|
رغم التعادل : خلونا نكون صريحين الفريق لعب أفضل مبارياته هذا الموسم بغيت أحط عنوان الموضوع مشابه للمحتوى لكن مستوى الفريق حطمني أسوء مباراة للفريق والمشكلة أن أغلب مباريات الموسم مشابهة لهذه المباراة ولكن الفرق بين هذه المباراة وباقي مباريات هذا الموسم أننا نفوز في تلك المباريات بفارق هدف وبنفس المستوى الزفت الذي ظهر به الفريق في مباراة سابا وكل مرة نقول بيتعدل الوضع وبيتحسن المستوى ولكن للأسف كل مرة يظهر فيه الفريق بنفس المستوى أو أفضل من بنسبة قليلة أو أقل منه بنسبة كبيرة لا بد للزعيم أن يعود للعب الهجومي الكاسح فمن يوم أتى باكيتا ومن بعده من مدربين وإدارة أعتمدوا على الدفاع مع أن المثل أو القاعدة الرياضية تقول أن أفضل وسيلة للدفاع هي الهجوم وهذا الواقع وعليه ترى فريق كالإتحاد متصدر للدوري وتجد مهاجمه الدلخ عماد متعب وجد ضالته في الإتحاد لأنه وجد فريق من دفاعه الى هجومه مبدعين هجومياً ونجد أن ضعف دفاعهم يغطيه اللعب الهجومي .. والهلال مع أنه على مدى تاريخه الماضي القريب نجد أنه ناجح هجومياً ودفاعياً فهو ليس في حاجة للتكتل الدفاعي الرهيب والذي برغم هذا التكتل نجد أن الفريق لم يسلم من تسجيل الاهداف في مرماه باكيتا وكوزمين من رفع أسهمهم في قلوب الجماهير الهلالية هو أسم الزعيم وتاريخه لا نريد أن نجعل قضية كوزمين تعصف بتفكرينا فالفريق لم يفز في أغلب مباريات الموقع إلا بهيبته وأسمه ( بالرغم من تعاطفي مع كوزمن) تخيل فريق لا يستفيد من : الهجمة المرتدة والركنية والفاول والآوت والعرضية التسديد من خارج المنطقة تخيل هذا الضياع الرهيب في مثل هذه التكتيكات تخيل لو الزعيم يطبقها ويستفيد منها جميعاً أو بعضها أقول ولا زلت أقول الزعيم يفوز بإسمه وتاريخه فقط أرجوا من الادارة الكريمة أن تستقطب في فترة التسجيل المقبلة لاعبين أجانب يحرثون الملعب حرث بدلاً عن ويلي وسول ورادوي ولا ننسى سقطة كوزمين الرهيبة عندما أبعد المبدع الكلثم والتنبيه على الصويلح والعنبر بتطوير مستواهم أو الباب |
ياخي دفاع دفاع دفاع والله ملينا لا ومن زين التغييرات الفريدي يوم بدا يتحرك طلع ونزل الصويلح اللي مالعب له 3 شهور ويلي اللي مو بمستواه ابدا اليوم هو المفروض يطلع موب التايب سول نقص للفريق ومو معقول انه فريق متكتل في العمق تطلع ظهير اللي من المعروف انه تفكيك التكتلات الدفاعيه عن طريق الأطراف ماقول الا الحمدلله ولاحول ولا قوة الا بالله وحسبي الله ونعم الوكيل |
ينقصنا مدرب هجوووووووووووووووووووووومي ليعود الزعيم لماضيه الجميل |
فريق لا يحرز اهداف إلا بشق االأنفس لن يذهب بعيداً في أي بطولة ، الهدف من كرة ثابتة ولا ضربة جزاء فريق لايوجد به مهاجم مثل ياسر القحطاني قبل موسم ، لا حد يقوللي ياسر موجود ، الموجود خيال ياسر ، لاعب ذبحه الغرور واصبح يلعب بتعالي وعلى الواقف وفقد أهم أسلحته وهي القتالية والمباغتة ، أصبح لايعطي في الملعب بحماس وغيرة فريق به لاعب سلحفائي وبارد كأحمد الفريدي فريق به لاعب بدأ جيدا وأشاد الجميع به ، اصبح ثغرة دفاعية كبيرة ماغير يلعب بيديه كلاعبي كرة القدم الأمريكية ، ماجد المرشدي والله اصبح يخوّف وحتى تخليصه للكرات بالرأس للخصم ، والله يخلي المدافع الجسور اسامة هوساوي والله ثم والله بطل دفاعاً وهجوماً التايب كان جيداً ويعيبه التركيز على التمرير الصعب ويغفل تمرير الكرة على الأطراف عزيز بطل ، الهوساوي بطل ،نامي متطور ، الزوري يعيبه التراخي والثقة ولكنه ادى شوط أول ممتاز ، ويلهامسون أسوا مباراة له ولكن ما كل مرة ننتظر يشيل الفريق، رادوي جيد علينا مراجعة حساباتنا وخاصة في الناحية الهجومية فنحن نلهث ولا تمطر سماؤنا ، كما اننا لانملك من يسدد من خارج المنطقة الله يوفق هلالنا في قادم المباريات ::no: |
ياخوي الفريق بداية المباره مرتبك ليه بس الظاهر أول مباراة رسميه يلعبونه وناقصهم الخبره الكافيه <<<للاسف انهم عناصر دولية سابقة في المنتخب الدعيع مو في يوووومـــــــــه ابد وظهر عليه الاهتزاز في العشر دقايق الاولى.. خالد عزيز ياخي انت لاعب لا يختلف عليه اثنان بس ياريت تسلم صح وتترك عنك حركات بيرلو الاستعراضيــه.. التايب مستواه اليوم غريب جدآ يا كبتن الفريق الايراني يعتمد على القوه وايضآ صعب جدآ تسحب به ياسر ياريت تتفرغ للعب السهل بالله نبـــــــــي لعب الســــــــهل البعيد عن التعقيدات يرحم ابوكم يا دوليين |
ياناس لاتلومون الفريق فريق محارب من جميع النواحي إقالة مدرب في وقت حرج تشديد على الجمهور واللاعبين رئيس يحضر التمارين والأسى واضح على وجهه احمدو ربكم اللي صارت تعادل موب هزيمه |
فــــــــريق يلعب بدون مـــــــــدرب ماذا تنتظر منة,, الابــداع... مستحــــــــــــــيل وكاتلين لم يدرس الفريق الايراني جديدا" لعب بنفس طريقة الفريق الايراني رغم انة يلعب في ملعــبة وسيستمر الهـــــــلال بإضاعة النقاط إذا استمر بــلا مدرب |
دائما الهلال في بطولة اسيا يظهر يخرج من المباره بخيبة امل :( ياهلال حنا التأهل متأهلين ان شاء الله بس نبي لعب صح نبي مستوى قبل النتيجه :( |
الحمد لله و لا حول و لا قوة الا بالله أجانب الهلال التايب & رادوي مميزين وينبغي الحفاظ عليهما أما سيول ويلي أوت من غير رجعة |
مشكورين على المشاركة والردود |
انا اليوم عاجبني الهلال لعبه 100% فريق يلعب بدون مدرب ويلعب بالمستوى هذا اعتبره فريق الاحلام |
اقول انت ووياه اجل ويلي تبون تطردونه صدق ماعندكم سالفه قسم ارجعوا لأهداف الهلال بالدوري اغلبها صنعها ويلي ياناس انتم مادري كيف تفكيركم اللي مفروض ينطرد سيووووووووووول والله ان ليلو ابرك منه |
سبحان الله و الله عجيب امركم يا زعماء الحين لو اللاعب جاب هدف مافيه مثله و خلاص نوصله السما لا جات مباراة و سجل ويلي هدف ياهووووووو مافيه احسن منه بس لو في يوم من الأيام لعب و ما كان بالمستوى المطلوب ننتقده و نقول انه ما يستاهل يكون بالهلال خلاص كفانا انتقاد لازم نوقف مع زعيمنا و ما نلوم اللاعبين و الله الظروف الي مر فيها الهلال بالفترة الاخيره لا يسر صاحب و لا عدو نبي ننقد مو مشكله بس نقد يعني نستفيد منه و يفيد اللاعبين و يخليهم يحسنون مستواهم و آدائهم بس التجريح و غيره من هالكلام و حنا تونا في بداية المشوار ماله داعي يا اخوان لازم نوقف مع اللاعبين وقفة رجاجيل مع انه صحيح فيه اشياء ترفع الضغط خصوصا سول الي من يوم ما جا و انا أسيرة للضغط و السكر بس وش نقول ... خلونا نوقف مع هلالنا و مهما صار الزعيم زعيم الله يعافيك ياخوي ع الموضوع و السموحه ع الاطاله و تراها وجهة نظر تقبل مروري |
كوزمين وكفـىآ لاتوهموا انفسكم ان غيابه غير مؤثر. |
يجب على الادارة جلب مدرب لهم اسمهم في الساحة الرياضية وعدم الاعتماد على كاتلين الذي لايعرف قرائة المباراة فالعناصر موجوده لكن يعيبهم عدم وجود من يوجههم التوجيه الصحيح داخل الملعب بالتوفيق للزعيم الاسيوي |
| الوقت المعتمد في المنتدى بتوقيت جرينتش +3.
الوقت الان » 10:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd