلك |
ياخوفي ها التعادل بداية الانتكاسه للهلال , يصير لا اسيا ولا دوري ولا كاس الملك .!! تحطييييم نفسي كبير على اللاعبين , والمباراه الجايه صعبه جدا , باختاكور فريق كبير ومنظم بشكل عجيب.!! ولايهزم على ارضه ,,!! ياخوفي من الخساره في ارض باختاكور بس ..!! |
حسبي الله على من كان السبب واتمنى من الادارة ماتتفرج على الوضع تجيب مدرب بسرعة او تعين الحسيني كاتالين فااااااااااشل مباراتين تشكيلة خطأ وتبديلات خاطئة بقوة الله يعيننا |
الــــــــــــــــزعيم اكبر من الكبير واسيا اصغر من الزعيم ووالله ان زعيمناء كبير بس الحساد والحاقدين ما يخلو احد |
إقتباس:
|
{الله يرحم ايام الثنيان والجابر والتمياط وغيرهم من الاعبين الكبار } |
والله ياسر داااااااااااااااااااااااااااااااااااااااااااااااااااااااااااااااااااااااااااااااااااااااج |
الهلال يضل كبيرررر وقاااااادر بأذن الله التاهل من هذي المجمووعه .. |
اول شي هاردلك التعادل وصدقني هذي بتكون نقطه ايجابيه باذن الله وثاني شي انت معجبك مستوى التايب وعزيز ورادوي الفريق كله سئ ولا تطلبون من الفريدي فوق طاقته على الاقل الفريدي افضل من التايب بالمباراة بصراحه والله يوفق زعيمنا |
كلآآمك سلييم بس عنوآنه يعآآآآآب علييييك الهلال بطل آسيآآ الأول والأخير حتى لو لاقدر الله ماتأهلناا |
العبر خله يعرف يثبت اول كوره ثم يراوغ اي مدافع اتحداك تجيب لي لقطه والعنبر يجر اويفر او يراوغ اويثبت قوره بعد استقباله لها لمعلوميتك اذا نزل العنبر يظعف الهلال وتقل خطورته ومباره الشباب اكبر دليل وهو ناقص مانفعك راسه |
انا معاك في الي تقوله بس لا تبخس احد حقه . والله ياسر ماقصر بس الموووت بروده الفريدي وثقة المرشدي الزايده في النفس وبطء الحركة . بس ان شاء الله الجاي خير لكل زعيم . الله يوفق الزعيم في الجاي |
الهلال كبير بس اليوم ماكان في يومه وكانت فيه اغلاط وانشاء الله المباراة الجايه بنعوضها |
| الوقت المعتمد في المنتدى بتوقيت جرينتش +3.
الوقت الان » 01:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd