صوره مرعبه تخوف جميع من ينتمي للهلال + جمهور المقاهي والفصفص !
 

السلام عليكم ورحمه الله وبركاته
كيفكم ؟
][ صوره ترعب جميع من ينتمي للهلال ][
صوره مخيفه ومرعبه تجعل أي شخص ينتمي للهلال يرتجف ويخاف ... ما هي ؟
صوره لاعبين سابا باتري الإيراني ؟ لا
صوره مشجيعيهم ؟ لا
صوره .... ؟ لا
أقولكم وش هي ؟
هي صوره سول وهو بيدخل
إيجابيات سول :
-يتمركز بمكان صح ( هذي تتحول سلبيه والحين تعرفوا ليش )
سلبياته :
1) بطيء
2)ما يعرف يثبت
2)طويل وما يعرف يضرب راس
4)تمريراته خطأ
5)شوتاته عبيطه
6) إذا رفع يحسب أنه يرفع لأبراج ورفعها بوز ( قويه )
7)يحتفظ بالكوره أكثر من الازم إلين ما تنقطع
والله لو أبغى أكتب سلبياته ما أخلص لكن لو تشوفوا لعبه مع فولهام !
سريع صانع ممتاز كنترولات حلوه شوتات قوه مركزه رفعات بالملي ... إلخ
والمشكله أنه يتمركز بمكان صح ويغصبك تمرر له !
هو جاي إعاره يلعب زين ليش وهو إخذ الفلوس وح يرجه لفولهام بعد 6 أشهر

][ جمهور المقاهي والفصفص ][

ليش يا جمهور الرياض ما تملوا الملعب << سؤال عبيط لكنه حلو
اليوم اربعاء والجوا عادي والمباره مهمه ( إفتتاح آسيا وأول خطوه )
صحيح أنكم مليتوا الواجهه لكن الباقي ؟!
تشجيعكم ومئازرنكم وينها .............؟!
غالبيتكم ثياب وفصفص
أشكر كل من حضر وخاصة من شجع
ثم من أتى لينظر للمباراه فقط
وأعتب على كل من لم يحضر
وأذكركم أن :
الأمير عبد الرحمن بن مساعد يطلب ويرجوا منكم الحضور والتشجيع مو بس الحضور
وأنك إذا شجعت فأت جزء من الفريق والجمهور ليس الاعب رقم 12 بل هو رقم 1
أتمنى في المباريات القادمه تبظلوا وجوهنا وكلكم زرق ما عدا وجيهكم مثل ذا >s13s وذا>:alzaeem:
وتكونوا موج تغرق به الطوافات الإيرانيه والإمراتيه و واليابانيه والقطريه و أيضاً السعوديه في دوري المحترفين

تحياتي ورده

الجمهووووووووووووووور الذي لايستحق ان يمثل الزعيم

هو جمهووووووووووور الرياض جمهور المعلقين <<<< حط تحتها مليون خط

هم ليس جمهور الزعيم



تحيااااتي

انا اشوف لو ان المدرب قام باشراك الشلهوب من بداية المباراة كان افضل ويغير مع الفريدي

عمومنا المستوي كان ممتاز في الشوط الاول وعاب علي اللاعبين ضعف اللياقة في الشوط الثاني

وهذا سببه ان اللاعبين قاموا باستنزاف المخزون اللياقي في الشوط الاول

اضف الي ذلك ان بعض اللاعبين لم يحالفهم الحظ ياسر والفريدي وسول

ايضنا الصويلح لم يكن في الفورما ، عمومنا اتمني من التوفيق لي الزعيم في المواجهات

القــــــــــــادمة ، اخوي يعطيك العافية نقلت الصوره بشكل جيد .

جمهور فاشل وفريق متهالك وفاشل ... للاسف للاسف .. ركزوا على الدوري ..

مدرب لا يفقه بالتدريب .. يخرج التايب وهو من كان لديه الحلول ,,, عجيب يا هلال والاعج هو جمهوووووورك !!!!!

الشرهه مو عليك الشرهه على الي مخليك تكتب مواضيع هنا الواجهه الي ماهي عجبتك تشيل 40 الف متفرج حاضر وش الفايده

جو وفشلنا الهلال لعب مايع كل واحد ادلع من الثاني وعلى التشجيع رابطتك تجيب الهم وأهازيجها تسد النفس تخلي الواحد مايقدر يتكلم

والي يروح المقهى بدال الملعب بعذره الواحد يروح الملعب ليش علشان يجي طعس عسكري يسب ويلعن علينا زين الامن والتنظيم

بالملعب واحضر رابطة زي الناس بعدها تعال تفلسف.

اتمنى ان نقف مع اللاعبين

سواءاً في الملعب او هنا في المنتديات لأنهم بحاجه لنا معنويا

الشلهوب مايصلح يلعب من البداية لان مستواه نازل لوكان الشوط الثاني كان احسن وهذا رد بسيط وشكرا

والله رجاء خاص لابن مساعد لا يوجع قلبه بجمهور الرياض وينقل باقي المباريات اما للغربيه او الشرقيه او القصيم

والكوري الله بالخير ماعنده ماعند جدتي

يا ابو مشاركة وحده وخير شوي بس


لكن ياللي تقوول جمهور الحمد لله ما صاروا واجدين كآآن تشووف الغضب بيكوون كبير بالله هذا الهلال اللي يلعب ولا فريق حارتنا :(


آآخ بس على ايام التسعينات وبسسس انتهى الهلال بعدهآآآ هلالي محلي وليس خارجي للاسف

الجمهور اليوم ماقصر يعطيهم العافية
وبتوفيق للزعيم في المباريات القادمة

اقول كيف الحال ؟!!

..................................................................

والله جد الجمهور قليل وبنفس الوقت بارد نريد اهازيج نبي شي يزلزل الملعب لاكن لا حياة لمن تنادي

كل واحد جالس على النت وتحت المكيف ويتفلسف الجمهور ماحظر الجمهور ماحظر

تونا جاين من الملعب والواجهه فوق وتحت فل وحسرة اربعين الف متفرج اهون من حسرة 70 الف متفررج

خلونا بهلالنا ومدربنا وبرود الفريدي وذكاء ودهاء نامي والسواق سول

ولاترقعونها بسالفة الجمهور

الواجهه 40 الف وعند المنصه ثلاث الاف وزود
نقسمها 20 الف لمعلب جده ويمتلي و20 الف لملعب الشرقيه ويمتلي
والثلاث الالاف وشوي نحطها بملعب الحزم وماشابهه ويمتلي

عرفت اللحيييين وش الفرق ؟