أنا من زمان أقول هالكلام الرجل نازل مستواه من موسمين

يعني مهاجم وراه 5 وسط منهم3 صناع لعب المفروض يكون هداف الدوري صح ؟؟

المفروض الحين يعطون العنبر الفرصة الكاملة ما شاء الله عليه هداف و ما يشوف إلا المرمى

ومازال اللاعب الاعلامي الاول يؤكد نظريتي اللتي سبق ان ذكرتها من رحلته السياحيه الى مطبخ فريق مانشستر سيتي .. الولد مايبي الهلال خلاص ..
ماعاد ينحرق للهلال ابدا ولايهمه فاز او انهزم .. لو انه رجال ان كان اعتذر للجمهور لأنه مصرح قبل المباراه ابرمي سهامي .. ولا شفنا سهام ولا رشا ولا اي شي ..
قسم بالله قمة الغراابه من الجمهور الهلالي مازال يدافع عن ياسر من يوم قال اللي في المدرج يتفرج .. وكررها كم مره .. لاكن ماعندك احد ..

مشكلة الهلال ان تفرق جمهوره الى احزاب .. جمهور طارق وجمهور ياسر ..
وجمهور ياسر كلهم دببه بزران لابسين عشرين ولايدرون وش الكوره ..
وفووق هذا الاعلام الاعمى بقيادة كتاب الجزيره يدعمون ياسر في ضياع الهلال ..
بيجي المحياني ويروح مادرينا عنه واذكركم .. الاعلام الهلالي يدعم ياسر على حساب الهلال والشواهد كثيره ..
الحل الوحيد لياسر الاحتراف لو ندفع له فلوس وينقلع .. قسم بالله مهزله اللي يصير ..
ياخي انا كنت في الملعب وفي المنصه .. وش ذنبي اعصابي تحترق ولاعندك احد يحس ..
الفريدي المفروض يهدد بأنه بيعار للحزم علشان يستحي على وجه ويعرف يلعب زي الناس .. عبدالعزيز الدوسري قسم بالله الولد لعيييييب بس آآآآهـ يالواسطه في الهلال ..

والله الهلال يعاني من ظهير يمين وبديل للظهير اليمين .. وبديل جاهز لقلوب الدفاع ..
وبديل لصانع اللعب .. ومهاجم وبديل لمهاجم ..

تخيلوا امس اسامه هوساوي مصاب .. الاحتياط مافيه ولا مدافع .. !!

تخيلوا الاحتياط امس مافيه صانع لعب .. !!

كيف تبون اسيا .. !!!!!!!

لاكن في النهايه .. اتضح بأن كوزمين داهيه العالم كان سر انتصارات الهلال الى جانب الدعيع طبعا ..

تخيلوا الهلال ياجماعه مافيه احد يشوت من برى الـ 18 اعووذ بالله وش هالفريق ..

ياخي حتى الفاولات مافيه احد يركبها مثل الناس ..

اف بس تعبت انا وانا اكتب ..

لا كملت بعد والانتر طلع من ابطال اوربا .. وش هالاسبوع السيئ !!

من تلعب غيره .. الصويلح امس اول ماخش الملعب يعرج ..
قسم با اللله شي يضحك ..

عاد يوم شفت هجوم الهلال تذكرت ويلي والمبلغ الخرافي اللي اندفع فيه

مو من زود عند ويلي والله في لعيبه اصرف منه كان حط دراهمهم
فيهم وجاب مهاجمين صاحيين ..

وياسر لو في غيره صدقوني كان لقيتوه احتياط

انثبر والله انت متخلف وما تدري عن الكورة
يلا موووووووت

والله كلامك

صحيح

الشلهوب احسن من الفريدي بكثير

لا بعد عندك ولي ما سوى شئ امس

كنت ابي يدخل الشلهوب بدل ولي

وياسر بدل الصويلح

يعاقب معاقبه اداريه فقط
مين تحط بداله سيول ولا العنبر ولا الصويلح كل واحد اشين من الثاني

ياسر لاعب كبير

وانت الحين تسب هجوم الهلال , وتريد وضعياسر على الدكة ! تناقض ياحبيبي !

اما الفريدي ونامي فهم تكملة عدد فقط !

اظن الامير بندر بن محمد له دور في اشراك الفريدي !!!

ونامي ما ادري وش يبون به !

اي والله ما لهم الا دكة الاحتياط

ياسر والفريدي

والله مكانك في الحتياط يا ياسر


أجل بالله مهاجم ويضيع فرص في آخر 5 مباريات مهمة ولا يسجل ولا هدف فيها وهو مهاجم


عجبا لك يا ياسر

نعم فريق متواضع ... بس الهلال بدون روح

ياسر يهووون عند سيول والفريدي

ياخي نبي حماس مانبي تبديلات اللعب ميت ميت ميت الواحد يله يمشي

بررررررررررررررررررررررررررررود غير طبيعي عدم احترمنا نحن كمجهور وقبلنا الادارة


فعلا اذا اكرمت الكريم ملكته
واذا اكرمت اللئيم تمردا
اهدا خاص الى الفريدي المغرور الي مكانه دكة الاحتياط
وسول الكسول الي حدة مكانيكي ويخب عليه

الله يعين على (( ياسر ))

والله مستواه .. مره نازل .. ولا أحد ينكر ..

لا كن مانزل مستواه إلا في وقت صعب التعويض ..

والله يعين بس .. مافيه أي مُهاجم غيره .. وهو أفضل السيئين ..

لاكن إن شاء الله راح يجي (( المحياني )) وراح يعدل من وضع هجوم الزعيم ..

اوافـق الــرأي يا اخ بــردقــا ولكـن ميــن بتلعـــب مكـــان يــاسـر العنبــر ولا الصــويلح ولا المحتــرف الكــوري سيـــول يــاســر خطــا اغلــب اللاعبين اخطـئو والخطــأ وارد ولكــن كيــف تعــالج الخطـــأ انــا اجهـــل تمسكـ الاداره الهـــلاليه بالمــدرب رغم وجــود من هــو اكفــىء منــه امثــال المــدرب القــديــر عبداللطــيف الحسينــي؟؟ وشكــرا....