|
زعيمنا بلا هــويــه يا شبيه الريح السلام عليكم جميعا لست من هواه ردود الافعال المستعجله علشان اكتب بعد المباراة مباشره لكن هو افضى وقت لي علشان اقدر اجلس فيه امام النت :bx: انا كلي ثقه باداره الامير عبدالرحمن بن مساعد وبقراراتها طرح الثقه بمساعد المدرب كاتالين هو شأن اداري واحترمه ولكن يا اميرنا العزيز المدرب وكأنه يقدم نفس التشكيله التي كان عليها كوزمين في اخر مباراة وفقط ولا اراه سوى بالصراخ (ويلي,,ويلي) حتى تغيرياته محفوظه من اجنده كوزمين انا لا اطالب بشئ خيالي واختراع جديد لكن الكل يعلم بان لكل مباراة ظروفها ولا يجب ان تكون الظروف نفسها هي الي تجبرك على نفس التغيير كمثال الكل شاهد تراجع الفريق الايراني واغلاقه للمساحات الخلفيه انا ارى ان يخرج احد المحاور وادخال مهاجم ثاني بدل من اخراج الفريدي الي تحرك في الشوط الثاني اعلم والله المجهود الخرافي المقدم من قبل الاداره لرأب الصدع في الجهاز الفني ومحاولتهم مع اكثر من اسم لكن لم يوفقوا للتوقيت السيء جدا لعدم توفر الاسماء التدريبيه المناسبه في هذا الوقت ولكن اتمنى (وهذه لا تتعدى امنيه لهلالي متابع) طرح الثقه في عبداللطيف الحسيني يا شبيه الريح زعيمنا والله ليست له هويه هجوميه نهائيا كلها اجتهادات فرديه فقط لاغير الهجوم وخط الوسط الهجومي لدينا منهك ولا توجد لدى المدرب حلول بديله!!! لدينا الشلهوب والخثران والغامدي يمكن الاعتماد عليهم في بعض فترات المباراة وبوقت اطول من 10 دقائق!! *ياسر القحطاني مجهد من المشاركات المتعدده بين المنتخب والنادي لحد ينقز ويقولي هو لاعب محترف بقول انا معك لاعب محترف بس لا تتوقع من اللاعب المحترف يكون بالفورمه في كل مباراة او انه يسجل لك في كل مباراة اذا كنت تلعب بمهاجم واحد لان خطه المهاجم الواحد تعتمد على القادمين من الخلف في تسجيل الاهداف مثل اعتمادها على المهاجم *الفريدي لازال لاعب يحتاج الكثير والكثير من التوجيه الموهبه واللمسات موجوده وواضحه لكن الفكر الاحترافي يحتاج للصقل * ويليهامسون الكل يشيد به وبعطاءاته من بدا يتأقلم مع الفريق لكنه يذكرني بايام الحاره لمن يكون معنا واحد حريف الكل يعطي الكور له انا اشوف من يوم احد يحصل على كوره على طول يدورعلى ويلي الين ماصارت كسر هجمات الهلال سهله جدا وهي بايقاف ويلي باي شكل من الاشكال * التايب من رجع بعد الاصابه ورجعت معه التمريرات البينيه لكن مع الاسف رجوعه جا في وقت عصيييييب جدا القحطاني منهك , الفريدي ضايع في اغلب اوقات المباراة وويلي مراقب رقابه شديده بالنهايه اتمنى من كل قلبي ان يتريث الجمهور الكبير ولا يقسووون على اللاعبين الزعيم يحتاج فقط الى صنفره وان شاء الله يعود الي ماقبلاقاله كوزمين وافضل ان شاء الله ولا انكر لكم اني اراها والله لكن بتشجيعكم لادارتنا الغاليه واخر كلامنا ان الحمد لله رب العالمين |
الحمد لله رب العالمين .. وإن شاء الله القادم احلى .. ويتوفق فريقنا إن شاء الله .. واتمنى الوقوف مع لاعبين الفريق ومساندتهم وبالتوفيق إن شاء الله لأندية الوطن المشاركة في هذه البطولة ... الف شــكــر على الموضوع يــالــغــالــي... |
صادق في تحليلك اخي ابو فيروز |
ابو فيصل سوا كل اللي يقدر عليه ,,, وحتى الحسيني لو جاء ماراح يقدر يغير شي في هالوقت القصير ,,, للعلم فقط المباراة الجايه يوم الثلثاء |
أنا أشاطرك الرأي ونحتاج الآن مدرب بشرط أنه قد درب الهلال لكي لايأخـذ وقت في التعرف على اللاعبين والزعيم أساسا جاهـز ولايحتاجون لاعبيه أي إختبار معرفه ونشكر إدارة الهلال على سعة الصدر |
اقول يكفي تطبيل شوفو الاتحاد وشلون يلعبون وتعلمو يا اشباه لعبين |
بالمستوى هذا وبعقليااات اللاعبين هذي قسم بالله مانتأهل وتشوفون الا بحاله وحده ان الامير عبدالرحمن بن مساعد يهزء اللعبين ويأدبهم الدلع ماينفع خلاااااااااص الكل شاف محترفين الاتحااد اليوووم وش سووا مو محترفينا اللي متكدسين بالوسط على غير سنع صدقوني المجاملات والمدح ماينفع ورااااااح ندفع ضريبة مدحنا للاعبين ومجاملتهم والاياااام بيننا ااااااااه وين ايامكم يالثنيااان وسامي اللي تلعبوووووون بكل روووح عشان الهلال لاغيره ااااااه بس بيجيك واااحد يقووول تو البطوله بأولهااا اقوووله نتكلم الحين وننتقد دامها باولهااا يمكن يتعدل شي ويحسوووون اللاعبين وتطلع روحهم من اجل الهلال مو لما يطلع الهلال من البطوله يجيكم الانتقاااااااد لان ماينفع البكاااء على اللبن المسكوووووب |
إقتباس:
لكن توضيح للوضع من منظوري الشخصي وبالنهايه اتمنى اخي العزيز ان لا نتسرع بردود فعلنا هل معقوله الحين نقول عن لاعبينا نقول عنهم اشباه لاعبين؟؟!!!!! منتخب كامل قاعد يلعب معك في الملعب اذا استثنينا نامي :) شويه هدوء يالغالي وشويه عقلانيه |
والله ياجماعت الخير تركدو شوي ..........والله أغلب اللعيبه ماقصرو البعض كان عليه ملاحظات وانا كلي ثقة ان ابن مساعد ماراح يقصصصصصصصصصصر |
الحمد لله على كل حال ’’ وإن شاء الله هذا مو نهاية المشوار وبإذن الله القادم أحلى |
المدرررررررررررررب (( ............ )) أخذ مهمـه أكبر منـه بكل أمـانـه . . سـيـول .. متى بتعرف إن الكوره مدوره ؟ يـاسر ، ويلي : عسى ما شر ؟ الفريدي : إنــه داء الغرور عندمـا يتجلى الزوري : إلا لازم بتسمع تصفيق الجمهور لك ؟ الشلهوب : عااااااااااد والله عاااد بس عطوووه فرصـه يلعب أساسي الدعيع : ؟؟؟ تبوون آسيـا أجل ؟؟ يحلمووووووون .. آآه للأسف نحلم والله نحلم ما دام هذا الأدااااء . . . كوزمين أولاريو : لعنـة الله عدد ما أرتفع ضغطي اليوم على من كان السبب :( .. :( شبيـه الريـح : الله لا يخلينـا منك .. بس نبي مدرب يفهم شوي ( تكتيك ) |
إقتباس:
|
كاتلين متورط والله ماله ذنب قسم ان المبريات اكبر منه بس هو مساعد مو مدرب بس اقول حسبي ع الظلام |
و عليكم السلام و رحمة الله صدقت ياخوك الحمدلله على كل حال و ان شاء الله باذن الله نعوضها بالجاي |
شويه هدوووء يا جماعه التعادل صحيح انه مؤلم خصوصا انه ماكان فيه اي مستوى لكن خلونا نشوف وشو بيصير اكيد لدينااداره محترفه ومدير كرهعلى متوى عالي وقريب جدا من اللاعبين |
| الوقت المعتمد في المنتدى بتوقيت جرينتش +3.
الوقت الان » 02:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd